Feedback | E-PAPER | Pratibha

SRH vs RCB: బెంగళూరు విజయం.. ప్లేయర్‌ ఆఫ్‌ ది మ్యాచ్‌గా కోహ్లీ

ప్లే ఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో రాయల్ ఛాలెంజర్స్‌ బెంగళూరు అదరగొట్టింది. సన్‌రైజర్స్‌పై 8 వికెట్ల తేడాతో విజయం సాధించింది. హైదరాబాద్‌ నిర్దేశించిన 187 పరుగుల లక్ష్యాన్ని నాలుగు బంతులు మిగిలుండగానే ఛేదించింది.

Updated : 18 May 2023 23:46 IST

18/05/2023 23:02(IST)

విరాట్ సెంచరీ.. బెంగళూరు విజయం

18/05/2023 22:49(IST)

కోహ్లీ సెంచరీ.. ఔట్

భువనేశ్వర్‌ వేసిన 18వ ఓవర్‌లో నాలుగో బంతికి కోహ్లీ సిక్స్‌ బాది సెంచరీ పూర్తి చేసుకున్నాడు. కానీ, తర్వాతి బంతికే గ్లెన్‌ ఫిలిప్స్‌కు క్యాచ్‌ ఇచ్చి ఔటయ్యాడు. 18 ఓవర్లకు స్కోరు 172/1. మ్యాక్స్‌వెల్ (0), డుప్లెసిస్‌ (67) క్రీజ్‌లో ఉన్నారు.

18/05/2023 22:37(IST)

కోహ్లీ 4 ఫోర్లు

భువనేశ్వర్‌ కుమార్‌ వేసిన 15వ ఓవర్లో కోహ్లీ (82) 4 బౌండరీలు బాదాడు. 14.1, 14.2వ బంతులకు రెండు ఫోర్లు, 14.3వ బంతి డాట్‌ కాగా.. 14.4, 14.5వ బంతులు మళ్లీ ఫోర్లు. చివరి బంతికి సింగిల్‌ వచ్చింది. దీంతో ఈ ఓవర్లో మొత్తం 18 పరుగులు వచ్చాయి. 15 ఓవర్లకు స్కోరు 150/0

18/05/2023 22:32(IST)

డుప్లెసిస్‌.. ఫోర్‌..సిక్సర్‌

డుప్లెసిస్‌ చెలరేగి ఆడుతున్నాడు. అభిషేక్‌ శర్మ వేసిన 14వ ఓవర్లో ఒక ఫోర్‌, సిక్సర్‌ బాదాడు. దీంతో ఈ ఓవర్లో మొత్తం 15 పరుగులు వచ్చాయి. విరాట్‌ కోహ్లీ 65, డుప్లెసిస్‌ 63 క్రీజులో కొనసాగుతున్నారు. 14 ఓవర్లకు స్కోరు 132/0

18/05/2023 22:10(IST)

డుప్లెసిస్‌ ఔటైనా నాటౌట్

నితీశ్‌ రెడ్డి వేసిన 9వ ఓవర్లో ఐదో బంతికి డుప్లెసిస్ భారీ షాట్ ఆడగా.. మయాంక్ దగార్‌ క్యాచ్‌ అందుకున్నాడు. కానీ, అది నో బాల్ కావడంతో అతడు బతికిపోయాడు. 9 ఓవర్లకు స్కోరు 90/0. డుప్లెసిస్ (42), కోహ్లీ (46) క్రీజ్‌లో ఉన్నారు.

18/05/2023 21:28(IST)

లక్ష్యఛేదనకు దిగిన ఆర్సీబీ

సన్‌రైజర్స్‌ నిర్దేశించిన 187 పరుగుల లక్ష్యాన్ని ఛేదించేందుకు ఆర్సీబీ బరిలోకి దిగింది. కోహ్లీ, డుప్లెసిస్‌ ఓపెనర్లుగా వచ్చారు. భువనేశ్వర్‌ వేసిన మొదటి ఓవర్‌లో తొలి రెండు బంతులను కోహ్లీ బౌండరీకి పంపాడు. తర్వాతి బంతులకు పరుగులు రాలేదు.

18/05/2023 21:09(IST)

క్లాసెన్ సూపర్‌ సెంచరీ.. ఆర్సీబీ ముందు భారీ లక్ష్యం

ఆర్సీబీతో జరుగుతున్న మ్యాచ్‌లో సన్‌రైజర్స్‌ భారీ స్కోరు సాధించింది. హెన్రిచ్‌ క్లాసెన్ (104; 51 బంతుల్లో 8 ఫోర్లు, 6 సిక్స్‌లు) శతక్కొట్టడంతో నిర్ణీత 20 ఓవర్లలో 5 వికెట్ల నష్టానికి 186 పరుగులు చేసింది. హ్యారీ బ్రూక్ (27), అభిషేక్ శర్మ (11), రాహుల్ త్రిపాఠి (15), మార్‌క్రమ్ (18) పరుగులు చేశారు. బెంగళూరు బౌలర్లలో బ్రాస్‌వెల్ 2, షాబాజ్‌ అహ్మద్, హర్షల్ పటేల్, సిరాజ్‌ ఒక్కో వికెట్ పడగొట్టారు.

