close
Array ( ) 1

తాజా వార్తలు

Published : 07/02/2020 17:40 IST
Facebook Share Twitter Share WhatsApp Share Telegram Share

172 మంది ఉన్న విమానాన్ని కూల్చబోయారు..!

మాస్కో: సిరియాకు చెందిన ఓ విమానానికి పెను ప్రమాదం తప్పింది. సిరియా దళాలు పొరపాటున ప్రయాణికుల విమానాన్ని కూల్చేందుకు ప్రయత్నించగా రెప్పపాటులో తప్పించుకొని అత్యవసరంగా ల్యాండ్‌ అయ్యింది. ఈ విషయాన్ని రష్యా రక్షణశాఖ అధికార ప్రతినిధి వెల్లడించారు.

సిరియాకు చెందిన ఎయిర్‌బస్‌ ఏ-320 టెహ్రాన్‌ నుంచి 172 మంది ప్రయాణికులతో డమాస్కస్‌కు రావాల్సి ఉంది. అయితే ఇజ్రాయెల్‌ జెట్‌ ఫైటర్స్‌పై దాడి చేసే క్రమంలో పొరపాటున సొంత విమానాన్నే సిరియా రక్షణ దళాలు కూల్చేందుకు ప్రయత్నించాయి. కానీ, ఈ ప్రమాదం నుంచి విమానం త్రుటిలో తప్పించుకొని రష్యా ఆధీనంలో ఉన్న ఖెమిమ్‌ ఎయిర్‌బేస్‌లో అత్యవసరంగా ల్యాండ్‌ అయ్యింది. ఇజ్రాయెల్‌ జెట్‌ ఫైటర్స్‌ సిరియా గగనతలంలోకి రానివ్వకుండా చేసేందుకు సిరియా దళాలు దాడులు చేస్తున్న సమయంలో ఈ ఘటన చోటు చేసుకుంది. ఇటీవల ఉక్రెయిన్‌కు చెందిన ప్రయాణికుల విమానం టెహ్రాన్‌ నుంచి వస్తుండగా ఇరాన్‌ దళాలు పొరపాటున కూల్చేసిన విషయం తెలిసిందే. 

అమెరికా-ఇరాన్‌ మధ్య సంక్షోభం తలెత్తిన సమయంలో ఈ ఘటన జరిగింది. టెహ్రాన్‌ విమానాశ్రయం నుంచి ఉక్రెయిన్‌ రాజధాని కీవ్‌కు బయల్దేరిన బోయింగ్‌ 737 విమానం టేకాఫ్‌ అయిన కొద్ది క్షణాలకే కుప్పకూలింది. ఈ ఘటనలో 176 మంది ప్రయాణికులు సజీవ దహనమయ్యారు. తొలుత ఇది ప్రమాదమని వార్తలు వచ్చాయి.. కానీ ఇరాన్‌ దళాలు పొరపాటున క్షిపణిని ప్రయోగించడం వల్లే విమానం కూలిపోయినట్లు తేలింది. 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.