హైదరాబాద్‌: ప్రేక్షకులను కడుపుబ్బ నవ్వించేందుకు ‘FCUK’(ఫాదర్‌, చిట్టి, ఉమ, కార్తీక్‌) బండి సిద్ధమైంది. టైటిల్‌తోనే ఆసక్తి రేకెత్తించిన ఈ సినిమా ఇటీవల టీజర్‌తో అలరించింది. దాంతో సినిమాలో వినోదం ఏ స్థాయిలో ఉండబోతుందో రుచి చూపించింది. తాజాగా.. చిత్రబృందం విడుదల తేదీని కూడా ప్రకటించింది. ఫిబ్రవరి 12న థియేటర్ల వేదికగా ప్రేక్షకుల ముందుకు రానున్నట్లు తెలిపింది.

ఈ సినిమాలో ఫాదర్‌(ఫణిభూపాల్‌)గా జగపతిబాబు, (కార్తీక్‌)గా రామ్‌ కార్తీక్‌, (ఉమ)గా అమ్ముఅభిరామి కీలక పాత్రల్లో నటించారు. విద్యా సాగర్‌రాజు దర్శకుడు. రంజిత్‌ మూవీస్‌ పతాకంపై కె.ఎల్‌. దామోదర్‌ ప్రసాద్‌ నిర్మిస్తున్నారు. ఈ చిత్రానికి భీమ్స్‌ సిసిరిలియో సంగీతం అందించారు. నూతన సంవత్సరం సందర్భంగా ఈ సినిమా టీజర్‌ను ప్రముఖ దర్శకుడు రాజమౌళి విడుదల చేసిన విషయం తెలిసిందే.
ఇదీ చదవండి..
బాయ్‌ఫ్రెండ్‌ ఫొటో పంచుకున్న కాజల్‌