అప్పుడు ఆకలి తీర్చి.. ఇప్పుడు ఊపిరి అందించి...
close
Updated : 19/06/2021 01:10 IST
Facebook Share Twitter Share WhatsApp Share Telegram Share Link Share

అప్పుడు ఆకలి తీర్చి.. ఇప్పుడు ఊపిరి అందించి...

మేమున్నాం

తోచిన సాయం చేయడం వేరు, ఆపదలో ఉన్నవారిని గుర్తించి ఆపన్నహస్తం అందించడం వేరు. రెండో కోవకు చెందుతారు శాంతా తౌటం. తెలంగాణ జౌళి శాఖలో ఓఎస్డీగా విధులు నిర్వర్తిస్తూనే వందలాది మంది కొవిడ్‌ బాధితులకు ప్రాణవాయువును అందిస్తున్నారు. కల్లోల సమయంలో ఎన్నో జీవితాలకు చేయూతనిస్తున్న ఆమెను ‘వసుంధర’ పలకరించింది.

శాంత స్వస్థలం వరంగల్‌. కిట్్స కళాశాలలో ఎలక్ట్రికల్‌ ఇంజినీరింగ్‌ పూర్తి చేసి గోల్డ్‌మెడల్‌ సాధించారు. 2000 సంవత్సరంలో అమెరికా వెళ్లి ‘న్యూ మెక్సికో స్టేట్ యూనివర్సిటీ’లో ఎం.ఎస్‌. చేశారు. శాంతకు స్ఫూర్తి వాళ్ల నాన్న రాజమౌళి తౌటం. వ్యాపారం చేస్తూ అనేక స్వచ్ఛంద కార్యక్రమాలకు ఆర్థిక సాయం చేసేవారు. నలుగురిలో మూడో సంతానమైన శాంత నాన్న నుంచే తనకు తోటి వారికి సాయం చేయాలన్న మనసు వచ్చిందని చెబుతారు. 2010లో తాను ఎం.ఎస్‌. చేసిన విశ్వవిద్యాలయం నుంచే పీహెచ్‌డీలో చేరారు. ఆ సమయంలో క్యాన్సర్‌ బాధితుల కోసం విరాళాల సేకరణ మొదలుపెట్టారు. తాను కొంత డబ్బు ఇచ్చి మిత్రుల సహకారంతో నిధులు సమీకరించి క్యాన్సర్‌ బాధితులకు అండగా నిలిచేవారు. మీల్స్‌ ఆన్‌ వీల్స్‌ అనే కార్యక్రమం ద్వారా చర్చ్‌ల వద్ద భోజనం ప్యాకెట్లను తీసుకెళ్లి సీనియర్‌ సిటిజన్లకు అందిస్తూ వలంటీర్‌గా పని చేసేవారు. ఎంతో మంది పేదవిద్యార్థులకు అసిస్టెంట్షిప్‌ అందజేస్తూ ఆర్థిక చేయూతనిస్తూ తోడ్పాటునందించారు. పీహెచ్‌డీ పూర్తి చేసి అక్కడే ఓ కంపెనీలో ఆంత్రప్రెన్యూర్‌ డైరెక్టర్‌గా పనిచేశారు. ఓ రోజు తెలంగాణ ఐటీ పరిశ్రమల శాఖ మంత్రి కేటీఆర్‌ టీహబ్‌ గురించి ప్రసంగిస్తుంటే ఆసక్తి కలిగిందట. అక్కడ పనిచేయాలనే ఆసక్తితో దరఖాస్తు చేసుకోగా ఉన్నతాధికారులు తనతో అరగంట పాటు స్కైప్‌లో ఇంటర్వ్యూ చేశారు. తనను టీహబ్‌లో ‘డైరెక్టర్‌ ఆఫ్‌ ఇన్నోవేషన్‌ క్లబ్‌’ పోస్టుకి ఎంపిక చేశారు. మూడున్నరేళ్లు టీహబ్‌ వ్యవహారాలు చూశాక గతేడాది జౌళిశాఖ ఓఎస్డీగా పదోన్నతి పొందారు.
వలసతో మొదలై
విధుల్లో తీరికలేకుండా ఉన్నా శాంత తన ప్రవృత్తి అయిన సేవను కొనసాగిస్తూనే ఉన్నారు. ఈ ఏడాది ఓ సారి ఏప్రిల్‌లో వరంగల్‌కు వచ్చినప్పుడు ఆక్సిజన్‌ కొరతతో ఆసుపత్రులు, పేదలు అల్లాడిపోవడం చూశారు శాంత. వెంటనే కొన్ని ఆక్సిజన్‌ కాన్సన్‌ట్రేటర్లను కొని అత్యవసరం ఉన్న వారికి అందజేశారు. తర్వాత ఆక్సిజన్‌ కాన్సన్‌ట్రేటర్ల అవసరం ఉందని ట్విటర్లో పెట్టి తనకు తెలిసిన అనేక పెద్ద కంపెనీలను సంప్రదించారు. శాంత సేవాభావం గురించి తెలిసిన వారు ముందుకొచ్చారు. నాస్కమ్‌ ఫౌండేషన్‌ వారు 180 ఆక్సిజన్‌ మినీ సిలిండర్లను విరాళంగా అందజేయడంతో వాటిని వరంగల్‌ మహానగరపాలక సంస్థ కమిషనర్‌కు అప్పగించారు. వాటిని నగరంలో ప్రాణవాయువు అవసరమున్న వారికి అందజేసేలా చొరవ చూపారు. వరంగల్‌ ఎంజీఎం ఆసుపత్రికి 20, యాదాద్రి జిల్లా ఆసుపత్రికి మరో 20, రాచకొండ పోలీసు కమిషనర్‌కు పది వరకు, హన్మకొండలోని మరో స్వచ్ఛంద సంస్థ వారికి 20 కాన్సన్‌ట్రేటర్లు అందజేశారు శాంత. గతేడాది లాక్‌డౌన్‌ సమయంలో వేలాది వలస కుటుంబాల ఆకలి తీర్చారు. ముంబయికి వలస పోయిన 150 తెలుగు కుటుంబాలు గతేడాది లాక్‌డౌన్‌లో తిండిలేక అల్లాడిపోతుండగా ఎవరో ప్రభుత్వానికి ట్వీట్ చేశారు. వెంటనే శాంత స్నేహితుడు అజయ్‌ వేములపాటితో పాటు మరికొందరి సహకారంతో ముంబయిలోని ఓ అధికారితో మాట్లాడారు. ఆమె ఖాతాకు డబ్బులు పంపి తన ద్వారా నిత్యావసరాలు అందజేశారు. అలా ఏకంగా 4వేల కుటుంబాల పొట్ట నింపారు. పోచంపల్లితోపాటు వందలాది వరంగల్‌ నేతన్నలకు ఐటీసీ గూంజ్‌ ఫౌండేషన్‌ సహకారంతో సరకులు అందజేశారు. గతేడాది అమెరికా స్నేహితుల సహకారంతో రూ. 20 లక్షల నిధులు సమీకరించి వరంగల్‌ మున్సిపల్‌ కమిషనర్‌కు అందజేయగా వాటితో పారిశుద్ధ్య కార్మికులకు చేతి గ్లౌజులు మాస్కులు అందించగలిగారు. ఎవరికి ఏ సాయం కావాలన్నా మిత్రులు, వివిధ స్వచ్ఛంద సంస్థలతో అనుసంధానకర్తగా ఉండి అవసరాలు తీరుస్తున్నారు. కేయూలో పీజీ చేస్తున్న ఓ పేద విద్యార్థినికి శాంత ఈ మధ్యే కొలాజియం ఫౌండేషన్‌ ద్వారా లాప్‌ట్యాప్‌ అందజేశారు. సాయం చేసేవారికి ప్రోత్సాహకరంగా ఉంటుందని వారి పేరు, అందజేసిన మొత్తం వివరాలను సామాజిక మాధ్యమాల్లో పోస్టు చేస్తుంటారు. ఆపదలో ఉండి ఎవరు సాయమడిగినా ఏదో విధంగా చేయకపోతే మనసొప్పదంటారు శాంత.

- గుండు పాండురంగశర్మ, వరంగల్‌


మరిన్ని

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని