Fri, February 12, 2016

Type in English and Give Space to Convert to Telugu

'వైజ్ఞానిక మైలురాయి''విశ్రమించిన వీరుడు''మేయర్‌ ఎన్నిక ఏకగ్రీవం''కారెక్కిన మరో తెదేపా ఎమ్మెల్యే''‘బేర్‌’మన్న స్టాక్‌ మార్కెట్లు''‘ఆధార్‌’ ఇక తప్పనిసరి కాదు''కేంద్ర బడ్జెట్‌లో వ్యవసాయం''ఎంపీల జీతభత్యాలు త్వరలో రెట్టింపు!''మార్చి మొదటి వారంలో ‘పుర’ ఎన్నికలు''మేడారం జాతరను జాతీయ పండుగగా ప్రకటించండి'
నీళ్ల పంచాయితీ నేడు
భేటీ కానున్న కృష్ణా యాజమాన్య బోర్డు
వాడివేడి చర్చ తప్పదా?
వాదనలతో సిద్ధమైన తెలంగాణ, ఆంధ్రప్రదేశ్‌
ఈనాడు - హైదరాబాద్‌
తెలంగాణ-ఆంధ్రప్రదేశ్‌ల మధ్య ‘నీళ్లు’ నిప్పై మండుతున్న నేపథ్యంలో... కృష్ణా నదీ యాజమాన్య బోర్డు బుధవారం సమావేశం కాబోతోంది. కృష్ణాబేసిన్‌లో ఇప్పటివరకు జరిగిన నీటి వినియోగం, భవిష్యత్తు కేటాయింపుల అంశాలపై బోర్డు చర్చించనుంది. నీటి లభ్యతను లెక్కగట్టడానికి అనుసరించాల్సిన విధానం.. నికర, మిగులు జలాలతో సంబంధం లేకుండా మొత్తం లభ్యమైన నీటిలో ఆయా రాష్ట్రాల వాటాకు తగినట్లుగా వాడుకోవడం తదితర అంశాలపై చర్చించే అవకాశం ఉన్నట్లు తెలిసింది. శ్రీశైలం నీటి నిర్వహణ వివాదం నేపథ్యంలో బోర్డు సమావేశానికి ప్రాధాన్యం ఏర్పడింది.

నీటి వినియోగం కీలకం...
బచావత్‌ ట్రైబ్యునల్‌ ప్రకారం 811 టీఎంసీల నీటి కేటాయింపు రెండు రాష్ట్రాలకు ఉంది. ఇందులో జూరాల నుంచి ప్రకాశం బ్యారేజి వరకు నీటి లభ్యత, ఈ ప్రాజెక్టుల కింద అవసరాలు, ఇప్పటివరకు జరిగిన వినియోగంపై బోర్డు సమావేశంలో ప్రధానంగా చర్చ జరిగే అవకాశం ఉంది. శ్రీశైలంలో నీటి మట్టం నిర్వహణ అంశాన్ని ఆంధ్రప్రదేశ్‌ లేవనెత్తనుండగా.. పోతిరెడ్డిపాడు, హంద్రీనీవా ద్వారా తీసుకొన్న 66 టీఎంసీల నీటి గురించి తెలంగాణ ప్రశ్నించనుంది. ఇప్పటివరకు కృష్ణాలోని ప్రధాన ప్రాజెక్టుల్లో 600 టీఎంసీలకు పైగా నీటి లభ్యత ఉంది. నీటి లభ్యత, వినియోగానికి సంబంధించి తెలంగాణ, ఆంధ్రప్రదేశ్‌లు ఎవరి వాదనలు వారు సిద్ధం చేసుకొన్నారు.

ఆంధ్ర వాదన ఇదీ...: పోతిరెడ్డిపాడు ద్వారా వరద సమయంలోనే నీటిని తీసుకొన్నామని, 19 టీఎంసీల కేటాయింపు ఉన్నా 8.25 టీఎంసీలు మాత్రమే తీసుకొన్నామని, 10.75 టీఎంసీలు ఇంకా తీసుకోవాల్సి ఉందని ఆంధ్రప్రదేశ్‌ చెబుతోంది. పోతిరెడ్డిపాడు ద్వారా మళ్లించిన 60 టీఎంసీలలో 40 టీఎంసీలకు పైగా నెల్లూరు జిల్లాలోని సోమశిలకు వెళ్లాయి. గాలేరు-నగరి నిర్మాణ పనులు, గండికోట-చిత్రావతి ఎత్తిపోతల పనులు పూర్తికాక పథకాలు ఇంకా వినియోగంలోకి రాలేదు. కృష్ణాడెల్టాకు మొదటి పంటకు 165.90 టీఎంసీల కేటాయింపు ఉండగా.. ఇప్పటివరకు 113 టీఎంసీలు వాడుకొన్నామని, మరో 53 టీఎంసీలు వాడుకోవాల్సి ఉందని, నాగార్జునసాగర్‌ కుడి కాలువ కింద 70 టీఎంసీలను వాడుకోవాల్సి ఉందని ఆంధ్రప్రదేశ్‌ చెబుతోంది.

తెలంగాణ వాదన...: ఆంధ్రప్రదేశ్‌ వాదనతో వాదనతో తెలంగాణ ఏకీభవించడం లేదు. జూరాల ప్రాజెక్టు కింద జూరాల, నెట్టెంపాడు, భీమా, కోయిల్‌సాగర్‌ పథకాలకు కలిపి వినియోగించుకొన్నది 12.594 టీఎంసీలేనని, పోతిరెడ్డిపాడు ద్వారా వెళ్లిన నీటిలో మద్రాసు తాగునీటి అవసరాలకు ఇవ్వాల్సిన దాంట్లో తెలంగాణ వాటా ఏడు టీఎంసీలు, కల్వకుర్తిలో 0.262 టీఎంసీలు కలిపి మొత్తం 7.262 టీఎంసీలేనని వివరించనుంది. నాగార్జునసాగర్‌ ప్రాజెక్టు నుంచి ఆంధ్రప్రదేశ్‌ 175.560 టీఎంసీలు వాడుకొందని తెలంగాణ చెబుతోంది. మొత్తం నీటిలో తెలంగాణ వాడుకొన్నది 89.916 టీఎంసీలు కాగా, ఆంధ్రప్రదేశ్‌ 234.60 టీఎంసీలు వాడుకొందని, లభ్యమైన నీటిలో రెండు రాష్ట్రాల వాటాను తీసుకొంటే ఉపయోగించుకోవడానికి అవకాశమున్న మిగిలిన నీటిలో తెలంగాణకు 125.285 టీఎంసీలు, ఆంధ్రప్రదేశ్‌కు 62.513 టీఎంసీలు ఉందని తెలంగాణ నివేదిస్తోంది.

తెలంగాణ లెక్కలతో ఆంధ్రప్రదేశ్‌ ఏకీభవించడం లేదు. కృష్ణాడెల్టాకు 152 టీఎంసీల కేటాయింపు ఉండగా.. ఆంధ్రప్రదేశ్‌ మాత్రం 181 టీఎంసీలను పరిగణనలోకి తీసుకొని తమకు ఇంకా ఎక్కువ నీరు రావాల్సి ఉందని అంటోంది. తమ అవసరాలకు ఇంకా సుమారు 140 టీఎంసీలు అవసరమని పేర్కొంటోంది. మిగిలిన నీటిలో ఏ రాష్ట్రానికి, ఏ ప్రాజెక్టుకు ఎంత కేటాయించాలన్న దానిపై బోర్డు సమావేశంలో వాడివేడిగా చర్చ జరిగే అవకాశం ఉంది. మరోవైపు రెండు రాష్ట్రాల ఫిర్యాదుల నేపథ్యంలో వరద ఎప్పటి నుంచి వచ్చింది, ఎవరు ఎంత వాడుకున్నారన్న దానిపై బోర్డు వివరాలు సేకరించినట్లు తెలిసింది. నాగార్జునసాగర్‌ రిజర్వాయర్‌ పూర్తి స్థాయి నీటిమట్టానికి చేరి సెప్టెంబరు 14 నుంచి 24 వరకు వరద నీటిని బయటకు వదిలారు. ఈ సమయంలో తీసుకెళ్లిన నీటిని మినహాయించి మిగిలిన నీటిని ఆంధ్ర వాటాగా పరిగణించే అవకాశంగా ఉన్నట్లు తెలిసింది.

అజెండాలోని అంశాలివే..: కృష్ణా నదీ యాజమాన్య బోర్డు సమావేశం అజెండాలో తొమ్మిది అంశాలను చేర్చారు. వచ్చే జూన్‌ ఆరంభం వరకు ప్రస్తుతం ఉన్న నిల్వలు సరిపోవు కాబట్టి- ఉన్న నీటి వినియోగం ఎలా అన్న దానిపై చర్చ జరుగుతుంది. ఇందుకోసం వచ్చే ఏడాది మే 31 వరకు పది రోజలకోసారి నీటి అవసరాలపై రెండు రాష్ట్రాల నుంచి వివరాలను బోర్డు కోరింది. పులిచింతలలో నీటి నిల్వ, పునరావాసంపై చర్చ జరుగుతుంది. బోర్డు నిర్వహణకు సంబంధించిన డాక్యుమెంట్‌ ఖరారు. ఆయా అంశాలపై రెండు రాష్ట్రాలు తమ అభిప్రాయాలతో రావాలని బోర్డు కోరింది. కృష్ణా, గోదావరి బోర్డుల నిర్వహణకు 2014-15లో అయ్యే వ్యయం ఖరారు చేస్తారు. ఉమ్మడి ప్రాజెక్టుల్లో చేపట్టాల్సిన పనులపై చర్చ జరుగుతుంది. విద్యుత్తు ప్రాజెక్టులకు సంబంధించిన అంశాలు, బోర్డు కార్యక్రమాల నిర్వహణకు వసతి సదుపాయం, రెండు రాష్ట్రాల నుంచి బోర్డులోకి సిబ్బంది నియామకం. ప్రాజెక్టులకు సంబంధించి గతంలో జరిగిన సమావేశాల్లో అడిగిన సమాచారాన్ని రెండు రాష్ట్రాలు ఇవ్వడం, దీనిపై చర్చ జరుగుతుంది. అయితే అజెండాలోని అంశాల కంటే శ్రీశైలం నిర్వహణ ప్రధానంగా చర్చకు వచ్చే అవకాశం ఉన్నట్లు సంబంధిత వర్గాలు భావిస్తున్నాయి. బోర్డు ఛైర్మన్‌ పండిట్‌ అధ్యక్షతన జరిగే ఈ సమావేశానికి సభ్య కార్యదర్శి ఆర్‌.కె.గుప్తాతో పాటు రెండు రాష్ట్రాల ఇంజినీర్‌ ఇన్‌ చీఫ్‌లు మురళీధర్‌, వెంకటేశ్వరరావులు హాజరుకానున్నారు. రెండు రాష్ట్రాల ముఖ్యకార్యదర్శులు కూడా సభ్యులైనా ప్రస్తుతం పూర్తిస్థాయి బోర్డు సమావేశం జరగడం లేదని, సాంకేతిక అంశాలవరకే పరిమితం కాబట్టి ఇ.ఎన్‌.సి.లు మాత్రమే హాజరయ్యే అవకాశం ఉందని సంబంధిత వర్గాలు తెలిపాయి.

సమంత@100 కేజీలు

మొదటి సినిమాలో సన్నగా సన్నజాజి తీగలా కనిపించి..రెండో చిత్రానికి వచ్చేసరికి బొద్దుగుమ్మగా దర్శనమిచ్చారు ఎంతో మంది కథానాయికలు....

మణిరత్నం వీరాభిమానిని!

హను రాఘవపూడి... తీసింది ‘అందాల రాక్షసి’ ఒక్కటే. దాని చుట్టూ బోలెడు కామెంట్లు.. కాంప్లిమెంట్లు. ‘మణిరత్నం ప్రభావం కుర్రాడిపై చాలా ఎక్కువ ఉంది’ అనుకొన్నారు చాలామంది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net