దారుల తీరు మారే!

యాప్స్ - గేమ్స్

దారుల తీరు మారే!

అప్‌డేట్‌

ఏదో ఒక అవసరం నిమిత్తం గూగుల్‌ మ్యాప్స్‌ తెరవని రోజు ఉండకపోవచ్ఛు అంతలా రోజువారీ జీవితంలో భాగమైపోయింది. మరైతే.. కొత్తగా మ్యాప్‌లో అప్‌గ్రేడ్‌ చేసిన సదుపాయాల్ని ప్రయత్నించారా? ఇవిగోండి కొన్ని.. వాడితే మ్యాప్‌లు మరింత యూజర్‌ఫ్రెండ్లీగా మారిపోతాయి.

గూగుల్‌ తన మ్యాపింగ్‌ సర్వీసుల్ని తీసుకొచ్చి 15 ఏళ్లు అవుతున్న సందర్భంగా యూజర్లకు కొత్త ఉపయోగాల్ని పరిచయం చేసింది. అప్‌డేట్‌ రూపంలో మొబైల్‌ యూజర్లు ఫోన్‌లోనే వీటిని యాక్సెస్‌ చేయొచ్ఛు ప్రపంచవ్యాప్తంగా సుమారు బిలియన్‌ యూజర్లు మ్యాప్‌ సేవలకు సభ్యులయ్యారు. వీరికి మరింత సులువైన ఇంటర్ఫేస్‌తో మ్యాప్‌ల సేవల్ని అందించేందుకు సిద్ధం అయ్యింది. మీరు ఉన్న చోటులో ఇప్పటి వరకూ చూడని, గడపని డెస్టినేషన్‌లను గుత్తగా ఒకే చోట అందిస్తుంది.. ‘గో’ అనగానే మరింత వేగంగా రూట్‌ మ్యాప్‌ని సిద్ధం చేస్తుంది. గూగుల్‌ ప్లే, ఐఓఎస్‌ యూజర్లు యాప్‌ అప్‌డేట్‌ని డౌన్‌లోడ్‌ చేసుకుంటే చాలు. కొత్త అప్‌డేట్స్‌ని చూడొచ్ఛు.

దగ్గర్లో ఏమున్నాయ్‌?

మీరు నిత్యం తిరిగే చోటు కావొచ్చు లేదా ఏదైనా కొత్త ప్రాంతానికి వెళ్లినప్పుడు గానీ చుట్టు పక్కల చూడదగినవి, తప్పక సందర్శించాల్సినవి ఏమున్నాయో తెలుసుకోవాలంటే? గూగుల్‌ ఓపెన్‌ చేసి వెతకాల్సిన పని లేదు. మ్యాప్స్‌లోనే బ్రౌజ్‌ చేసి చూడొచ్ఛు అందుకు మ్యాప్స్‌ హోం పేజీలోని ‘ఎక్స్‌ప్లోర్‌’ని సెలెక్ట్‌ చేయండి చాలు. మీరు ఉన్న చోట అందుబాటులో ఉన్న హోటళ్లు, పార్క్‌లు, ఫన్‌జోన్లు.. అన్నీ ఫొటోలతో పాటు కనిపిస్తాయి. వాటికి ఉన్న రేటింగ్‌లు, ఇతర వివరాల్ని చెక్‌ చేసుకుని ఎంపిక చేసుకున్న చోటుకి వెళ్లొచ్ఛు మీరు ఉన్న చోట జరగబోయే ఈవెంట్స్‌ తాలూకు వివరాల్ని బ్రౌజ్‌ చేసి చూడగలిగే వీలుంది.

కొత్తగా ఏదొచ్చినా!

ఎప్పటి నుంచో అదే ప్రాంతంలో ఉంటున్నా కొన్ని సార్లు అక్కడ జరిగే కొన్ని అప్‌డేట్స్‌ మనకు తెలియకపోవచ్ఛు ఇలా మీరు ఉన్న ఏదైనా కొత్త హోటల్‌, ఈవెంట్‌, ప్రత్యేక వంటకాలు.. వివరాల్ని బ్రౌజ్‌ చేసి చూసేందుకు ‘అప్‌డేట్స్‌’ ట్యాబ్‌ ఉంది. మ్యాప్స్‌లో అప్‌డేట్‌ అయ్యే కంటెంట్‌ ఆధారంగా మీరు ఉన్న ప్రాంతంలోని తాజా అప్‌డేట్స్‌ని చూడొచ్ఛు

రూటు ఎలా ఉందో?

ఎక్కడి నుంచి అయినా బయలుదేరే ముందు ఏం ఆలోచిస్తాం? వెళ్లే రూటులో ట్రాఫిక్‌ ఎలా ఉందో అని. ముఖ్యంగా మెట్రో నగరాల్లో. అందుకే మీరు ఉన్న చోటులో ఎప్పటికప్పుడు ట్రాఫిక్‌ పరిస్థితిని తెలుసుకునేందుకు ‘కమ్యూట్‌’ ట్యాబ్‌ని చూడొచ్ఛు కారు, బైకు, బస్సు.. వెళ్లేది దేంట్లోనైనా మీరు చేరుకోవాలనుకునే చోటుకి సులభమైన ట్రాఫిక్‌ తక్కువగా ఉన్న రూటుని సూచిస్తుంది. మీరు రోజూ వెళ్లే రూటుని సెట్‌ చేసుకుని లైవ్‌ ట్రాఫిక్‌ స్టేటస్‌ని ఎప్పటికప్పుడు చెక్‌ చేసుకోవచ్ఛు ట్రాఫిక్‌ వలలో చిక్కకుండా ఏ రూటులో వెళ్తే మంచిదో కూడా తెలియజేస్తుంది.

జాబితాగా పెట్టుకోండి

రోజూ ఎక్కడెక్కడికో తిరుగుతుంటాం. తిరిగిన కొన్ని ప్రాంతాలు ఎప్పటికీ గుర్తుంచుకోవాలనుకుంటాం. అలాంటి ప్రాంతాల్ని వెంటనే గూగుల్‌ మ్యాప్‌లో సేవ్‌ చేసుకోవచ్ఛు అందుకు ‘సేవ్డ్‌’ ట్యాబ్‌ని ఏర్పాటు చేశారు. ఇలా సేవ్‌ చేసిన వాటిని ఒకేచోట మేనేజ్‌ చేసుకునేందుకు ఇదో ప్రత్యేక విభాగం. జాబితాగా పెట్టుకున్న వాటిని ఇతరులతో పంచుకోవచ్ఛు వెళ్లాలనుకునే ప్రాంతాల్ని ముందే బ్రౌజ్‌ చేసుకుని ఆయా లొకేషన్స్‌ని మ్యాప్స్‌ ముందే జత చేయొచ్ఛు

‘మ్యాప్‌’కి ఎక్కించండి

ఏదో మారుమాల ప్రాంతాన్ని చూశారు. మీకు చాలా ఆహ్లాదకరంగా, ఆసక్తిగా అనిపించింది. ఆ లొకేషన్‌ని మ్యాప్‌కి జత చేసి ప్రపంచానికి తెలిసేలా చేద్దాం అనుకుంటే ‘కంట్రిబ్యూట్‌’ ట్యాబ్‌ ఉంది. మీరు కూడా ఓ చెయ్యి వేసి మీరు తిరిగే ప్రాంతాలకు సంబంధించిన సమాచారాన్ని మ్యాప్‌లకు జత చేయడానికి ఇదో సులువైన మార్గం. దీంతో ప్రపంచానికి ఎంతో కొంత మీకు తెలిసిన వివరాల్ని పంచినట్టు అవుతుంది.

Tags :

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి