Breaking | Feedback | ePratibha | E-PAPER | Pratibha

హైదరాబాద్ X బెంగళూరు ఐపీఎల్‌ మ్యాచ్‌ లైవ్‌ అప్‌డేట్స్

హైదరాబాద్‌తో జరిగిన మ్యాచ్‌లో బెంగళూరు 35 పరుగుల తేడాతో విజయం సాధించింది.

Updated : 25 Apr 2024 23:15 IST

25/04/2024 23:14(IST)

Hyderabad vs Bangalore: ఎట్టకేలకు బెంగళూరు విజయం.. హైదరాబాద్‌పై గెలుపు

వరుసగా ఆరు మ్యాచ్‌ల్లో ఓడి డీలాపడిన బెంగళూరు ఎట్టకేలకు ఓ విజయం సాధించింది.
హైదరాబాద్‌తో జరిగిన మ్యాచ్‌లో 35 పరుగుల తేడాతో నెగ్గింది.
తొలుత బ్యాటింగ్ చేసిన బెంగళూరు నిర్ణీత 20 ఓవర్లలో 7 వికెట్ల నష్టానికి 206 పరుగులు చేసింది.
ఈ లక్ష్యఛేదనలో హైదరాబాద్‌ 8 వికెట్ల నష్టానికి 171 పరుగులే చేసింది.
షాబాజ్‌ అహ్మద్‌ (40) టాప్‌ స్కోరర్.
హైదరాబాద్‌కు ఇది మూడో ఓటమి కాగా.. బెంగళూరుకు రెండో విజయం.

25/04/2024 23:02(IST)

Hyderabad vs Bangalore: షాబాజ్‌ సిక్స్‌.. ఉనద్కత్ ఫోర్

ఫెర్గూసన్ వేసిన 18 ఓవర్‌లో 15 పరుగులు వచ్చాయి.
తొలి బంతికి షాబాజ్‌ అహ్మద్‌ (33) సిక్సర్ బాదగా.. ఐదో బంతికి ఉనద్కత్ (7) బౌండరీ రాబట్టాడు.
18 ఓవర్లకు స్కోరు 159/8. హైదరాబాద్‌ విజయానికి 12 బంతుల్లో 48 పరుగులు అవసరం.

25/04/2024 22:52(IST)

Hyderabad vs Bangalore: భువనేశ్వర్‌ కుమార్‌ ఔట్..

హైదరాబాద్ ఎనిమిదో వికెట్ కోల్పోయింది. భువనేశ్వర్‌ కుమార్‌ (13) ఔటయ్యాడు.
కామెరూన్ గ్రీన్ వేసిన 16 ఓవర్లో వరుసగా రెండు ఫోర్లు బాదిన భువీ.. ఐదో బంతికి సిరాజ్‌కు క్యాచ్‌ ఇచ్చాడు.
16 ఓవర్లకు స్కోరు 141/8. జయ్‌దేవ్ ఉనద్కత్ (0), షాబాజ్‌ అహ్మద్‌ (22) క్రీజులో ఉన్నారు.

25/04/2024 22:40(IST)

Hyderabad vs Bengaluru: గ్రీన్‌ సూపర్‌ బౌలింగ్‌.. కమిన్స్‌ ఔట్‌

గ్రీన్‌ వేసిన తొలి బంతి వైడ్‌
తర్వాతి బంతికి క్యాచ్ ఔటైన కమిన్స్‌ (31: 15 బంతుల్లో)
క్రీజులోకి వచ్చిన భువనేశ్వర్‌
ఈ ఓవర్‌లో వచ్చిన పరుగులు Wd,W,0,0,1,1,0
14 ఓవర్లకు హైదరాబాద్‌ స్కోర్‌ 126/7

25/04/2024 22:25(IST)

Hyderabad vs Bangalore: వరుసగా రెండు సిక్స్‌లు బాదిన కమిన్స్‌

11 ఓవర్లకు హైదరాబాద్‌ స్కోర్‌ 104/6
11వ ఓవర్‌ వేసిన స్వప్నిల్
చివరి రెండు బంతులను సిక్స్‌లు బాదిన కమిన్స్‌
ఈ ఓవర్‌లో వచ్చిన పరుగులు 0,1,1,1,6,6
క్రీజులో షాబాజ్‌ అహ్మద్‌ (15), ప్యాట్‌ కమిన్స్‌ (16)

25/04/2024 22:07(IST)

Hyderabad vs Bangalore: సగం వికెట్లు కోల్పోయిన హైదరాబాద్

నితీశ్ రెడ్డి (13) ఔటయ్యాడు. కర్ణ్‌ శర్మ వేసిన 7.2 ఓవర్‌కు క్లీన్‌బౌల్డ్ అయ్యాడు.
దీంతో 69 పరుగులకే హైదరాబాద్‌ ఐదు వికెట్లు కోల్పోయింది.
8 ఓవర్లకు స్కోరు 72/5. షాబాజ్‌ అహ్మద్ (7), అబ్దుల్ సమద్ (2) పరుగులతో ఉన్నారు.

25/04/2024 21:54(IST)

Hyderabad vs Bangalore: హైదరాబాద్‌కు మరో షాక్ .. క్లాసెన్ ఔట్

హైదరాబాద్‌కు మరో షాక్ తగిలింది. హెన్రిచ్ క్లాసెన్ (7) ఔటయ్యాడు.
స్వప్నిల్ సింగ్ వేసిన ఐదో ఓవర్‌లో రెండో బంతికి మార్‌క్రమ్ ఎల్బీడబ్ల్యూగా వెనుదిరిగాడు.
మూడో బంతికి నితీశ్ రెడ్డి (7) సిక్స్ బాదాడు.
ఐదో బంతిని లాంగాన్‌ మీదుగా స్టాండ్స్‌లోకి పంపిన క్లాసెన్.. చివరి బంతికి భారీ షాట్ ఆడి మిడాన్‌లో గ్రీన్‌కు చిక్కాడు.
5 ఓవర్లకు స్కోరు 56/4.

25/04/2024 21:50(IST)

Hyderabad vs Bangalore: కష్టాల్లో పడ్డ హైదరాబాద్‌.. మూడు వికెట్లు డౌన్

హైదరాబాద్ కష్టాల్లో పడింది. మార్‌క్రమ్ (7) ఔటయ్యాడు.
స్వప్నిల్ సింగ్ వేసిన 4.2 ఓవర్‌కు ఎల్బీడబ్ల్యూగా వెనుదిరిగాడు.
దీంతో హైదరాబాద్‌ 41 పరుగుల వద్ద మూడో వికెట్ కోల్పోయింది.

25/04/2024 21:42(IST)

Hyderabad vs Bangalore: అభిషేక్ శర్మ (41) ఔట్.. హైదరాబాద్‌ రెండో వికెట్

హైదరాబాద్‌ రెండో వికెట్ కోల్పోయింది. అభిషేక్ శర్మ (31) ఔటయ్యాడు.
యశ్ దయాల్ వేసిన నాలుగో ఓవర్‌లో నాలుగో బంతికి దినేశ్‌ కార్తిక్‌కు క్యాచ్‌ ఇచ్చాడు.
4 ఓవర్లకు స్కోరు 37/2. నితీశ్‌ రెడ్డి (0), మార్‌క్రమ్ (3) క్రీజులో ఉన్నారు.

25/04/2024 21:39(IST)

Hyderabad vs Bangalore: దూకుడుగా ఆడుతున్న అభిషేక్ శర్మ

విల్‌ జాక్స్‌ వేసిన మూడో ఓవర్‌లో 20 పరుగులు వచ్చాయి.
అభిషేక్ శర్మ (27) మొదటి రెండు బంతులకు వరుసగా 4, 6 బాదాడు.
చివరి బంతిని కూడా అతడు స్టాండ్స్‌లోకి పంపాడు.
3 ఓవర్లకు స్కోరు 31/1. మార్‌క్రమ్ (2) పరుగులతో ఉన్నాడు.

25/04/2024 21:10(IST)

Hyderabad vs Bangalore: కోహ్లీ, పటిదార్‌ హాఫ్‌ సెంచరీలు.. హైదరాబాద్‌ లక్ష్యం 207

హైదరాబాద్‌తో జరుగుతున్న మ్యాచ్‌లో బెంగళూరు భారీ స్కోరు చేసింది.
నిర్ణీత 20 ఓవర్లలో 7 వికెట్ల నష్టానికి 206 పరుగులు చేసింది.
విరాట్ కోహ్లీ (51; 43 బంతుల్లో 4 ఫోర్లు, 1 సిక్స్‌) అర్ధ శతకం బాదాడు.
డుప్లెసిస్ (24; 12 బంతుల్లో 3 ఫోర్లు, 1 సిక్స్) దూకుడుగా ఆడినా ఎక్కువసేపు క్రీజులో నిలవలేకపోయాడు.
రజత్ పటిదార్ (50; 20 బంతుల్లో 2 ఫోర్లు, 5 సిక్స్‌లు) మెరుపు ఇన్నింగ్స్‌తో అలరించాడు.
కామెరూన్ గ్రీన్ (37*; 19 బంతుల్లో 5 ఫోర్లు) ధాటిగా ఆడాడు.
హైదరాబాద్‌ బౌలర్లలో ఉనద్కత్ 3, నటరాజన్ 2, కమిన్స్, మయాంక్ మార్కండే తలో వికెట్ పడగొట్టారు.

25/04/2024 21:03(IST)

Hyderabad vs Bangalore: దినేశ్‌ కార్తిక్ ఔట్.. బెంగళూరు ఆరో వికెట్

బెంగళూరు ఆరో వికెట్ కోల్పోయింది. దినేశ్ కార్తిక్ (11) ఔటయ్యాడు.
కమిన్స్ వేసిన 19 ఓవర్‌లో మొదటి రెండు బంతులకు కామెరూన్ గ్రీన్ ఫోర్లు బాదాడు.
నాలుగో బంతికి బౌండరీ సాధించిన కార్తిక్‌ తర్వాతి బంతికే సమద్‌కు క్యాచ్‌ ఇచ్చాడు.
19 ఓవర్లకు స్కోరు 194/6. గ్రీన్ (36), స్వప్నిల్ సింగ్ (1) క్రీజులో ఉన్నారు.

25/04/2024 20:48(IST)

Hyderabad vs Bangalore: సగం వికెట్లు కోల్పోయిన బెంగళూరు

మహిపాల్ లామ్రోర్ (7) ఔటయ్యాడు. ఉనద్కత్ వేసిన 16.3 ఓవర్‌కు కమిన్స్‌కు క్యాచ్ ఇచ్చాడు.
దీంతో 161 పరుగుల వద్ద బెంగళూరు ఐదో వికెట్ కోల్పోయింది.
తర్వాత కామెరూన్ గ్రీన్ (23) బౌండరీ బాదాడు. 17 ఓవర్లకు స్కోరు 167/5.

25/04/2024 20:38(IST)

Hyderabad vs Bangalore: విరాట్ కోహ్లీ ఔట్.. బెంగళూరు నాలుగో వికెట్

విరాట్ కోహ్లీ (51; 43 బంతుల్లో) ఔటయ్యాడు. ఉనద్కత్ వేసిన 15 ఓవర్‌లో ఐదో బంతికి అబ్దుల్ సమద్‌కు క్యాచ్‌ ఇచ్చాడు.
15 ఓవర్లకు స్కోరు 142/4. మహిపాల్ లామ్రోర్ (2), కామెరూన్‌ గ్రీన్ (5) పరుగులతో ఉన్నారు.

25/04/2024 20:32(IST)

Hyderabad vs Bangalore: విరాట్ కోహ్లీ హాఫ్‌ సెంచరీ

షాబాజ్ అహ్మద్‌ వేసిన 14 ఓవర్‌లో నాలుగు సింగిల్స్ వచ్చాయి.
ఈ క్రమంలోనే విరాట్ కోహ్లీ (510 అర్ధ శతకం పూర్తి చేసుకున్నాడు.
14 ఓవర్లకు స్కోరు 136/3. కామెరూన్ గ్రీన్ (3) పరుగులతో ఉన్నాడు.

25/04/2024 20:19(IST)

Hyderabad vs Bangalore: సిక్సర్లతో విరుచుకుపడ్డ పటిదార్

రజత్ పటిదార్ ఒక్కసారిగా సిక్సర్లతో విరుచుకుపడ్డాడు.
మయాంక్ మార్కండే వేసిన 11 ఓవర్‌లో వరుసగా నాలుగు సిక్సర్లు బాదేశాడు.
ఈ ఓవర్‌లో మొత్తం 27 పరుగులు వచ్చాయి.
11 ఓవర్లకు స్కోరు 121/2. రజత్ పటిదార్ (46), కోహ్లీ (30) పరుగులతో ఉన్నారు.

25/04/2024 20:14(IST)

Hyderabad vs Bangalore: 10 ఓవర్లు పూర్తి.. అర్ధ శతకానికి చేరువలో కోహ్లీ

జయ్‌దేవ్ ఉనద్కత్ వేసిన 10వ ఓవర్‌లో 10 పరుగులు వచ్చాయి.
మూడో బంతికి రజత్ పటిదార్ (21) బౌండరీ రాబట్టాడు.
10 ఓవర్లకు స్కోరు 94/2. విరాట్ కోహ్లీ (42) అర్ధ శతకానికి చేరువలో ఉన్నాడు.

25/04/2024 20:08(IST)

Hyderabad vs Bangalore: నిలకడగా ఆడుతున్న కోహ్లీ, పటిదార్

బెంగళూరు బ్యాటర్లు విరాట్ కోహ్లీ, రజత్ పటిదార్‌ నిలకడగా ఆడుతున్నారు.
షాబాజ్ అహ్మద్ వేసిన ఎనిమిదో ఓవర్‌లో 8 పరుగులు, మార్కండే వేసిన తర్వాతి ఓవర్‌లో 11 పరుగులు రాబట్టారు.
9 ఓవర్లకు స్కోరు 84/2. పటిదార్ (15), కోహ్లీ (38) పరుగులతో ఉన్నారు.

25/04/2024 20:00(IST)

Hyderabad vs Bangalore: రెండో వికెట్ కోల్పోయిన బెంగళూరు

బెంగళూరు రెండో వికెట్ కోల్పోయింది. విల్ జాక్స్‌ (6) ఔటయ్యాడు.
మయాంక్ మార్కండే వేసిన ఏడో ఓవర్‌లో మొదటి ఐదు బంతులలో నాలుగు సింగిల్స్‌ వచ్చాయి.
చివరి బంతికి జాక్స్‌ క్లీన్‌బౌల్డ్ అయ్యాడు. 7 ఓవర్లకు స్కోరు 65/2.

25/04/2024 19:53(IST)

Hyderabad vs Bangalore: కట్టుదిట్టంగా బౌలింగ్ చేసిన షాబాజ్ అహ్మద్

షాబాజ్ అహ్మద్‌ తన తొలి ఓవర్ కట్టుదిట్టంగా వేశాడు.
ఇన్నింగ్స్‌ ఐదో ఓవర్‌ వేసి రెండు సింగిల్స్ మాత్రమే ఇచ్చాడు.
5 ఓవర్లకు స్కోరు 51/1. విల్‌ జాక్స్‌ (2), కోహ్లీ (24) పరుగులతో ఉన్నారు.

25/04/2024 19:48(IST)

Hyderabad vs Bangalore: డుప్లెసిస్ ఔట్.. బెంగళూరు ఫస్ట్ వికెట్

దూకుడుగా ఆడుతున్న డుప్లెసిస్ (25; 12 బంతుల్లో) ఔటయ్యాడు.
నటరాజన్‌ వేసిన 3.5 ఓవర్‌కు మయాంక్‌ మార్కండేకు క్యాచ్‌ ఇచ్చాడు.
దీంతో 48 పరుగుల వద్ద బెంగళూరు మొదటి వికెట్ కోల్పోయింది.
4 ఓవర్లకు బెంగళూరు స్కోరు 49/1. విల్ జాక్స్‌ (1), విరాట్ కోహ్లీ (23) పరుగులతో ఉన్నారు.

25/04/2024 19:44(IST)

Hyderabad vs Bangalore: దంచికొడుతున్న బెంగళూరు ఓపెనర్లు

బెంగళూరు ఓపెనర్లు దంచికొడుతున్నారు.
కమిన్స్‌ వేసిన మూడో ఓవర్‌లో 19 పరుగులు రాబట్టారు.
మొదటి రెండు బంతులను విరాట్ కోహ్లీ (18) బౌండరీకి పంపాడు.
నాలుగో బంతికి డుప్లెసిస్ (25) సిక్సర్ బాది చివరి రెండు బంతుల్లో నాలుగు పరుగులు చేశాడు.
3 ఓవర్లకు స్కోరు 43/0.

25/04/2024 19:39(IST)

Hyderabad vs Bangalore: డుప్లెసిస్ దూకుడు.. ఒకే ఓవర్‌లో మూడు ఫోర్లు

బెంగళూరు కెప్టెన్ డుప్లెసిస్ (15) దూకుడుగా ఆడుతున్నాడు.
భువనేశ్వర్‌ కుమార్‌ వేసిన రెండో ఓవర్‌లో అతడు మూడు ఫోర్లు బాదాడు.
2 ఓవర్లకు బెంగళూరు స్కోరు 24/0. కోహ్లీ (9) పరుగులతో ఉన్నాడు.

25/04/2024 19:35(IST)

Hyderabad vs Bangalore: ప్రారంభమైన మ్యాచ్.. ఫస్ట్ బాల్‌కే కోహ్లీ ఫోర్

టాస్‌ గెలిచి బెంగళూరు బ్యాటింగ్‌కు దిగింది. అభిషేక్ శర్మ తొలి ఓవర్‌ వేశాడు.
ఇన్నింగ్స్‌ మొదటి బంతినే విరాట్ కోహ్లీ (8) బౌండరీకి పంపాడు.
తర్వాత నాలుగు సింగిల్స్‌ వచ్చాయి. చివరి బంతికి కోహ్లీ రెండు రన్స్‌ చేశాడు. డుప్లెసిస్ (2) పరుగులతో ఉన్నాడు.

25/04/2024 19:15(IST)

Hyderabad vs Bangalore: ఇరు జట్ల సబ్‌స్టిట్యూట్‌లు వీరే

హైదరాబాద్‌: ట్రావిస్ హెడ్, ఉమ్రాన్‌ మాలిక్, అన్మోల్‌ప్రీత్‌ సింగ్, గ్లెన్ ఫిలిప్స్‌, వాషింగ్టన్ సుందర్.

బెంగళూరు: సుయాశ్‌ ప్రభుదేశాయ్, అనుజ్ రావత్, హిమాన్షు శర్మ, విజయ్‌కుమార్‌ వైశాఖ్, స్వప్నిల్ సింగ్.

25/04/2024 19:12(IST)

Hyderabad vs Bangalore: బెంగళూరు తుది జట్టులో ఉన్నది వీరే

విరాట్ కోహ్లీ, ఫాఫ్‌ డుప్లెసిస్ (కెప్టెన్), విల్ జాక్స్‌, రజత్‌ పటిదార్‌, కామెరూన్‌ గ్రీన్‌, దినేశ్ కార్తిక్‌, మహిపాల్ లామ్రోర్, కర్ణ్‌ శర్మ, లాకీ ఫెర్గూసన్, మహ్మద్‌ సిరాజ్, యశ్ దయాల్.

25/04/2024 19:10(IST)

Hyderabad vs Bangalore: హైదరాబాద్‌ తుది జట్టు ఇదే

అభిషేక్ శర్మ, ఐదెన్ మార్‌క్రమ్‌, హెన్రిచ్‌ క్లాసెన్, నితీశ్ కుమార్‌ రెడ్డి, అబ్దుల్ సమద్, షాబాజ్ అహ్మద్‌, పాట్ కమిన్స్ (కెప్టెన్), భువనేశ్వర్‌ కుమార్, జయ్‌దేవ్‌ ఉనద్కత్, మయాంక్ మార్కండే, నటరాజన్‌.

25/04/2024 19:01(IST)

Hyderabad vs Bangalore: టాస్‌ గెలిచి బ్యాటింగ్ ఎంచుకున్న బెంగళూరు

మరికాసేపట్లో ఉప్పల్‌లోని రాజీవ్‌గాంధీ స్టేడియం వేదికగా హైదరాబాద్‌, బెంగళూరు జట్ల మధ్య మ్యాచ్‌ ప్రారంభంకానుంది.
టాస్ గెలిచి బెంగళూరు బ్యాటింగ్‌ ఎంచుకుంది.

25/04/2024 18:45(IST)

హైదరాబాద్‌, బెంగళూరు మ్యాచ్‌.. అభిమానుల సందడి

ఉప్పల్‌ స్టేడియంలో హైదరాబాద్‌, బెంగళూరు జట్ల మధ్య మ్యాచ్‌కు అభిమానులు పోటెత్తారు. దీంతో స్టేడియం వద్ద సందడి నెలకొంది. మరిన్ని చిత్రాల కోసం క్లిక్‌ చేయండి

25/04/2024 18:38(IST)

Hyderabad vs Bangalore: ఒక్క విజయం కోసం ఎదురుచూస్తున్న బెంగళూరు

బెంగళూరు ఈ సీజన్‌లో పేలవ ప్రదర్శన చేస్తోంది. వరుసగా ఆరు మ్యాచ్‌ల్లో ఓడి డీలా పడిన ఆ జట్టు విజయం కోసం ఎదురుచూస్తోంది.
కోల్‌కతాతో జరిగిన గత మ్యాచ్‌లో బెంగళూరు గెలుపు అంచుల వరకు వచ్చి ఒక్క పరుగు తేడాతో ఓడిపోయింది.

25/04/2024 17:50(IST)

Hyderabad vs Bangalore: రెండో స్థానంపై కన్నేసిన హైదరాబాద్‌

ఈ సీజన్‌లో హైదరాబాద్‌ అదరగొడుతోంది. ఇప్పటివరకు ఏడు మ్యాచ్‌లు ఆడి ఐదు మ్యాచ్‌ల్లో గెలిచింది.
గత నాలుగు మ్యాచ్‌ల్లోనూ జయకేతనం ఎగరేసిన కమిన్స్ సేన.. వరుసగా ఐదో విజయం సాధించి పాయింట్ల పట్టికలో రెండో స్థానానికి దూసుకెళ్లాలని చూస్తోంది.

25/04/2024 17:48(IST)

Hyderabad vs Bangalore: హైదరాబాద్‌కు ‘ఉప్పల్‌’ అడ్డా.. బెంగళూరుపై ఈసారి స్కోరెంత?

287.. 266.. ఇవి గత మూడు మ్యాచుల్లో రెండుసార్లు హైదరాబాద్‌ చేసిన స్కోర్లు. ఇప్పుడు మరోసారి ఇలాంటి పరుగుల సునామీ రాబోతోందా? ఐపీఎల్‌ అభిమానులు ఆశపడుతున్న 300+ నమోదు కాబోతోందా? ఈరోజు జరగబోయే బెంగళూరు మ్యాచ్‌లో ఆ గణంకాలను చూస్తామా? పూర్తి వార్త కోసం క్లిక్‌ చేయండి

హైదరాబాద్ X బెంగళూరు ఐపీఎల్‌ మ్యాచ్‌ లైవ్‌ అప్‌డేట్స్

తాజా వార్తలు (Latest News)

హంతకులకు అడ్రస్‌ చెప్పిన ఇన్‌స్టా పోస్టు.. మోడల్‌ హత్యలో కీలక విషయాలు

ఈనాడు.నెట్‌లో టాప్‌ 10 వార్తలు @ 1 PM

నమిత.. మమితగా మారిందిలా.. ‘ప్రేమలు’ హీరోయిన్‌ పేరు వెనుక కథేంటంటే?

గిల్ ఇంకా నేర్చుకోవాలి.. నాయకత్వ పటిమ అద్భుతం: డేవిడ్ మిల్లర్

నిజ్జర్‌ హత్య కేసు.. నిందితుల అరెస్టుపై స్పందించిన ట్రూడో

ఇది రజనీకాంత్‌ స్టైల్‌ మూవీ కాదు: రానా ఆసక్తికర వ్యాఖ్యలు

సుఖీభవ

చదువు