మాట్లాడుకున్నారు.. ఆపేశారు!

తాజావార్తలు


మాట్లాడుకున్నారు.. ఆపేశారు!
రాష్ట్రంలో ఐదు రోజులుగా నిలిచిన సిమెంట్‌ సరఫరా
ఎక్కడికక్కడే స్తంభించిన జల వనరుల పనులు
 అనంతపురం
‘‘అన్ని పరిశ్రమల యాజమాన్య ప్రతినిధులు మాట్లాడుకున్నారు. వాళ్లకు వాళ్లే విరామం తీసేసుకున్నారు. సరకు ఉత్పత్తి చేసినా బయటకు పంపకుండా ఆపేశారు. తద్వారా మార్కెట్‌లో డిమాండ్‌ పెంచే ప్రయత్నం చేస్తున్నారు. ఇదంతా సిమెంట్‌ కంపెనీల మాయాజాలం. గత ఐదు రోజులుగా ఇదే తంతు నడుస్తోంది. వీరి వైఖరితో జల వనరుల శాఖలో ముమ్మరంగా సాగాల్సిన పనులు ఎక్కడికక్కడే నిలిచిపోయాయి.’’

ఆంధ్రప్రదేశ్‌లో సిమెంట్‌ పరిశ్రమల యాజమాన్యాలు తమకు నచ్చిన తీరులో వ్యవహరిస్తున్నాయి. సిమెంట్‌ను పుష్కలంగా ఉత్పత్తి చేస్తున్నా బహిరంగ మార్కెట్లోకి సరఫరా నిలిపివేసి వ్యూహాత్మకంగా వ్యవహరిస్తున్నాయి. దాదాపు రాష్ట్రవ్యాప్తంగా సిమెంట్‌ పరిశ్రమల నుంచి సిమెంట్‌ బయటకు రాకుండా ఆపేశారు. గత ఐదు రోజులుగా సిమెంట్‌ లోడ్లు పరిశ్రమల నుంచి బయటకు రావడం లేదు. దీంతో రాష్ట్రంలో అనేక ప్రగతి పనులు నిలిచిపోతున్నాయి. ముఖ్యంగా భారీఎత్తున సాగుతున్న జల వనరులశాఖ పనులపై ఈ ప్రభావం కనిపిస్తోంది. ప్రధానంగా రాయలసీమ జిల్లాల్లో 13 సిమెంట్‌ పరిశ్రమలు ఉన్నాయి. కడప జిల్లాలో ఐదు, అనంతపురం, కర్నూలు జిల్లాల్లో నాలుగేసి చొప్పున ఉన్నాయి. మరోపక్క రాయలసీమ జిల్లాల్లో హంద్రీనీవా సుజల స్రవంతి, గాలేరు-నగరి సుజల స్రవంతి, ఇంకా వివిధ ప్రాజెక్టుల పనులు జరుగుతున్నాయి. వీటిలో సిమెంట్‌ లైనింగ్‌, కాంక్రీట్‌ పనులకు భారీగా సిమెంట్‌ అవసరం ఉంది. అయితే ఐదు రోజులుగా పనుల నిర్వహణకు సిమెంట్‌ ఉత్పత్తులు లభించడం లేదు.

ధరలు పెంచేందుకే....
ప్రస్తుతం నీటిపారుదల ప్రాజెక్టుల పనులు చేస్తున్న గుత్తేదారులు ఒక్కో సిమెంట్‌ బస్తాను రూ.290 నుంచి రూ.310 చొప్పున కొనుగోలు చేస్తున్నారు. చాలా మంది తమకు కావాల్సిన సిమెంట్‌ బస్తాల కోసం డీడీలు కూడా ముందే చెల్లించారు. అయినప్పటికీ ఐదు రోజులుగా అన్ని సిమెంట్‌ పరిశ్రమల్లో ఉత్పత్తి జరుగుతున్నా ఒక్క బస్తా కూడా బయటకు రానివ్వడం లేదు. ఇదంతా వ్యూహాత్మకంగా చేస్తున్నట్లు తెలుస్తోంది. సిమెంట్‌కు కృత్రిమ కొరత సృష్టించడం ద్వారా ధరలు పెంచడంలో భాగంగానే సిమెంట్‌ పరిశ్రమల యాజమాన్యాలు ఇలా చేస్తున్నట్లు సమాచారం. మరోవైపు గుత్తేదారులు బయటి మార్కెట్‌లో రూ.340 చొప్పున వెచ్చిద్దామన్నా సరే సిమెంట్‌ దొరకని పరిస్థితి నెలకొంది. ఈ నెల 19 నుంచి అన్ని సిమెంట్‌ పరిశ్రమలు సరఫరా సెలవు(డిస్పాచ్‌ హాలిడేస్‌) ప్రకటించుకున్నట్లు విశ్వసనీయంగా తెలిసింది. ఆ సమయంలో ఏ సిమెంట్‌ పరిశ్రమ కూడా బయటకు సిమెంట్‌ ఉత్పత్తులను పంపదని ఓ సిమెంట్‌ పరిశ్రమలో పనిచేస్తున్న ఉన్నతాధికారి ఒకరు తెలిపారు. వాస్తవానికి ప్రభుత్వం సిమెంట్‌ పరిశ్రమల తీరుపై దృష్టిపెట్టకపోవడంతో ఇలా జరుగుతోందని విమర్శలు వస్తున్నాయి.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.