IPL Final - CSK vs GT: ఐపీఎల్‌ కప్‌తో చెన్నై టీమ్‌ ధూంధాం

ఐపీఎల్‌-16 ట్రోఫీ గుజరాత్‌ను ఊరించి.. ఊరించి.. చివరికి చెన్నైకే చిక్కింది. సోమవారం తీవ్ర ఉత్కంఠ మధ్య.. అత్యంత హోరాహోరీగా సాగి ఆఖరి బంతికి ఫలితం తేలిన మ్యాచ్‌లో చెన్నై 5 వికెట్ల తేడాతో విజయం సాధించింది. దీంతో స్టేడియంలో పసుపు దళం సంబరాలు అంబరాన్నంటాయి.  ధోని ఇంకో ఐపీఎల్‌ ఆడటం అనుమానమే అని భావిస్తున్న నేపథ్యంలో.. 42 ఏళ్ల వయసులో అతను మరో ట్రోఫీ అందుకుని కెరీర్లో పతాక ఘట్టాన్ని చిరస్మరణీయం చేసుకున్నట్లయింది.