కొవిడ్‌ మరణాల రేటు 3.3%: కేంద్రం

తాజా వార్తలు

Published : 18/04/2020 17:11 IST

కొవిడ్‌ మరణాల రేటు 3.3%: కేంద్రం

దిల్లీ: గడిచిన 24 గంటల్లో దేశవ్యాప్తంగా 991 కరోనా పాజిటివ్‌ కేసులు నమోదయ్యాయని, 43 మరణాలు సంభవించాయని కేంద్ర వైద్యారోగ్య శాఖ వెల్లడించింది. దేశవ్యాప్తంగా మొత్తం కేసుల సంఖ్య 14,378కి చేరిందని ఆ శాఖ సంయుక్త కార్యదర్శి లవ్‌ అగర్వాల్‌ తెలిపారు. ఈ మేరకు సంయుక్త మీడియా సమావేశంలో ఆయన మాట్లాడారు. ఇప్పటి వరకు 1992 మంది కోలుకున్నారని చెప్పారు. మొత్తం కేసుల్లో ఇది 13.85 శాతమన్నారు.

దేశంలో కరోనా కారణంగా మరణాలు రేటు 3.3 శాతంగా ఉందని చెప్పారు. ఇప్పటి వరకు మరణించిన వారిలో వయసుల వారీగా చూస్తే 0-45 మధ్య వయసు ఉన్న వారు 14.4 శాతం మంది ఉన్నారని తెలిపారు. 45-60 వయసు గల వారు 10.3శాతం; 60-75 వయసు గల వారు 33.1 శాతం; 75 ఏళ్ల పైబడి వారు 42.2 శాతం మంది మరణించారని లవ్‌ అగర్వాల్‌ గణాంకాలతో వివరించారు. ఇప్పటి వరకు మరణించిన వారిలో 83 శాతం మందికి ఇతర అనారోగ్య కారణాలు ఉన్నట్లు తెలిపారు.

దేశవ్యాప్తంగా నమోదైన పాజిటివ్‌ కేసుల్లో 4,291 కేసులు ఒక్క తబ్లిగీ జమాత్‌ సమ్మేళనానికి సంబంధించినవేనని తెలిపారు. దీనివల్ల 23 రాష్ట్రాలు/ కేంద్రపాలిత ప్రాంతాల్లో దీని ప్రభావం ఉందని చెప్పారు. తమిళనాడులో 84 శాతం, దిల్లీలో 63 శాతం, తెలంగాణలో 79 శాతం, ఏపీలో 61 శాతం, యూపీలో నమోదైన 59 శాతం కేసులు మర్కజ్‌కు సంబంధించినవేనని అగర్వా్‌ల్‌ చెప్పారు. హైడ్రాక్సీ క్లోరోక్విన్‌ కారణంగా సంభవించే సైడ్‌ ఎఫెక్ట్స్‌పై పరిశోధనలు జరుగుతున్నాయని భారత వైద్య పరిశోధన మండలి (ఐసీఎంఆర్‌) వెల్లడించింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని