ఆగిపోయిన ఆ పిల్లల చదువుల కోసం..! - mumbai teen to raise funds to get tabs for dharavi school kids
close
Published : 13/08/2021 17:29 IST

ఆగిపోయిన ఆ పిల్లల చదువుల కోసం..!

(Photos: ariagupta.info)

పుస్తకాలు పట్టుకుని పాఠశాలకు వెళ్లాల్సిన పిల్లలు కరోనా కారణంగా ఇళ్లలోనే పాఠాలు నేర్చుకుంటున్నారు. స్మార్ట్‌ఫోన్లు, ట్యాబ్లెట్లు, ల్యాప్‌టాప్‌లు చేతుల్లో పట్టుకుని డిజిటల్ తరగతులకు హాజరవుతున్నారు. ఇక్కడి వరకు బాగానే ఉంది... మరి స్మార్ట్‌ఫోన్లు, నెట్‌ కనెక్షన్లు లేని పిల్లల పరిస్థితేంటి? వారు చదువుకు దూరమవ్వాల్సిందేనా?... సరిగ్గా ఇలాగే ఆలోచించింది ముంబయికి చెందిన 17 ఏళ్ల అరియా గుప్తా.

పిల్లల చదువులు ఆగిపోకూడదని!

ఓ పాఠశాలలో రోబోటిక్ మెంటర్‌గా పని చేస్తోన్న ఈ టీనేజర్‌ తన దగ్గర చదువుతోన్న పేద విద్యార్థుల భవిష్యత్‌ కరోనా కారణంగా ప్రమాదంలో పడకూడదనుకుంది. వారి ఆన్‌లైన్‌ పాఠాల కోసం ట్యాబ్లెట్లను ఉచితంగా అందించాలని నిర్ణయించుకుంది. అందుకే ప్రముఖ క్రౌడ్‌ ఫండింగ్‌ ప్లాట్‌ఫామ్‌ ‘ఇంపాక్ట్‌గురు. కామ్‌’ ద్వారా విరాళాలు సేకరిస్తోంది.

‘రోబో’ పాఠాలు చెబుతూ!

ఆదిత్య బిర్లా వరల్డ్‌ అకాడమీ స్టూడెంట్‌ అయిన అరియాకు సైన్స్‌ అండ్‌ టెక్నాలజీ అంటే బాగా ఆసక్తి. నిత్యం కొత్త విషయాలు నేర్చుకోవాలని పరితపిస్తుంటుంది. ఈ క్రమంలోనే రోబోటిక్‌ టెక్నాలజీలో విశేష ప్రావీణ్యం సంపాదించింది. సింగపూర్‌ ఇంటర్నేషనల్‌ సైన్స్‌ క్యాంప్‌తో పాటు పలు రోబోటిక్‌ కాంపిటీషన్లలోనూ పాల్గొంది. ఇలా ఒకవైపు టెక్నాలజీ పాఠాలు నేర్చుకుంటూనే మరోవైపు 2018 నుంచి శ్రీ శ్రీ రవిశంకర్‌ విద్యా మందిర్ (SSVRM) పాఠశాలలో రోబోటిక్‌ మెంటర్‌గా విధులు నిర్వర్తిస్తోంది. ఇందులో భాగంగా తన బృందం సహాయంతో STEM (సైన్స్‌, టెక్నాలజీ, ఇంజినీరింగ్‌, మేథమేటిక్స్‌) టెక్నాలజీ, రోబోల డిజైనింగ్‌, ప్రోగ్సామింగ్పై పిల్లలకు శిక్షణ అందిస్తోంది.

వారి కష్టాలేంటో తెలుసుకున్నాను!

అరియా దగ్గర శిక్షణ పొందుతున్న పిల్లల్లో చాలామంది ఆసియాలోని అతిపెద్ద మురికివాడ ధారావికి చెందిన వారే. గత కొన్నేళ్లుగా వారిని దగ్గర్నుంచి గమనించిన ఆమె...పిల్లల జీవన స్థితిగతులు, కుటుంబ నేపథ్యం, చదువుకునేందుకు వారు పడుతున్న ఇబ్బందులను అర్థం చేసుకుంది. అందుకే ఆ పేద పిల్లలు బాగా చదువుకొని ఉన్నత స్థానాలను అధిరోహించాలని ఆకాంక్షించేదామె.

‘మా పాఠశాలలో మొత్తం 450 మంది పిల్లలు ఉంటారు. అందులో చాలామంది ధారావి మురికివాడతో పాటు పేద కుటుంబాల నుంచి వచ్చినవారే. పాఠశాలకు రావడానికి వారు పడుతున్న కష్టాలేంటో నాకు బాగా తెలుసు. అందుకే కరోనా కారణంగా వారి చదువులు ఆగిపోకూడదనుకున్నాను. ఆన్‌లైన్‌ తరగతులను అందరికీ చేరువ చేద్దామనుకున్నాను’..

ఆ పిల్లల ఆన్‌లైన్‌ పాఠాల కోసం..

‘మా విద్యార్థుల్లో చాలామంది తల్లిదండ్రుల స్మార్ట్‌ఫోన్లలోనే పాఠాలు వింటున్నారు. మరికొందరికి స్కూల్‌ తరఫున సెకండ్‌ హ్యాండ్‌ స్మార్ట్‌ఫోన్లు అందించి ఆన్‌లైన్ క్లాసులకు హాజరయ్యేలా చేశాం. అయితే అప్పుడే 8-10 తరగతులకు చెందిన ఓ 15 మంది విద్యార్థులు రెగ్యులర్‌గా ఈ ఆన్‌లైన్‌ పాఠాలకు హాజరవ్వట్లేదని తెలిసింది. కారణమేంటో తెలుసుకుందామని మా సిబ్బందిని ధారావిలోని వారి ఇళ్లకు పంపాం. ఆన్‌లైన్‌ తరగతులకు అవసరమైన సౌకర్యాలేవీ వారి ఇళ్లలో లేవని తెలిసింది. అప్పుడే వారికి ఉచితంగా ట్యాబ్లెట్లను అందిద్దామని నిర్ణయించుకున్నాను. ఇందుకోసం ప్రముఖ క్రౌడ్‌ ఫండింగ్‌ ప్లాట్‌ఫామ్‌ ‘ఇంపాక్ట్‌ గురు.కామ్‌’ సహాయం తీసుకున్నాను’ అని చెప్పుకొచ్చిందీ టీనేజర్.

మళ్లీ చదువుకుంటారు!

నెల రోజుల క్రితం ప్రారంభమైన ఈ క్యాంపెయిన్‌లో మొదట 1.50 లక్షల రూపాయలను సేకరించడమే లక్ష్యంగా పెట్టుకుంది అరియా. మంచి ఉద్దేశంతో ప్రారంభించిన ఈ కార్యక్రమానికి దాతలు బాగానే స్పందిస్తున్నారు. ఇప్పటివరకు 1.13 లక్షల రూపాయలు విరాళాలుగా అందాయి. ‘త్వరలోనే మేం అనుకున్న లక్ష్యానికి చేరుకుంటాం. ఆగిపోయిన ఆ పేద పిల్లల చదువులు మళ్లీ ప్రారంభమవుతాయి’ అని ఈ సందర్భంగా చెప్పుకొచ్చింది అరియా.

ఈ సందర్భంగా అరియా కృషిని అభినందిస్తూ క్రౌడ్‌ ఫండింగ్‌ ప్లాట్‌ఫామ్‌ ఫీజును కూడా రద్దు చేశారు ఇంపాక్ట్‌ గురు.కామ్‌ సహ వ్యవస్థాపకురాలు ఖుష్బూ జైన్.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని