Breaking | Feedback | ePratibha | E-PAPER | Pratibha

పంజాబ్ X చెన్నై మ్యాచ్‌ లైవ్‌ అప్‌డేట్స్‌ మీ కోసం..

పంజాబ్‌తో జరిగిన మ్యాచ్‌లో చెన్నై 28 పరుగుల తేడాతో ఘన విజయం సాధించింది.

Updated : 05 May 2024 19:20 IST

05/05/2024 19:06(IST)

Punjab Vs Chennai: పంజాబ్‌పై చెన్నై ఘన విజయం

పంజాబ్‌తో జరిగిన మ్యాచ్‌లో చెన్నై 28 పరుగుల తేడాతో ఘన విజయం సాధించింది.
తొలుత బ్యాటింగ్ చేసిన చెన్నై నిర్ణీత 20 ఓవర్లలో 9 వికెట్ల నష్టానికి 167 పరుగులు చేసింది.
అనంతరం లక్ష్యఛేదనలో పంజాబ్ 20 ఓవర్లలో 9 వికెట్ల నష్టానికి 139 పరుగులకు పరిమితమైంది.
పంజాబ్‌ టాప్‌ ఆర్డర్‌లో ప్రభ్‌సిమ్రన్ సింగ్ (30), శశాంక్ సింగ్ (27) మాత్రమే రెండంకెల స్కోరు చేశారు. మిగతా బ్యాటర్లు విఫలమయ్యారు.
చెన్నై బౌలర్లలో రవీంద్ర జడేజా 3, తుషార్‌ దేశ్‌పాండే 2, సిమర్‌జిత్ సింగ్ 2, మిచెల్ శాంట్నర్, శార్దూల్ ఠాకూర్ ఒక్కో వికెట్ పడగొట్టారు.
ఈ విజయంతో పాయింట్ల పట్టికలో చెన్నై మూడో స్థానానికి ఎగబాకింది.

05/05/2024 18:53(IST)

Punjab Vs Chennai: రాహుల్ చాహర్ క్లీన్‌బౌల్డ్.. ఆలౌట్‌కు చేరువైన పంజాబ్

శార్దూల్ ఠాకూర్ వేసిన 17.3 ఓవర్‌కు రాహుల్ చాహర్ (16) క్లీన్‌బౌల్డ్ అయ్యాడు.
దీంతో 117 పరుగుల వద్ద పంజాబ్ తొమ్మిదో వికెట్ కోల్పోయి ఆలౌట్‌కు చేరువైంది.
18 ఓవర్లకు పంజాబ్ స్కోరు 121/9. రబాడ (2), హర్‌ప్రీత్ బ్రార్‌ (13) పరుగులతో ఉన్నారు.

05/05/2024 18:51(IST)

Punjab Vs Chennai: పోరాడుతున్న పంజాబ్ బ్యాటర్లు

పంజాబ్ బ్యాటర్లు పోరాడుతున్నారు.
తుషార్ దేశ్‌పాండే వేసిన 17వ ఓవర్‌లో ఏడు పరుగులు రాబట్టారు.
మూడో బంతికి హర్‌ప్రీత్‌ బ్రార్ (7) బౌండరీ బాదాడు.
17 ఓవర్లకు స్కోరు 112/8. రాహుల్ చాహర్ (16) పరుగులతో ఉన్నాడు.

05/05/2024 18:46(IST)

Punjab Vs Chennai: రెండు ఫోర్లు, సిక్స్ బాదిన రాహుల్ చాహర్

రిచర్డ్ గ్లీసన్ వేసిన 16వ ఓవర్‌లో 14 పరుగులు వచ్చాయి.
మొదటి రెండు బంతులు డాట్. తర్వాత రాహుల్ చాహర్ (15) వరుసగా రెండు ఫోర్లు బాదాడు.
చివరి బంతికి అతడు ఫైన్ లెగ్ మీదుగా సిక్స్‌ కొట్టాడు.
16 ఓవర్లకు స్కోరు 105/8. హర్‌ప్రీత్ బ్రార్ (1) క్రీజులో ఉన్నాడు.

05/05/2024 18:37(IST)

Punjab Vs Chennai: సిక్స్, ఫోర్ బాది ఔటైన హర్షల్ పటేల్

పంజాబ్ 90 పరుగుల ఎనిమిదో వికెట్ కోల్పోయింది.
సిమర్‌జిత్‌ వేసిన 15వ ఓవర్లో వరుసగా సిక్స్‌, ఫోర్ బాదిన హర్షల్ పటేల్ (12) తర్వాతి బంతికే సమీర్‌ రిజ్వీకి క్యాచ్‌ ఇచ్చాడు.
15 ఓవర్లకు స్కోరు 91/8. హర్‌ప్రీత్ బ్రార్ (1), రాహుల్ చాహర్ (1) క్రీజులో ఉన్నారు.

05/05/2024 18:28(IST)

Punjab Vs Chennai: ఒకే ఓవర్‌లో రెండు వికెట్లు పడగొట్టిన జడేజా

చెన్నై బౌలర్లు విజృంభిస్తున్నారు. దీంతో పంజాబ్ బ్యాటర్లు పెవిలియన్‌కు క్యూ కట్టారు.
జడేజా వేసిన 13 ఓవర్లో మొదటి బంతికి సామ్ కరన్ (7), మూడో బంతికి అశుతోష్ శర్మ (3) ఔటయ్యారు.
కరన్.. శాంట్నర్‌కు క్యాచ్‌ ఇవ్వగా.. అశుతోష్ సిమర్‌జిత్‌కు చిక్కాడు.
13 ఓవర్లకు పంజాబ్ స్కోరు 79/7. హర్షల్ పటేల్ (1), హర్‌ప్రీత్‌ బ్రార్‌ (1) క్రీజులో ఉన్నారు.

05/05/2024 18:13(IST)

Punjab Vs Chennai: పెవిలియన్‌కు క్యూ కట్టిన పంజాబ్‌ బ్యాటర్లు

పంజాబ్ వరుసగా వికెట్లు కోల్పోతూ కష్టాల్లో పడింది.
సిమర్‌జిత్‌ సింగ్ వేసిన 10వ ఓవర్‌లో నాలుగో బంతికి జితేశ్ శర్మ (0) ఔటయ్యాడు.
అతడు ధోనీకి క్యాచ్‌ ఇచ్చిన గోల్డెన్ డక్‌గా వెనుదిరిగాడు.
10 ఓవర్లకు పంజాబ్ స్కోరు 72/5. సామ్ కరన్ (5), అశుతోష్ శర్మ (1) క్రీజులో ఉన్నారు.

05/05/2024 18:07(IST)

Punjab Vs Chennai: పంజాబ్‌ 4వ వికెట్‌ డౌన్‌.. స్కోర్‌ 68/4

జడేజా వేసిన 9వ ఓవర్లో పంజాబ్‌ మరో వికెట్‌ కోల్పోయింది
చివరి బంతిని ఎదుర్కొనే క్రమంలో ప్రభ్‌సిమ్రాన్‌(30) రిజ్వీకి క్యాచ్‌ ఇచ్చాడు
అంతకుముందు ఈ ఓవర్లో 4 సింగిల్స్‌, 1 డబుల్స్‌ లభించాయి
క్రీజులో కరన్‌(2), జితేశ్‌(0) ఉన్నారు
9 ఓవర్లకు పంజాబ్‌ స్కోర్‌ 68/4

05/05/2024 18:04(IST)

Punjab Vs Chennai: మూడో వికెట్ కోల్పోయిన పంజాబ్

పంజాబ్ 62 పరుగుల వద్ద మూడో వికెట్ కోల్పోయింది.
ప్రభ్‌సిమ్రన్ సింగ్ (27) ఔటయ్యాడు.
శాంట్నర్ వేసిన ఎనిమిదో ఓవర్‌లో ఐదో బంతికి ఫోర్ బాదిన శశాంక్ సింగ్ (27).. చివరి బంతికి సిమర్‌జిత్‌కు చిక్కాడు.
8 ఓవర్లకు స్కోరు 62/3.

05/05/2024 18:00(IST)

Punjab Vs Chennai: దూకుడుగా ఆడుతున్న పంజాబ్.. పవర్ ప్లే పూర్తి

పంజాబ్ బ్యాటర్లు దూకుడుగా ఆడుతున్నారు.
తుషార్ దేశ్‌పాండే వేసిన ఆరో ఓవర్‌లో మొదటి రెండు బంతులకు ప్రభ్‌సిమ్రన్ సింగ్ (20) వరుసగా 6, 4 బాదాడు.
ఐదో బంతిని శశాంక్ సింగ్ (18) బౌండరీకి పంపాడు.
పవర్ ప్లే ముగిసేసరికి పంజాబ్ స్కోరు 47/2.

05/05/2024 17:54(IST)

Punjab Vs Chennai: శశాంక్ ఫోర్.. ప్రభ్‌సిమ్రన్ సిక్స్‌

రిచర్డ్ గ్లీసన్ వేసిన ఐదో ఓవర్లో 15 పరుగులు వచ్చాయి.
శశాంక్ సింగ్ (13) తొలి బంతికి బౌండరీ బాదాడు.
మూడో బంతిని ప్రభ్‌సిమ్రన్ సింగ్ (13) ఫైన్ లెగ్‌ మీదుగా స్టాండ్స్‌లోకి పంపాడు.
5 ఓవర్లకు స్కోరు 31/2.

05/05/2024 17:50(IST)

Punjab Vs Chennai: నాలుగో ఓవర్‌.. బౌండరీ బాదిన శశాంక్ సింగ్

తుషార్ దేశ్‌పాండే వేసిన నాలుగో ఓవర్‌లో ఐదు పరుగులు వచ్చాయి.
తొలి బంతికి శశాంక్ సింగ్ (6) బౌండరీ బాదాడు. తర్వాత మూడు బాల్స్ డాట్. ఐదో బంతికి సింగిల్. ఆరో బంతి డాట్.
4 ఓవర్లకు పంజాబ్ స్కోరు 16/2. ప్రభ్‌సిమ్రన్ సింగ్ (2) క్రీజులో ఉన్నాడు.

05/05/2024 17:45(IST)

Punjab Vs Chennai: కట్టుదిట్టంగా బౌలింగ్ చేసిన మిచెల్ శాంట్నర్

మిచెల్ శాంట్నర్ పొదుపుగా బౌలింగ్ చేస్తున్నాడు.
తన తొలి ఓవర్‌లో రెండు పరుగులు ఇచ్చిన శాంట్నర్.. రెండో ఓవర్‌లోనూ అన్నే పరుగులు ఇచ్చాడు.
3 ఓవర్లకు పంజాబ్ స్కోరు 11/2. శశాంక్ సింగ్ (1), ప్రభ్‌సిమ్రన్ సింగ్ (2) పరుగులతో ఉన్నారు.

05/05/2024 17:42(IST)

Punjab Vs Chennai: ఒకే ఓవర్లో రెండు వికెట్లు పడగొట్టిన తుషార్ దేశ్‌పాండే

తుషార్‌ దేశ్‌పాండే ఒకే ఓవర్‌లో రెండు వికెట్లు పడగొట్టాడు.
అతడు రెండో ఓవర్‌లో మూడో బంతికి బెయిర్‌స్టోను ఔట్ చేశాడు.
చివరి బంతికి రిలీ రొసోవ్‌ (0)ని వెనక్కి పంపాడు.
వీరిద్దరూ క్లీన్‌బౌల్డ్ అయి పెవిలియన్ చేరారు. 2 ఓవర్లకు పంజాబ్ స్కోరు 9/2.

05/05/2024 17:36(IST)

Punjab Vs Chennai: లక్ష్యఛేదనకు దిగిన పంజాబ్. టార్గెట్‌ 168

చెన్నై నిర్దేశించిన 167 పరుగుల లక్ష్యాన్ని ఛేదించేందుకు పంజాబ్ బరిలోకి దిగింది.
అర్ష్‌దీప్‌ స్థానంలో పంజాబ్‌ ప్రభ్‌సిమ్రన్‌ సింగ్‌ను ఇంపాక్ట్ ప్లేయర్‌గా తీసుకుంది.
అటు రహానె స్థానంలో చెన్నై సిమర్‌జిత్‌ను ఇంపాక్ట్ ఆటగాడిగా తీసుకుంది.
మిచెల్ శాంట్నర్ వేసిన తొలి ఓవర్‌లో రెండు సింగిల్స్ మాత్రమే వచ్చాయి.

05/05/2024 17:17(IST)

Punjab Vs Chennai: రాణించిన జడేజా.. పంజాబ్‌ లక్ష్యం 168

పంజాబ్‌తో జరుగుతున్న మ్యాచ్‌లో చెన్నై బ్యాటింగ్ ముగిసింది.
నిర్ణీత 20 ఓవర్లలో 9 వికెట్ల నష్టానికి 167 పరుగులు చేసింది.
చెన్నై బ్యాటర్లలో ఒక్కరూ కూడా అర్ధ శతకం చేయలేదు.
రవీంద్ర జడేజా (43; 26 బంతుల్లో 3 ఫోర్లు, 2 సిక్స్‌లు) ఒక్కడే దూకుడుగా ఆడాడు.
రుతురాజ్ గైక్వాడ్ (32; 21 బంతుల్లో 4 ఫోర్లు, 1 సిక్స్‌), డారిల్ మిచెల్ (30; 19 బంతుల్లో 2 ఫోర్లు, 1 సిక్స్‌) ఫర్వాలేదనిపించారు.
మొయిన్ అలీ (17), శార్దూల్ ఠాకూర్ (17), మిచెల్ శాంట్నర్ (11) పరుగులు చేశారు.
శివమ్‌ దూబె (0), ధోనీ (0) గోల్డెన్ డక్‌ అయ్యారు.
రాహుల్ చాహర్ (3/23), హర్షల్ పటేల్ (3/24) చెన్నైని దెబ్బతీశారు. అర్ష్‌దీప్ 2, సామ్ కరన్ ఒక వికెట్ పడగొట్టారు.

05/05/2024 17:10(IST)

Punjab Vs Chennai: ప్చ్‌.. ధోనీ గోల్డెన్ డక్

ధోనీ మెరుపులు చుద్దామనుకున్న అభిమానులకు నిరాశే మిగిలింది.
ఎదుర్కొన్న మొదటి బంతికే ధోనీ పెవిలియన్ చేరాడు.
హర్షల్ పటేల్ వేసిన 18.5 ఓవర్‌కు క్లీన్‌బౌల్డ్ అయ్యాడు.
19 ఓవర్లకు స్కోరు 151/8. తుషార్ దేశ్‌పాండే (0), రవీంద్ర జడేజా (31) క్రీజులో ఉన్నారు.

05/05/2024 17:07(IST)

Punjab Vs Chennai: దూకుడు పెంచిన చెన్నై బ్యాటర్లు

ఓవర్లు తరిగిపోతుండటంతో చెన్నై బ్యాటర్లు దూకుడు పెంచారు.
రాహుల్ చాహర్ వేసిన 18 ఓవర్లో 13 పరుగులు రాబట్టారు.
తొలి బంతికి శార్దూల్ ఠాకూర్ (17) బౌండరీ బాదాడు.
మూడో బంతికి జడేజా (30) సిక్స్ కొట్టాడు. 18 ఓవర్లకు స్కోరు 149/6.

05/05/2024 17:04(IST)

Punjab Vs Chennai: క్యాచ్‌ డ్రాప్‌ చేసి సిక్స్ ఇచ్చిన శశాంక్

సామ్ కరన్ వేసిన 17వ ఓవర్‌లో 14 పరుగులు వచ్చాయి.
మొదటి బంతికి జడేజా సింగిల్ తీశాడు.
రెండో బంతికి శార్దూల్ ఠాకూర్ ఫోర్ బాది తర్వాతి బాల్‌కు భారీ షాట్ ఆడగా డీప్‌ మిడ్‌ వికెట్‌లో ఉన్న శశాంక్ సింగ్ చేతిలోబంతి పడింది.
కానీ అతడు దానిని ఒడిసిపట్టలేకపోయాడు. బంతి చేతిలో నుంచి ఎగిరి బౌండరీ లైన్ అవతల పడటంతో సిక్సర్‌గా మారింది.
చివరి మూడు బంతులకు సింగిల్స్‌ వచ్చాయి.
17 ఓవర్లకు స్కోరు 136/6. శార్దూల్ (12), జడేజా (23) పరుగులతో ఉన్నారు.

05/05/2024 16:55(IST)

Punjab Vs Chennai: శాంట్నర్ ఔట్.. చెన్నై ఆరో వికెట్

రాహుల్ చాహర్ వేసిన 16వ ఓవర్‌లో మొదటి ఐదు బంతులకు సింగిల్స్ వచ్చాయి.
చివరి బంతికి మిచెల్ శాంట్నర్ (11) లాంగాన్‌లో బౌండరీ లైన్ వద్ద సామ్‌కరన్‌కు క్యాచ్‌ ఇచ్చి వెనుదిరిగాడు.
16 ఓవర్లకు స్కోరు 122/6. రవీంద్ర జడేజా (21) పరుగులతో ఉన్నాడు.

05/05/2024 16:47(IST)

Punjab Vs Chennai: చెన్నైకి భారీ షాక్.. మిగిలిన మ్యాచ్‌లకు స్టార్‌ పేసర్ దూరం

చెన్నైకి భారీ షాక్ తగిలింది. ఆ జట్టు స్టార్‌ పేసర్ మతిశా పతిరన శ్రీలంక పయనవుతున్నాడు.
ప్రస్తుతం అతడు తొడ కండరాల గాయంతో బాధపడుతున్నాడు. పంజాబ్‌తో జరుగుతున్న మ్యాచ్‌లో పతిరన ఆడట్లేదు.
గాయం నుంచి కోలుకోవడం స్వదేశానికి వెళ్లనున్నాడు. దీంతో మిగిలిన మ్యాచ్‌లకు కూడా అతడు అందుబాటులో ఉండడు.
డెత్ ఓవర్లలో పరుగులు కట్టడి చేసే అతడు దూరమవడం చెన్నైకి గట్టిదెబ్బే.

05/05/2024 16:38(IST)

Punjab Vs Chennai: సగం వికెట్లు కోల్పోయిన చెన్నై

మొయిన్ అలీ (17) ఔటయ్యాడు.
సామ్ కరన్ వేసిన 12.4 ఓవర్‌కు బెయిర్‌స్టోకు క్యాచ్‌ ఇచ్చాడు.
దీంతో 101 పరుగుల వద్ద చెన్నై ఐదో వికెట్ కోల్పోయింది.
13 ఓవర్లకు చెన్నై స్కోరు 103/5.
రవీంద్ర జడేజా (12), మిచెల్ శాంట్నర్‌ (1) క్రీజులో ఉన్నారు.

05/05/2024 16:32(IST)

Punjab Vs Chennai: వరుసగా రెండు ఫోర్లు బాదిన జడేజా

హర్షల్ పటేల్ వేసిన 11వ ఓవర్‌లో 11 పరుగులు వచ్చాయి.
మొదటి నాలుగు బంతుల్లో మూడు సింగిల్స్ వచ్చాయి.
చివరి రెండు బంతులను రవీంద్ర జడేజా (10) బౌండరీకి పంపాడు.
మొయిన్ అలీ (7) పరుగులతో ఉన్నాడు. 11 ఓవర్లకు స్కోరు 90/4.

05/05/2024 16:20(IST)

Punjab Vs Chennai: చెన్నైకి షాక్‌ల మీద షాక్‌లు

చెన్నైకి వరుస షాక్‌లు తగులుతున్నాయి.
నిలకడగా ఆడుతున్న డారిల్ మిచెల్ (30) ఔటయ్యాడు.
హర్షల్ పటేల్ వేసిన తొమ్మిదో ఓవర్‌లో ఐదో బంతికి ఎల్బీడబ్ల్యూగా వెనుదిరిగాడు.
9 ఓవర్లకు స్కోరు 76/4. రవీంద్ర జడేజా (0), మొయిన్ అలీ (3) క్రీజులో ఉన్నారు.

05/05/2024 16:10(IST)

Punjab Vs Chennai: చెన్నైకి షాక్.. స్వల్ప వ్యవధిలో మరో వికెట్‌

చెన్నై జట్టుకు భారీ షాక్‌ తగిలింది.
స్ట్రాటజిక్‌ టైమౌట్‌ ముగిసిన వెంటనే రెండు వికెట్లను కోల్పోయింది.
తొలుత రాహుల్‌ చాహర్ (7.1వ ఓవర్‌) మొదటి బంతికే రుతురాజ్ (32) ఔటయ్యాడు.
తర్వాత బ్యాటింగ్‌కు వచ్చిన శివమ్‌ దూబె (0) కూడా పెవిలియన్‌కు చేరాడు.
వీరిద్దరూ వికెట్‌ కీపర్‌ జితేశ్‌కు క్యాచ్‌ ఇచ్చారు.
అనంతరం క్రీజ్‌లోకి మొయిన్‌ అలీ వచ్చాడు.

05/05/2024 16:06(IST)

Punjab Vs Chennai: స్ట్రాటజిక్‌ టైమౌట్.. చెన్నై స్కోరు 69/1 (7)

ఇన్నింగ్స్‌లో 7వ ఓవర్‌ను సామ్ కరన్‌ వేశాడు
రుతురాజ్‌ (32*) ఫోర్ కొట్టాడు.
మిగతా ఐదు బంతులకు ఐదు సింగిల్స్‌ వచ్చాయి.
ఈ ఓవర్‌లో 9 పరుగులు రాబట్టారు.
దీంతో చెన్నై స్కోరు 69/1.
క్రీజ్‌లో రుతురాజ్‌తోపాటు డారిల్ మిచెల్ (27*) ఉన్నాడు.
వీరిద్దరూ రెండో వికెట్‌కు హాఫ్ సెంచరీ భాగస్వామ్యం నిర్మించారు.

05/05/2024 16:00(IST)

Punjab Vs Chennai: ముగిసిన పవర్‌ప్లే.. దంచికొట్టిన రుతురాజ్‌

చెన్నై ఇన్నింగ్స్‌లో పవర్‌ప్లే ముగిసింది.
హర్‌ప్రీత్ బ్రార్ వేసిన ఈ ఓవర్‌లో రుతురాజ్‌ (25*) దూకుడుగా ఆడాడు.
అతడే సిక్స్‌, రెండు ఫోర్లు కొట్టాడు.
డారిల్ మిచెల్ (25*) కూడా ఒక బౌండరీ రాబట్టాడు.
మొత్తం 19 పరుగులు వచ్చాయి.
దీంతో చెన్నై స్కోరు 6 ఓవర్లకు 60/1.

05/05/2024 15:57(IST)

Punjab Vs Chennai: పేస్‌ బౌలింగ్‌కు సహకరిస్తున్న హైబ్రిడ్ పిచ్

కొత్తగా తయారు చేసిన హైబ్రిడ్ పిచ్‌ పేస్‌ బౌలర్లకు సహకారం
బ్యాటర్లు పరుగుల కోసం శ్రమించాల్సిన పరిస్థితి
బౌండరీలు ఎక్కువగా నమోదు కావడం లేదు
సామ్ కరన్ వేసిన ఇన్నింగ్స్‌ 5వ ఓవర్‌లో 7 పరుగులే వచ్చాయి
ప్రస్తుతం చెన్నై స్కోరు 41/1.
క్రీజ్‌లో రుతురాజ్ (10*), డారిల్ (21*) ఉన్నారు.

