రాష్ట్రపతి ప్రసంగంపై కాంగ్రెస్‌ నిరసన
close
Updated : 31/01/2020 14:58 IST
Facebook Share Twitter Share WhatsApp Share Telegram Share Link Share

రాష్ట్రపతి ప్రసంగంపై కాంగ్రెస్‌ నిరసన

దిల్లీ: రాష్ట్రపతి రామ్‌నాథ్‌ కోవింద్‌ ప్రసంగం సందర్భంగా పార్లమెంటులో ప్రతిపక్షాలు నిరసన వ్యక్తం చేశాయి. ప్రసంగంలో భాగంగా ప్రభుత్వం తీసుకొచ్చిన పౌరసత్వ సవరణ బిల్లు(సీఏఏ)ని ప్రశంసించడం పట్ల విపక్షాలు అభ్యంతరం వ్యక్తం చేశాయి. ప్రభుత్వ విధానాలకు వ్యతిరేకంగా కాంగ్రెస్‌ ఎంపీలు నినాదాలు చేశారు. నల్ల రిబ్బన్లు ధరించి నిరసన వ్యక్తం చేశారు. అంతకుముందు కాంగ్రెస్ అధ్యక్షురాలు సోనియాగాంధీ నేతృత్వంలో ఆ పార్టీ ఎంపీలు పార్లమెంటు ఆవరణలో ఆందోళన చేపట్టారు. ఎన్ఆర్‌సీ, ఎన్‌ఆర్‌పీ, సీఏఏని రద్దు చేయాలంటూ నినాదాలు చేశారు. రాజ్యాంగాన్ని రక్షించాలంటూ ప్లకార్డులు ప్రదర్శించారు. ఈ ఆందోళనలో రాహుల్‌ గాంధీ, గులాం నబీ ఆజాద్‌, అహ్మద్‌ పటేల్‌, అధిర్‌ రంజన్ చౌధురి, ఏకే ఆంటోని తదితరులు పాల్గొన్నారు. 

పార్లమెంటు ఉభయ సభలనుద్దేశించి ప్రసంగించిన రాష్ట్రపతి.. అధికరణ 370 రద్దుని చరిత్రాత్మకమైన నిర్ణయంగా అభివర్ణించారు. సీఏఏని సైతం చరిత్రాత్మక చట్టంగా అభివర్ణించిన ఆయన.. దీంతో మహాత్మా గాంధీ కలను కేంద్ర ప్రభుత్వం నెరవేర్చిందన్నారు. పాక్‌లో నివసించడం ఇష్టం లేని హిందువులు భారత్‌ రావాల్సిందిగా మహాత్మాగాంధీ చెప్పారని గుర్తుచేశారు. ఆందోళనల పేరుతో హింసకు పాల్పడితే అది దేశాన్ని బలహీనం చేస్తుందని అభిప్రాయపడ్డారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని