close
Array ( ) 1

తాజా వార్తలు

Published : 01/05/2020 04:13 IST
Facebook Share Twitter Share WhatsApp Share Telegram Share

సైబర్‌ నేరగాళ్ల మాయాజాలం

న్యూస్‌టుడే, హైదరాబాద్‌: సైబర్‌ నేరస్థులు రెచ్చిపోతున్నారు. గురువారం నగర సైబర్‌ క్రైమ్‌ పోలీసులకు పెద్ద సంఖ్యలో ఫిర్యాదులు అందాయి.
* న్యూ బోయిగూడకు చెందిన ఓ యువతి వాక్యూమ్‌ క్లీనర్‌ను అమ్మేందుకు ఓఎల్‌ఎక్స్‌లో ప్రకటన ఇచ్చారు. ఓ వ్యక్తి ఫోన్‌ చేసి వస్తువు తీసుకుంటానన్నాడు. క్యూఆర్‌ కోడ్‌ను రీడ్‌ చేస్తే ఖాతాలో డబ్బు జమవుతుందని చెప్పడంతో అలానే చేసి ఆ యువతి రూ.40 వేలు పోగొట్టుకుంది.

* నగరానికి చెందిన ఓ వ్యక్తికి తన సంస్థ యజమాని పేరుతో మెయిల్‌ వచ్చింది. రూ.27,700 కావాలని అందులో ఉండడంతో పంపించాడు. రెండురోజుల తర్వాత మరో మెయిల్‌ రావడంతో యజమానికి ఫోన్‌ చేయగా, మోసం బయటపడింది.

* పురానాపూల్‌కు చెందిన ఓ వ్యక్తి మాస్కులు అమ్మేందుకు జస్ట్‌ డయల్‌ యాప్‌లో ప్రకటన ఇచ్చాడు.  పెద్ద మొత్తంలో మాస్కులు కావాలని, ముందుగా నగదు చెల్లిస్తానని ఓ వ్యక్తి క్యూఆర్‌ కోడ్‌ పంపించాడు. స్కాన్‌ చేయగానే ఖాతాలోని రూ.55 వేలు మాయమయ్యాయి.

* జూబ్లీహిల్స్‌కు చెందిన ఓ కారు డ్రైవర్‌ ఫేస్‌బుక్‌లో ద్విచక్ర వాహన ప్రకటన చూసి సంప్రదించగా, వివిధ ఛార్జీల పేరిట క్యూఆర్‌ కోడ్‌లు పంపి రూ.78 వేలు లూటీ చేశారు.

* లాలాపేటకు చెందిన ఓ వ్యక్తి క్వికర్‌ యాప్‌లో బైకు ప్రకటన చూసి ఫోన్‌ చేశాడు. అవతలి వ్యక్తి ఆర్మీ జవానుగా పరిచయం చేసుకొని వాహనం బయటకు రావాలంటే ఛార్జీలు చెల్లించాల్సి ఉంటుందని రూ.35 వేలు కాజేశాడు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.