05/05/2024 15:51(IST)

Punjab Vs Chennai: సిక్స్‌, ఫోర్ బాదేసిన చెన్నై బ్యాటర్ డారిల్ మిచెల్

చెన్నై ఆటగాడు డారిల్ మిచెల్ (15) దూకుడు మొదలుపెట్టాడు.
అర్ష్‌దీప్‌ బౌలింగ్‌లో సిక్స్‌, ఫోర్ దంచేశాడు.
రుతురాజ్‌ (8*) ఆచితూచి ఆడాడు.
ఆరు బంతుల్లో రెండింటిని అర్ష్‌దీప్ డాట్‌లుగా వేశాడు.
ఈ ఓవర్‌లో మొత్తం 12 పరుగులు వచ్చాయి.
దీంతో చెన్నై స్కోరు 4 ఓవర్లకు 34/1.

05/05/2024 15:47(IST)

Punjab Vs Chennai: కాస్త వేగం పెంచిన చెన్నై బ్యాటర్లు

చెన్నై బ్యాటింగ్‌లో దూకుడు చూపిస్తోంది.
రబాడ వేసిన మూడో ఓవర్‌లో 9 పరుగులు వచ్చాయి.
రుతురాజ్ గైక్వాడ్ (7*) బౌండరీ కొట్టాడు.
డారిల్ మిచెల్ (5*) ఒక బంతికి మూడు పరుగులు రాబట్టాడు.
ప్రస్తుతం చెన్నై స్కోరు 22/1.

05/05/2024 15:41(IST)

Punjab Vs Chennai: కగిసో రబాడ అద్భుత క్యాచ్‌.. రహానె ఔట్

చెన్నై 12 పరుగుల వద్ద తొలి వికెట్‌ను కోల్పోయింది.
అజింక్య రహానె (9) ఔటయ్యాడు.
అర్ష్‌దీప్‌ సింగ్‌ వేసిన (1.5వ ఓవర్) బంతిని ఆడబోయి రబాడకు దొరికిపోయాడు.
చాలా తక్కువ ఎత్తులో వచ్చిన బంతిని రబాడ అద్భుతంగా ఒడిసిపట్టాడు.
అనంతరం బ్యాటింగ్‌కు డారిల్ మిచెల్ (1*) వచ్చాడు.
ఈ ఓవర్‌లో ఫోర్ సహా ఏడు పరుగులు వచ్చాయి.
ప్రస్తుతం చెన్నై స్కోరు 2 ఓవర్లకు 13/1.
క్రీజ్‌లో రుతురాజ్‌ (2*) ఉన్నాడు.

05/05/2024 15:15(IST)

పాయింట్ల పట్టికలో ఇరు జట్లు ఇలా..

ప్రస్తుతం పాయింట్ల పట్టికలో చెన్నై (10) ఐదో స్థానంలో కొనసాగుతోంది. పది మ్యాచుల్లో 5 విజయాలు, 5 ఓటములను నమోదు చేసింది. ఇప్పుడు విజయం సాధిస్తే మూడో ప్లేస్‌కు వెళ్లొచ్చు. మరోవైపు పంజాబ్‌ 10 మ్యాచుల్లో కేవలం నాలుగింట్లోనే గెలిచింది. 8 పాయింట్లతో అట్టడుగు నుంచి ఎనిమిదో స్థానంలో ఉంది. ఈ మ్యాచ్‌లో గెలిస్తే తన స్థానాన్ని మెరుగుపర్చుకునే అవకాశం ఉంది.

05/05/2024 15:07(IST)

ముస్తాఫిజుర్ స్థానంలో సాంట్నర్

‘‘గత మ్యాచ్‌ ఫలితాలను పట్టించుకోవడం లేదు. ఇప్పుడు ఎలా ఆడతామనేదే ముఖ్యం. ఈ సీజన్‌లో మా ఆటగాళ్లలో చాలా మంది గాయపడ్డారు. మొత్తం 10 మ్యాచుల్లో టాస్‌ ఓడిపోయినప్పటికీ ఐదింట్లో గెలిచాం. ముస్తాఫిజుర్ స్థానంలో సాంట్నర్ తుది జట్టులోకి వస్తాడు’’ అని చెన్నై కెప్టెన్ రుతురాజ్‌ తెలిపాడు.

05/05/2024 14:09(IST)

హైబ్రిడ్‌ పిచ్‌ల మీద ఐపీఎల్‌ మ్యాచ్‌లు... సరికొత్త ప్రయోగం ఫలిస్తుందా?

ఐపీఎల్‌-17లో ఇప్పటికే నిబంధనల రూపంలో ప్రయోగాలు జరుగుతున్నాయి. ఇప్పుడు మరో ప్రయోగానికి బీసీసీఐ సిద్ధమైంది. హిమచల్‌ప్రదేశ్‌లోని ధర్మశాల (Dharamshala)లో జరిగే ఓ రెండు ఐపీఎల్‌ (IPL) మ్యాచ్‌ల్లో హైబ్రిడ్‌ పిచ్‌లు ఉపయోగించబోతోంది. ఈ టోర్నీలో 200పైన స్కోర్లు తరచూ నమోదవుతున్నాయి. 200+ లక్ష్యం కూడా నిలవట్లేదు. ఈ పరిస్థితుల్లో బ్యాటర్లకు, బౌలర్లకు సమానంగా సహకరించాలన్న ఉద్దేశంతో ఈ హైబ్రిడ్‌ పిచ్‌లను రూపొందిస్తున్నారు. ఈ రెండు మ్యాచ్‌ల్లో వచ్చే ఫలితాలను బట్టి మున్ముందు మ్యాచ్‌ల్లోనూ ఇలాంటి ట్రాక్‌లనే వాడే అవకాశాలు ఉన్నాయి. పూర్తి వార్త కోసం క్లిక్‌ చేయండి

05/05/2024 14:08(IST)

ధోని నా తండ్రి లాంటోడు..

ధోని తనకు తండ్రి లాంటి వాడని ఐపీఎల్‌లో చెన్నై సూపర్‌కింగ్స్‌కు ఆడుతున్న శ్రీలంక ఫాస్ట్‌బౌలర్‌ పతిరన అన్నాడు. అతడి చిన్నచిన్న సలహాలు తనకెంతో ఆత్మవిశ్వాసాన్నిచ్చాయని చెప్పాడు. 2022లో ఐపీఎల్‌ అరంగేట్రం చేసిన 21 ఏళ్ల పతిరన.. ఆ తర్వాత చెన్నైకి కీలక బౌలర్‌గా ఎదిగాడు. ‘‘నా క్రికెట్‌ కెరీర్‌లో ధోని చాలా వరకు నా తండ్రి పాత్రను పోషిస్తున్నాడు. ఎప్పుడూ నన్నెంతో జాగ్రత్తగా చూసుకుంటాడు. ఇంట్లో మా నాన్న లాగే.. ధోని నాకు సలహాలిస్తుంటాడు. చిన్న చిన్న విషయాలు చెబుతాడు. కానీ అవే ఎంతో ఉపయోగపడతాయి. నాకెంతో ఆత్మవిశ్వాసాన్నిస్తాయి’’ అని చెప్పాడు.

పంజాబ్ X చెన్నై మ్యాచ్‌ లైవ్‌ అప్‌డేట్స్‌ మీ కోసం..

తాజా వార్తలు (Latest News)

మోదీ నాతో చర్చకు వస్తే అడిగే ప్రశ్నలివే..: రాహుల్ గాంధీ

ఆరు నెలల్లో పీవోకే విలీనం ఖాయం..: సీఎం యోగి

‘మీ రాష్ట్రాల సంగతి చూసుకోండి’: ఆ సీఎంలకు నవీన్‌ పట్నాయక్‌ కౌంటర్‌

అఫ్గాన్‌లో వరదల బీభత్సం.. 68 మంది మృతి..!

‘50-60 ఏళ్ల క్రితం నేను ఇల్లు వదిలి వెళ్లినప్పుడు.. ఇలా అనుకోలేదు’: మోదీ కీలక వ్యాఖ్యలు

ఆ విషయంలో నేను ఫెయిల్‌ అయ్యానేమో: సుధీర్‌ బాబు

సుఖీభవ

చదువు