నగర యువతపై డయాబెటిక్‌ పంజా
 మూత్రపిండాలు, గుండెజబ్బులకు ప్రధాన కారణం
 ఆహారపు అలవాట్లు, క్రమబద్ధ జీవనంతో ఫలితాలు
 నేడు ప్రపంచ మధుమేహ దినం

ఈనాడు, హైదరాబాద్‌: భాగ్యనగరానికి డయాబెటిక్‌ రాజధానిగా పేరుంది. ఈ వ్యాధి ఏటా చాప కింద నీరులా విస్తరిస్తోంది. 25-30 ఏళ్ల యువత సైతం వ్యాధి బారిన పడుతున్నారు. వారు తెలుసుకునే లోపే తీవ్ర నష్టం జరుగుతోంది. మూత్ర పిండాలు దెబ్బతినడం లేదంటే గుండె జబ్బుల బారిన పడుతున్నారు. 2030 నాటికి నగర జనభాలో 50 శాతం మందికి ఈ ముప్పు పొంచి ఉందని వైద్య నిపుణులు చెబుతున్నారు. యువతలో వేగంగా ఆహారపు అలవాట్లు మారిపోవడం, జంక్‌ఫుడ్స్‌, నిద్రలేమి, శారీరక వ్యాయామం లేకపోవడం, ఒత్తిడి తదితరాలు ఇందుకు దోహదం చేస్తున్నాయి. గతంలో ఎప్పుడో 50-60 వయస్సు వారికో మధుమేహం వచ్చేది. ప్రస్తుతం అది 25-30 ఏళ్ల వయస్సులోనే కనిపిస్తోంది. వెంటనే అప్రమత్తం కాకపోతే...మున్ముందు భారీ మూల్యం తప్పదని వైద్యులు హెచ్చరిస్తున్నారు. గురువారం ప్రపంచ మధుమేహ దినం సందర్భంగా నగరంలో వ్యాధి పరిస్థితి.. తీసుకోవాల్సిన జాగ్రత్తలు.. ఆహారపు అలవాట్లపై అందిస్తున్న కథనమిది.