తాజా వార్తలు

Facebook Share Twitter Share Comments Telegram Share
Top TenNews @ 9 AM: ఈనాడు.నెట్‌లో టాప్‌ 10 వార్తలు

1.29న అల్పపీడనం.. దక్షిణ కోస్తా, రాయలసీమల్లో భారీ వర్షాలు

రాయలసీమ జిల్లాలు వరద ముప్పు నుంచి తేరుకోకమునుపే అల్పపీడనం రూపంలో మరో గండం వెంటాడుతోంది. ఈనెల 29నాటికి దక్షిణ అండమాన్‌ వద్ద బంగాళాఖాతంలో ఈ అల్పపీడనం ఏర్పడొచ్చని అమరావతి వాతావరణ కేంద్రం పేర్కొంది. ఆ తరువాత 48 గంటల్లో ఇది మరింత బలపడి పశ్చిమ వాయవ్య దిశగా ప్రయాణించొచ్చని అంచనా వేస్తున్నారు. 26న ఉత్తర కోస్తాలో తేలికపాటినుంచి మోస్తరు.. ఒకటి, రెండు చోట్ల ఉరుములతో కూడిన జల్లులు కురిసే అవకాశముంది.

2.మాకు.. జూనియర్‌ ఎన్టీఆర్‌కి ఏంటి సంబంధం?

‘మాకు జూనియర్‌ ఎన్టీఆర్‌కి ఏంటి సంబంధం. నన్ను, వంశీని ఆయన ఎందుకు నియంత్రిస్తారు. మేమేమన్నా ఆయన పార్టీనా? ఆయన సినిమాకు నిర్మాతలమా? లేదా డైరెక్టర్లమా? లేకపోతే ఆయన దగ్గరేమన్నా నటన నేర్చుకున్నామా? ఒకప్పుడు కలిసి ఉన్నాం. ఇప్పుడు వైకాపాలో ఉన్నాం. జగన్‌ మా నాయకుడు. జూనియర్‌ ఎన్టీఆర్‌ చెబితే మేమెందుకు వింటాం?’ అని పౌరసరఫరాల శాఖ మంత్రి కొడాలి నాని వ్యాఖ్యానించారు.

3.కిడ్నీలు బెంబేలు

మూత్రపిండాలకు ముప్పు పొంచి ఉంది. క్రమేణా ప్రాణాపాయానికి దారి తీసే కిడ్నీల వైఫల్య వ్యాధి భయపెడుతోంది. రాష్ట్రంలో ఏటేటా పెరుగుతున్న బాధితుల సంఖ్య అప్రమత్తం కావాల్సిన అవసరాన్ని సూచిస్తోంది. రాష్ట్రంలో 2014-15లో 5,598 మంది బాధితులు ఆరోగ్యశ్రీ పథకం కింద నమోదవగా, 2020-21 నాటికి ఆ సంఖ్య 10,848కు పెరగడం పరిస్థితి తీవ్రతకు నిదర్శనం.

4.సెకి నుంచి కొంటే షాకే..

టెండర్లు లేవు.. రివర్స్‌ టెండరింగ్‌ ఊసే లేదు.. ‘వేరే రాష్ట్రంలో సౌర విద్యుత్‌ ప్లాంట్ల ఏర్పాటుకు వివిధ సంస్థలతో ఒప్పందాలు చేసుకున్నాం. అవి యూనిట్‌ కరెంటు రూ.2.49కి ఇచ్చేందుకు ముందుకొచ్చాయి. 2024 సెప్టెంబరు నుంచి విద్యుత్‌ సరఫరా మొదలవుతుంది. పాతికేళ్లకు మీరు మాతో ఒప్పందం చేసుకోండి’ అని భారత సౌర విద్యుత్‌ సంస్థ (సెకి) ఈ ఏడాది సెప్టెంబరు 15న రాష్ట్ర ప్రభుత్వానికి లేఖ రాసింది. మరో ఆలోచన లేకుండా మర్నాడే దానికి కేబినెట్‌ ఆమోదముద్ర వేసింది.

5.క్రిప్టో నియంత్రణ అత్యంత సంక్లిష్టం

క్రిప్టో కరెన్సీ ఇన్వెస్టర్లు ఒక అదృశ్య భూతాన్ని వెంటాడుతున్నారని, దానిపై వారితో పాటు ఎక్స్ఛేంజీల నిర్వాహకులకూ స్పష్టత లేదని కేంద్ర ఆర్థిక శాఖ మాజీ కార్యదర్శి సుభాష్‌ గార్గ్‌ పేర్కొన్నారు. ‘అదేంటో వారికి తెలీదు, అయినా ఏదో విలువైన వస్తువు అనుకుని దాని వెంటపడుతున్నారు, అందుకే క్రిప్టో కరెన్సీల ధరలు పెరిగిపోతున్నాయి’ అని అభిప్రాయపడ్డారు.

6.ఆరోగ్యశ్రీలోకి మరిన్ని చికిత్సలు

వైద్యులు, అధికారులు సూచిస్తే  ఆరోగ్యశ్రీ పరిధిలోనికి మరిన్ని చికిత్సలను తెచ్చేందుకు తమ ప్రభుత్వం సిద్ధంగా ఉందని ముఖ్యమంత్రి జగన్‌ వెల్లడించారు. గత ప్రభుత్వ హయాంలో 1,096 చికిత్సలు అందుబాటులో ఉండగా వాటిని తాము 2,446కు పెంచామన్నారు. వైఎస్సార్‌ ఆరోగ్యశ్రీ ట్రస్టు ద్వారా గడిచిన 29 నెలల్లో రూ.4వేల కోట్లు వ్యయం చేశామని చెప్పారు. రాష్ట్ర శాసనసభలో గురువారం ‘ఆరోగ్య రంగం’పై జరిగిన చర్చలో సీఎం జగన్‌ మాట్లాడారు.

7.రైతులకు న్యాయం జరిగే వరకూ వెన్నంటి ఉంటాం

స్వాతంత్య్రం సిద్ధించి 75 సంవత్సరాలవుతున్నా.. దేశంలో వ్యవసాయరంగం కుదుటపడలేదని, రైతులు నిత్య సమస్యలను ఎదుర్కొంటున్నారని భారతీయ కిసాన్‌ యూనియన్‌ జాతీయ అధికార ప్రతినిధి, సంయుక్త కిసాన్‌ మోర్చా నేత రాకేశ్‌ టికాయిత్‌ తెలిపారు. వారికి న్యాయం జరిగే వరకు తాము వెన్నంటి ఉంటామని స్పష్టం చేశారు. వ్యవసాయ చట్టాల రద్దుకు ఏడాది పాటు అన్నదాతలు పోరాడారన్నారు.

8.కొత్త వేరియంట్‌ కలకలం

దక్షిణాఫ్రికాలో తాజాగా కొవిడ్‌ కొత్త వేరియంట్‌ బయటపడటం ఆందోళన రేకెత్తిస్తోంది. ‘బి.1.1.529’గా గుర్తించిన ఈ రకానికి సంబంధించి ఇంతవరకు 22 కేసులు బయటపడ్డాయి. క్రమేపీ ఈ వేరియంట్‌ ఇన్ఫెక్షన్లు కూడా పెరుగుతున్నట్లు దక్షిణాఫ్రికా వైద్య, ఆరోగ్య శాఖ గురువారం తెలిపింది. కరోనా నాలుగో ఉద్ధృతి (వేవ్‌) డిసెంబరు లేదా జనవరిలో వస్తుందని అంచనా వేశామని.. అయితే కొత్త వేరియంట్‌ కేసులు తాజాగా బయటపడుతున్నాయని ఆ శాఖ మంత్రి జో ఫాహ్లా తెలిపారు.

9.ఫిక్స్‌డ్‌ చేద్దాం.. అధిక వడ్డీ వచ్చేలా

ఫిక్స్‌డ్‌ డిపాజిట్లు.. ఎంతోమందికి ఇష్టమైన పథకం. వీటిపైనే ఆధారపడి ఆదాయం పొందుతున్న వారెంతోమంది. నష్టభయం లేకపోవడం, వడ్డీకి హామీ ఉండటం, కావాల్సినప్పుడు వెనక్కి తీసుకునే సౌలభ్యం.. ఇవే ఎఫ్‌డీలకు అంత ఆదరణ లభించేందుకు కారణం. గత కొంతకాలంగా వీటిపై వడ్డీ మరీ నామమాత్రంగా ఉంటోంది. మరి, ఉన్నంతలో మంచి రాబడిని ఆర్జించాలంటే.. ఏం చేయాలి?

10.చి‘వరి’కి నష్టపోయేది ఎందరో!

ఉప్పుడు బియ్యం వ్యవహారం వేలమంది ఉపాధిని ప్రశ్నార్థకంగా మార్చనుంది. యాసంగిలో ఉప్పుడు బియ్యం తీసుకునేది లేదని కేంద్రం తేల్చి చెప్పింది. దీనివల్ల రైతులు నష్టపోయే ప్రమాదం ఉండటంతో వరి వేయవద్దని రాష్ట్ర ప్రభుత్వం రైతులను కోరుతోంది. ఇప్పుడు అన్నదాతల పరిస్థితి ఏమిటనేది ఒక ప్రశ్న అయితే.. వరి సాగుమీద ఆధారపడి పరోక్షంగా ఉపాధి పొందేవారి సంగతి ఏమిటనేది మరో ప్రశ్న.


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.