crime news: రాహుల్‌ది హత్యే.. పోలీసులకు ఆధారాలు లభ్యం 

తాజా వార్తలు

Updated : 19/08/2021 17:49 IST

crime news: రాహుల్‌ది హత్యే.. పోలీసులకు ఆధారాలు లభ్యం 

విజయవాడ: బెజవాడ నగరంలో  కలకలం రేపిన కారులో మృతదేహం కేసులో పురోగతి లభించింది. మ్యానర్‌ ఫుడ్‌ ప్లాజా ఎదురు రోడ్డులో పార్కు చేసి ఉన్న కారులో మృతదేహాన్ని ఈరోజు ఉదయం పోలీసులు గుర్తించిన విషయం తెలిసిందే. మృతుడు జడ్‌ఎక్స్‌ఎన్‌ సిలిండర్ల కంపెనీ యజమాని, తాడిగడపకు చెందిన రాహుల్‌గా పోలీసులు తెలిపారు. తొలుత పోలీసులు అనుమానాస్పద కేసుగా నమోదు చేసినప్పటికీ కారులో లభ్యమైన ఆధారాలు, ఇతర సమాచారం ఆధారంగా హత్యగా నిర్ధారించారు. వ్యాపార, ఆర్థిక వ్యవహారాలే హత్యకు కారణని ప్రాథమిక అంచనాకు వచ్చారు. కారులోని తాడు, దిండు, నీటి సీసాలను క్లూస్‌ టీమ్‌ స్వాధీనం చేసుకుంది. రాహుల్‌ మెడ కమిలిపోయి ఉండటాన్ని పోలీసులు గమనించారు. హత్య ఘటనపై  సాయంత్రం పోలీసులు అధికారిక ప్రకటన చేసే అవకాశముంది.

జి. కొండూరు మండలం చెరువు మాధవరంలో రాహుల్‌ కంపెనీ ఉంది. బుధవారం సాయంత్రం 7.30 గంటలకు ఇంటి నుంచి వెళ్లిన ఆయన తిరిగి రాకపోవడంతో కుటుంబసభ్యులు గురువారం ఉదయం పెనమలూరు పోలీస్‌స్టేషన్‌లో ఫిర్యాదు చేశారు. పోలీసులు టవర్‌ లొకేషన్‌ పరిశీలించగా మ్యానర్‌ ఫుడ్‌ ప్లాజా ఎదురుగా చూపించింది. వెంటనే పోలీసులు అక్కడికి వచ్చి చూస్తే కారులో మృతదేహం కనిపించింది.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని