వర్షాకాలంలో షూస్ ఇలా శుభ్రం చేయండి... - how to clean shoes in rainy season
close
Published : 06/09/2021 18:27 IST

వర్షాకాలంలో షూస్ ఇలా శుభ్రం చేయండి...

వానాకాలంలో కురిసే చినుకులు మనసుకి హాయి కలిగించినా పాదాలకు మాత్రం ఇబ్బందులు తెచ్చిపెట్టడం సహజం. రోడ్డుపై చేరే బురద, మట్టి.. వంటివి పాదాలకు, పాదరక్షలకు అంటుకుంటే వాటి నుంచి ఇన్ఫెక్షన్లు చాలా సులభంగా వ్యాపించే అవకాశం ఉంటుంది. పైగా వర్షం నీటిలో ఎక్కువ సమయం పాదరక్షలు తడిస్తే వాటి నాణ్యత కూడా దెబ్బతిని తొందరగా పాడైపోతాయి. ముఖ్యంగా షూస్ విషయంలో అయితే వర్షాకాలంలో మరింత జాగ్రత్తగా వ్యవహరించాల్సి ఉంటుంది. ఈ నేపథ్యంలో వర్షాకాలంలో షూస్ ఎలా శుభ్రం చేసుకోవాలి? వాటి విషయంలో ఎలాంటి జాగ్రత్తలు పాటించాలి?.. వంటి అంశాల గురించి తెలుసుకోవడం తప్పనిసరి. మరి, అదెలాగో తెలుసుకుందాం రండి..

మురికి తొలగిస్తూ..

వర్షాకాలంలో రహదారులపై చేరే బురద బూట్ల అడుగుభాగంలో అంటుకొని ఉండిపోతుంది. వాటిని సరిగ్గా శుభ్రం చేయకపోతే.. ఫంగస్ చేరి దుర్వాసన వచ్చే అవకాశం ఉంటుంది. పైగా వాటిని పాదాలకు తొడుక్కున్నప్పుడు ఇన్ఫెక్షన్లు వ్యాపించే అవకాశాలు కూడా లేకపోలేవు. అందుకే ఇంటికి తిరిగి వచ్చిన తర్వాత మెత్తని బ్రష్ ఉపయోగించి షూపై చేరిన మురికిని పూర్తిగా తొలగించాలి. వాటిని తిరిగి మంచినీటితో శుభ్రం చేసి పక్కన పెట్టుకోవాలి.

పూర్తిగా ఆరేలా..

వర్షపు నీటిలో తడిసిన చెప్పులు లేదా షూస్‌ను పూర్తిగా ఆరిన తర్వాతే వాటిని షూకేస్‌లో భద్రపరచాలి. లేదంటే వాటిపై ఫంగస్ చేరి ఇన్ఫెక్షన్లు వ్యాపించే అవకాశాలున్నాయి. కేవలం షూ లోపలి వైపు తడి ఆరితే సరిపోదు. బాగా పొడిగా ఆరనివ్వాలి. దీనికోసం టిష్యూపేపర్‌ని షూ లోపలి భాగంలో పెట్టి.. నీటిని పూర్తిగా పీల్చుకొనేంత వరకు ఉంచాలి. ఆ తర్వాత దాన్ని బయటకు తీసేయాలి. పూర్తిగా ఆరేంతవరకు ఇలాగే చేయాలి. ఆ తర్వాత అందులో కొద్దిగా టాల్కం పౌడర్ చల్లాలి. ఇది లోపలి భాగంలో మిగిలిపోయిన తేమను పీల్చేస్తుంది. ఇలా వారానికి రెండు నుంచి మూడుసార్లు చేయడం ద్వారా వర్షాకాలంలో షూ పాడవకుండా కాపాడుకోవచ్చు.

పాలిష్ చేస్తూ..

నీటిలో ఎక్కువ సేపు తడవడం వల్ల షూ మెరుపు తగ్గిపోతుంది. అందుకే షూస్‌ని ఎప్పటికప్పుడు పాలిష్ చేయడం తప్పనిసరి. దీనివల్ల అవి కొత్త మెరుపును సంతరించుకోవడంతోపాటు.. బూట్ల పై భాగాన్ని తేమ నుంచి సంరక్షించడానికి కూడా ఉపయోగపడుతుంది. ఇందుకు షూ వ్యాక్స్‌ని ఉపయోగించినా ఇదే ఫలితం కనిపిస్తుంది. అయితే దీనికోసం నాణ్యమైన ఉత్పత్తులను ఉపయోగించడం మంచిది.

ఆకృతి కోల్పోకుండా..

నీటిలో ఎక్కువ సేపు తడిస్తే ఒక్కోసారి బూట్ల ఆకృతిలో మార్పు వచ్చి వేసుకోవడానికి వీలుగా లేకుండా అయిపోతాయి. అలా జరగకుండా ఉండాలంటే షూస్‌ని శుభ్రం చేసిన తర్వాత కాగితాలను ఉండలుగా చుట్టి షూ లోపల పెట్టాలి. మార్కెట్లో సైతం బూట్ల ఆకృతి మారకుండా చేసే షూట్రీస్ లభ్యమవుతున్నాయి. వాటిని కూడా ఇందుకు ప్రత్యామ్నాయంగా ఉపయోగించవచ్చు.

లెదర్ షూస్ విషయంలో..

మిగిలిన వాటితో పోలిస్తే లెదర్ షూస్ భద్రపరిచేటప్పుడు మరిన్ని జాగ్రత్తలు తీసుకోవాల్సి ఉంటుంది. ఎందుకంటే వీటిపై ఫంగస్ చాలా త్వరగా పెరిగే అవకాశం ఉంటుంది. అందుకే వాటిని కొన్ని గంటల పాటు గాలికి ఆరనివ్వాలి. ఆ తర్వాత లిక్విడ్ సోప్‌ని కొద్దిగా నీటిలో కలపాలి. దీనిలో బ్రష్‌ని ముంచి దాంతో షూస్‌ని శుభ్రం చేయాలి. పూర్తిగా ఆరేంత వరకు వాటిని ఎండలో ఉంచాలి. సూర్యరశ్మి కారణంగా షూపై చేరిన క్రిములు పూర్తిగా నాశనమవుతాయి. ఆ తర్వాత పాలిష్ అప్త్లె చేస్తే లెదర్ బూట్లు పాడవకుండా ఉంటాయి.

అయితే రోజూ షూస్ ధరించేవారు మాత్రం వర్షాకాలంలో కాస్త ఎక్కువ జతలను కొనుగోలు చేసి ఉపయోగించడం మంచిది. వర్షాల కారణంగా తడిసిన షూ ఆరడానికి ఎక్కువ సమయం పడుతుంది కాబట్టి వేరే జత ధరించే సౌలభ్యం ఉంటుంది. ఫలితంగా ఇన్పెక్షన్స్ వంటివి దరిచేరకుండా జాగ్రత్తపడచ్చు.


Advertisement


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని