పున్నమి పూట పుణ్యాల మూట!

సందేహం

పున్నమి పూట పుణ్యాల మూట!

ఈనెల 30 కార్తిక పౌర్ణమి

కార్తిక పౌర్ణమి... ఎంతో పవిత్రమైన రోజు. వివిధ పేర్లతో, సంప్రదాయాల్లో ఈ పర్వదినాన్ని చేసుకుంటారు.

* పున్నమి వేళలో శివాలయంలో జ్వాలాతోరణం దర్శించడం సంప్రదాయం. కర్రలను తోరణంలా కట్టి, నెయ్యితో తడిపిన గుడ్డ లేదా ఎండుగడ్డిని చుట్టి వెలిగిస్తే అది జ్వాలాతోరణం అవుతుంది. శివపార్వతులను పల్లకిలో ఉంచి దీని కింద నుంచి తిప్పుతారు.

* తారకాక్షుడు, కమలాక్షుడు, విద్యున్మతి అనే త్రిపురాసురులను పరమశివుడు సంహరించింది కార్తికపౌర్ణమినాడే. అందుకే ఈ పౌర్ణమిని త్రిపుర పౌర్ణమి అని కూడా పిలుస్తారు. ఆ రోజు జిల్లేడు, మారేడు పూలతో శివార్చన చేయడం మంచిదని చెబుతారు.

* యోగనిద్ర నుంచి మేల్కొన్న మహావిష్ణువు కార్తిక పౌర్ణమినాడు దేవతలందరూ వెంటరాగా బృందావన ప్రవేశం చేస్తాడని చెబుతారు. బృందావనం అంటే తులసికోట. పౌర్ణమినాడు తులసి పూజ చేయడం శ్రేయోదాయకమని చెబుతారు.

* ‘ఏకస్సర్వదానాని దీపదానం తథైకతః’... కార్తిక పౌర్ణమినాడు దీపదానం శ్రేష్ఠమని చెబుతారు. దీపం దానం చేయాలనుకునేవారు పైడి పత్తితో స్వయంగా వత్తులు చేసుకుని గోధుమ పిండితో ప్రమిదను చేసుకుని అందులో ఆవునేతితో దీపాన్ని వెలిగించి పండితుడికి దానం చేయాలి.

* పరమశివుడిని భక్తేశ్వరుడు అనే పేరుతో ఆరాధిస్తారు. పౌర్ణమినాడు పగలంతా ఉపవాసం ఉండి సాయంత్రం భక్తేశ్వరవ్రతం చేసి, స్వామికి నివేదించిన తరువాత ఉపవాసం విరమిస్తారు. పరమేశ్వరుడిని తామరపూలతో పూజించే సంప్రదాయం
కూడా ఉంది.

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

సందేహం

మరిన్ని

రుచులు

App