Murali Prasad: గుండెపోటుతో గాయకుడి ఆకస్మిక మృతి

మురళీ ప్రసాద్‌

జయపురం, న్యూస్‌టుడే: ఒడిశాలోని జయపురం నగరంలో జగత్‌ జనని ఆలయం ఆవరణలో ఏర్పాటు చేసిన సంగీత విభావరి విషాదంగా ముగిసింది. దసరా వేడుకల సందర్భంగా నిర్వహించిన కార్యక్రమంలో జయపురానికి చెందిన గాయకుడు మురళీ ప్రసాద్‌ మహాపాత్ర(54) గుండెపోటుతో ఆకస్మికంగా మృతి చెందారు. రెండు పాటలు పాడిన ఆయన అనంతరం విశ్రాంతి తీసుకుంటుండగా ఈ ఘటన జరిగింది. శ్రోతలు, కళాకారులు జిల్లా ప్రధానాసుపత్రికి తరలించగా పరీక్షించిన వైద్యులు మృతి చెందినట్లు ధ్రువీకరించారు. అంతవరకు సరదాగా ఉన్న వాతావరణం ఆయన మృతితో విషాదంగా మారిపోయింది.


మరిన్ని

ap-districts
ts-districts

సుఖీభవ

చదువు