సన్‌రైజర్స్‌ ఓపెనర్లు అభిషేక్‌ శర్మ, రాహుల్ త్రిపాఠిలను బ్రాస్‌వెల్ ఒకే ఓవర్‌లో ఔట్ చేశాడు. ఈ క్రమంలో మార్‌క్రమ్‌తో జతకట్టిన క్లాసెన్‌ ఎడాపెడా ఫోర్లు, సిక్స్‌లు బాదాడు. 24 బంతుల్లో హాఫ్‌ సెంచరీ పూర్తి చేసుకున్న అతడు.. తర్వాత కూడా జోరు కొనసాగించాడు. షాబాజ్ వేసిన 17వ ఓవర్‌లో వరుసగా రెండు సిక్సర్లు బాదాడు. హర్షల్ పటేల్ వేసిన 19వ ఓవర్‌లో మూడో బంతికి సిక్స్‌ బాది మూడంకెల స్కోరు (49 బంతుల్లో) అందుకున్నాడు. అదే ఓవర్‌లో ఐదో బంతికి భారీ షాట్ ఆడబోయి క్లీన్‌బౌల్డ్ అయ్యాడు.

18/05/2023 21:01(IST)

క్లాసెన్ ఔట్

సెంచరీ బాది ఊపు మీదున్న క్లాసెన్ (104) ఔటయ్యాడు. హర్షల్ పటేల్ వేసిన 18.5 ఓవర్‌కు భారీ షాట్ ఆడబోయి క్లీన్‌బౌల్డ్ అయ్యాడు.దీంతో 178 పరుగుల వద్ద సన్‌రైజర్స్‌ నాలుగో వికెట్ కోల్పోయింది. తర్వాత క్రీజులోకి వచ్చిన ఫిలిప్స్‌ (4) ఫోర్ బాదాడు. 19 ఓవర్లకు స్కోరు 182/4. హ్యారీ బ్రూక్ (26) పరుగులతో ఉన్నాడు.

18/05/2023 20:31(IST)

మార్‌క్రమ్ ఔట్

సన్‌రైజర్స్‌ కెప్టెన్‌ మార్‌క్రమ్ (20) ఔటయ్యాడు. షాబాజ్‌ అహ్మద్ వేసిన 13వ ఓవర్‌లో ఐదో బంతికి క్లీన్‌బౌల్డ్ అయ్యాడు. దీంతో 104 పరుగుల వద్ద హైదరాబాద్‌ మూడో వికెట్ కోల్పోయింది. 13 ఓవర్లకు స్కోరు 104/3. హ్యారీ బ్రూక్‌ (0), క్లాసెన్ (58) పరుగులతో ఉన్నారు.

18/05/2023 20:25(IST)

క్లాసెన్‌ హాఫ్‌ సెంచరీ

దూకుడుగా ఆడుతున్న క్లాసెన్ 24 బంతుల్లో అర్ధ శతకం పూర్తి చేసుకున్నాడు. కర్ణ్‌ శర్మ వేసిన 11వ ఓవర్లో మూడో బంతికి సిక్సర్ బాదిన అతడు.. చివరి బంతికి సింగిల్ తీసి హాఫ్ సెంచరీ అందుకున్నాడు. 11 ఓవర్లకు స్కోరు 94/2. మార్‌క్రమ్ (16) పరుగులతో ఉన్నాడు.

18/05/2023 19:47(IST)

రివ్యూ వృథా

ఆర్సీబీ ఒక రివ్యూను కోల్పోయింది. సిరాజ్‌ వేసిన మూడో ఓవర్‌లో రెండో బంతిని అభిషేక్‌ శర్మ ఎదుర్కొనగా.. బంతి బ్యాట్‌కు తగిలిందనుకుని ఆర్సీబీ రివ్యూ తీసుకుంది. తర్వాతి బంతిని అభిషేక్‌ బౌండరీకి పంపాడు. 3 ఓవర్లకు స్కోరు 11/0.

18/05/2023 19:29(IST)

కీలక మ్యాచ్‌ కోసం కఠోర శ్రమ.. ‘కేజీఎఫ్’ షో చూపిస్తారా?

చావోరేవో తేల్చుకోవాల్సిన మ్యాచ్‌ కోసం బెంగళూరు ఆటగాళ్లు కఠోరంగా శ్రమిస్తున్నారు. నేడు సన్‌రైజర్స్‌ హైదరాబాద్‌పై ఎలాగైనా గెలిచి ప్లేఆఫ్‌ రేసులో నిలిచేందుకు బెంగళూరు టాప్‌ ప్లేయర్స్ కోహ్లీ, మ్యాక్స్‌వెల్, డుప్లెసిస్‌ (కేజీఎఫ్‌) చెమటోడుస్తున్నారు. ఈ నేపథ్యంలో వారు తీవ్రంగా ప్రాక్టీస్‌ చేస్తున్న వీడియోను ఆర్సీబీ తన యూట్యూబ్‌ ఖాతాలో పోస్ట్‌ చేసింది. వీడియో కోసం క్లిక్‌ చేయండి

18/05/2023 19:28(IST)

ఆ ముగ్గురి కెప్టెన్సీలోనూ ఆడా.. ఎవరి నాయకత్వం ఎలా ఉంటుందంటే?: కేఎల్ రాహుల్

కాలికి గాయం కారణంగా ఐపీఎల్‌ సీజన్‌ నుంచి మధ్యలోనే వైదొలిగిన టీమ్‌ఇండియా ఆటగాడు, లఖ్‌నవూ సూపర్ జెయింట్స్‌ రెగ్యులర్‌ సారథి కేఎల్ రాహుల్‌ ప్రస్తుతం విశ్రాంతి తీసుకుంటున్నాడు. ఈ క్రమంలో జాతీయ జట్టు తరఫున ముగ్గురు కెప్టెన్ల సారథ్యంలో ఆడటంపై రాహుల్‌ కీలక వ్యాఖ్యలు చేశాడు. ఎంఎస్ ధోనీ నాయకత్వంలోనే కేఎల్ రాహుల్‌ జట్టులోకి వచ్చాడు. ఆ తర్వాత విరాట్ కోహ్లీ కెప్టెన్సీలో చాలా మ్యాచ్‌లు ఆడాడు. ఇప్పుడు రోహిత్ శర్మకి డిప్యూటీగానూ బాధ్యతలు నిర్వర్తించాడు. ఈ క్రమంలో వారి సారథ్యంలో ఆడటంపై కేఎల్ తన మనసులోని మాటను ఓ క్రీడా ఛానెల్‌ వేదికగా బయటపెట్టాడు. పూర్తి వార్త కోసం క్లిక్‌ చేయండి

18/05/2023 19:25(IST)

SRH vs RCB : ఉప్పల్‌ స్టేడియం వద్ద ఫ్యాన్స్‌ ధూమ్‌ధామ్‌

సన్‌రైజర్స్‌ హైదరాబాద్‌, రాయల్‌ ఛాలెంజర్స్‌ బెంగళూరు జట్ల మధ్య మరికాసేపట్లో మ్యాచ్‌ ప్రారంభంకానుంది. ఈ నేపథ్యంలో ఉప్పల్‌ స్టేడియానికి ఇరు జట్ల ఫ్యాన్స్‌ పెద్దఎత్తున తరలివచ్చారు. ప్లేఆఫ్స్‌కు చేరుకునేందుకు ఆర్సీబీకి ఈ మ్యాచ్‌ కీలకం కానుంది. ఫొటో గ్యాలరీ కోసం క్లిక్‌ చేయండి

18/05/2023 19:11(IST)

రాయల్ ఛాలెంజర్స్ బెంగళూరు ప్లేయింగ్ XI:

విరాట్ కోహ్లీ, ఫాఫ్ డుప్లెసిస్ (కెప్టెన్‌), గ్లెన్ మ్యాక్స్‌వెల్, మహిపాల్ లోమ్రోర్, అనుజ్ రావత్ (వికెట్ కీపర్), షాబాజ్ అహ్మద్, మైఖేల్ బ్రాస్‌వెల్, పార్నెల్, హర్షల్ పటేల్, కర్ణ్ శర్మ, మహ్మద్ సిరాజ్.

18/05/2023 19:11(IST)

సన్‌రైజర్స్ హైదరాబాద్ తుది జట్టు

అభిషేక్ శర్మ, రాహుల్ త్రిపాఠి, ఐడెన్ మార్‌క్రమ్‌ (కెప్టెన్), హెన్రిచ్ క్లాసెన్ (వికెట్ కీపర్‌), హ్యారీ బ్రూక్, గ్లెన్ ఫిలిప్స్, అబ్దుల్ సమద్, కార్తీక్ త్యాగి, మయాంక్ దాగర్, భువనేశ్వర్ కుమార్, నితీష్ రెడ్డి.

18/05/2023 18:24(IST)

‘ఆర్సీబీ ప్లే ఆఫ్స్‌ రేసులో నిలవటానికి కోహ్లీ అన్ని విధాలా కృషి చేస్తాడు’

ఈ ఐపీఎల్‌ సీజన్‌ ప్రథమార్థంలో రాయల్ ఛాలెంజర్స్ బెంగళూరు బాగానే ఆడినప్పటికీ రెండో సీజన్‌లో ఆశించిన ప్రదర్శన కనబర్చలేదని సన్‌రైజర్స్‌ మాజీ హెడ్ కోచ్ టామ్‌ మూడీ అన్నాడు. అయితే, ఆర్సీబీ ప్లేఆఫ్స్‌ రేసులో నిలవడానికి ఆ జట్టు మాజీ కెప్టెన్‌ విరాట్ కోహ్లీ తన శక్తి మేరకు అన్ని విధాలా కృషి చేస్తాడని పేర్కొన్నాడు. పూర్తి వార్త కోసం క్లిక్ చేయండి

18/05/2023 17:04(IST)

ఉప్పల్ స్టేడియంలో ఇలా..

ఈ మ్యాచ్‌కు ఉప్పల్‌లోని రాజీవ్‌ గాంధీ ఇంటర్నేషనల్ స్టేడియం ఆతిథ్యం ఇస్తున్న సంగతి తెలిసిందే. ఈ సీజన్‌లో హొం గ్రౌండ్‌లో సన్‌రైజర్స్‌కు ఇదే చివరి మ్యాచ్‌. సొంత మైదానంలో ఆర్సీబీపై సన్‌రైజర్స్‌కు మంచి రికార్డు ఉంది. ఈ స్టేడియంలో ఇరుజట్ల మధ్య ఏడు మ్యాచ్‌లు జరగ్గా.. హైదరాబాద్‌ ఆరు మ్యాచ్‌ల్లో విజయం సాధించింది. ఆర్సీబీ ఒక్క మ్యాచ్‌లోనే గెలుపొందింది.

18/05/2023 16:47(IST)

ఐపీఎల్‌ ప్లేఆఫ్స్‌.. మూడు బెర్తులు.. నాలుగు టీమ్‌ల నుంచి తీవ్ర పోటీ!

ప్రస్తుత ఐపీఎల్‌ సీజన్‌లో ప్లేఆఫ్స్‌ రేసు ఉత్కంఠగా సాగుతోంది. గుజరాత్‌ ప్లేఆఫ్స్‌ బెర్తును ఖరారు చేసుకుంది. మిగిలిన మూడు స్థానాల కోసం సాంకేతికంగా ఏడు టీమ్‌లు రేసులో ఉన్నాయి. వీటిల్లో చెన్నై సూపర్ కింగ్స్‌, లఖ్‌నవూ సూపర్ జెయింట్స్, రాయల్ ఛాలెంజర్స్ బెంగళూరు, ముంబయి ఇండియన్స్‌ ముందంజలోఉన్నాయి. పూర్తి వార్త కోసం క్లిక్‌ చేయండి

18/05/2023 16:44(IST)

బెంగళూరుకు చావోరేవో.. కోహ్లీపైనే అందరి దృష్టి

సన్‌రైజర్స్‌ హైదరాబాద్‌ కథ ముగిసింది. ఐపీఎల్‌-16లో పేలవ ప్రదర్శనతో ఆ జట్టు ఇప్పటికే ప్లేఆఫ్స్‌ రేసు నుంచి నిష్క్రమించింది. ఇంకా రెండు మ్యాచ్‌లు ఆడనున్న ఆ జట్టు.. మిగతా జట్ల అవకాశాలను ప్రభావితం చేస్తుందా అన్నది ఆసక్తికరంగా మారింది. అందులో మొదటగా సొంతగడ్డపై గురువారం బెంగళూరును ఢీకొననుంది. 12 మ్యాచ్‌ల్లో 6 విజయాలు, 6 ఓటములతో ఉన్న బెంగళూరుకు ఈ మ్యాచ్‌లో విజయం సాధించడం అత్యావశ్యకం. ఓడినా ఆ జట్టు రేసులో ఉంటుంది కానీ.. పూర్తి వార్త కోసం క్లిక్‌ చేయండి

App

SRH vs RCB: బెంగళూరు విజయం.. ప్లేయర్‌ ఆఫ్‌ ది మ్యాచ్‌గా కోహ్లీ

తాజా వార్తలు (Latest News)

నయన చిత్రం.. ప్రతీకార నేపథ్యం

శ్రీవారి సర్వదర్శనానికి 24 గంటలు

బ్యాటింగ్‌ ఎంచుకోవాల్సింది: మాజీ కోచ్‌ రవిశాస్త్రి

భారతీయులకు వీసాల మంజూరులో జాప్యమేల?

ప్రియుడి మర్మాంగం కోసిన యువతి

భారత్‌లో మహిళలకు బైపాస్‌ సర్జరీ అనంతర ముప్పు తక్కువే!

సుఖీభవ

చదువు