‘పీపీఈ’ల పునర్వినియోగానికి స్ప్రే పూత

తాజా వార్తలు

Published : 13/04/2020 17:21 IST

‘పీపీఈ’ల పునర్వినియోగానికి స్ప్రే పూత

రూపొందించిన ఐఐటీజీ పరిశోధక బృందం

గువాహాటి: కరోనా వైరస్‌ వ్యాప్తి నుంచి కాపాడే పర్సనల్‌ ప్రొటెక్టివ్‌ ఎక్విప్‌మెంట్‌(పీపీఈ), మాస్కులను సౌకర్యవంతంగా ధరించేందుకు ఉపయోగపడే ఇయర్‌ గార్డ్‌లను మళ్లీ మళ్లీ వినియోగించుకునేందుకు అవకాశం లభించనుంది. ఈ మేరకు అందుబాటు ధరలోనే వాటిని క్రిమిరహితంగా మార్చేందుకు ఐఐటీ గువాహాటికి చెందిన పరిశోధకుల బృందం ‘యాంటీ మైక్రోబియల్‌ స్ప్రే’ను రూపొందించింది. ఐఐటీజీ బయోసైన్సెస్‌, బయోఇంజినీరింగ్‌ విభాగం ప్రొఫెసర్‌ డా.బిమన్‌ బి.మండల్‌ వివరాలు వెల్లడించారు. ‘ఈ సమయంలో కరోనా కట్టడికి తక్కువ ఖర్చుతో, ప్రభావవంత ఫలితాలు ఇచ్చే ఆవిష్కరణలు అవసరం. మేం ఈ దిశగా పరిశోధనలు చేపడుతున్నా’మన్నారు. 

ఉత్పత్తి భారం తగ్గుతుంది..

‘ప్రస్తుతం ఉన్న పీపీఈలు ఇతరుల నుంచి వైరస్‌ వ్యాపించకుండా కాపాడుతున్నాయి. కానీ.. వాటి ఉపరితలంపై క్రిములు సజీవంగా ఉంటున్నాయి. సదరు పీపీఈల నిర్వహణను నిర్లక్ష్యం చేస్తే ప్రమాదకరం. ప్రస్తుతం మేం రూపొందించిన రసాయనాన్ని వాటిపై పూతలా స్ప్రే చేస్తే వైరస్‌ నిర్మూలనతోపాటు వాటి వ్యాప్తికి అడ్డుకట్ట వేయొచ్చు. దీన్ని వస్త్రాలు, వైద్య పరికరాలు ఇతరత్రా వాటిపై కూడా వినియోగించవచ్చు. పీపీఈల పునర్వినియోగంతో పరిశ్రమలపై ఉత్పత్తి భారం గణనీయంగా తగ్గుతుంద’ని ఐఐటీజీ ఒక ప్రకటనలో వివరించింది. ఈ ఆవిష్కరణపై పేటెంట్‌ కోసం దరఖాస్తు చేసుకున్నట్లు తెలిపింది. మరోవైపు ఈ ఐఐటీ ఆధ్వర్యంలో మన్నిక గల 3డీ ఇయర్‌ గార్డ్స్‌ ఉత్పత్తి జరుగుతోంది. వాటిని ఈశాన్య రాష్ట్రాల్లో, అవసరమైతే దేశవ్యాప్తంగా పంచేందుకు సిబ్బంది సిద్ధమవుతున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని