దిల్లీ: ఎన్నికల బాండ్లకు సంబంధించిన అన్ని వివరాలనూ పార్లమెంటు ముందు ఉంచాలని కాంగ్రెస్‌ పార్టీ బుధవారం డిమాండ్‌ చేసింది. ఎన్నికల బాండ్లు రాజకీయ అవినీతి పథకంలా మారాయని, భారత ప్రజాస్వామ్య ప్రతిష్ఠను దెబ్బతీస్తున్నాయని పేర్కొంది. ఇది నగదు అక్రమ చలామణికి దారితీస్తోందని ఆ పార్టీ సీనియర్‌ నాయకులు గులాం నబీ ఆజాద్‌, ఆనంద్‌ శర్మ, రణదీప్‌ సూర్జేవాలాలు విలేకరుల సమావేశంలో ఆరోపించారు.