వికారాబాద్‌: అనంతగిరి అడవుల సమీపంలో వృద్ధ దంపతులు దారుణహత్యకు గురయ్యారు. కారు డ్రైవరే వారిని కడతేర్చినట్లు పోలీసులు గుర్తించారు. హత్యకు గురైన వారిని హైదరాబాద్‌ బీహెచ్‌ఈఎల్‌కు చెందిన నవరతన్‌రెడ్డి (76), స్నేహలత (72)గా పోలీసులు గుర్తించారు. దంపతులిద్దరూ ఈనెల 12న కారులో హైదరాబాద్‌ నుంచి కర్ణాటకకు బయలుదేరారు. మార్గమధ్యంలో అనంతగిరి సమీపంలో కారు డ్రైవర్‌ దంపతులను చంపి డబ్బు, బంగారంతో పరారయ్యాడు. డ్రైవర్‌ సతీశ్‌, అతడి స్నేహితుడు రాహుల్‌ దంపతుల మృతదేహాలను అనంతగిరి అడవుల్లో పడేశారు. ఈ ఘటనపై విచారణ చేపట్టిన పోలీసులు డ్రైవర్‌తో పాటు అతడి స్నేహితుడిని అరెస్టు చేశారు. దీనికి సంబంధించిన పూర్తి వివరాలు తెలియాల్సి ఉంది.