India-China: గోగ్రా నుంచి బలగాల ఉపసంహరణ షురూ.. తాత్కాలిక నిర్మాణాలు కూల్చివేత

తాజా వార్తలు

Published : 06/08/2021 23:01 IST

India-China: గోగ్రా నుంచి బలగాల ఉపసంహరణ షురూ.. తాత్కాలిక నిర్మాణాలు కూల్చివేత

ఇంటర్నెట్‌ డెస్క్‌: తూర్పు లద్దాఖ్‌ గోగ్రా ప్రాంతంలో వాస్తవాధీన రేఖ (ఎల్‌ఏసీ) వెంబడి సాధారణ పరిస్థితులు పునరుద్ధరిస్తున్నట్లు కేంద్రం వెల్లడించింది. ఈ ప్రాంతంలో బలగాల ఉపసంహరణకు భారత్‌, చైనా ఇటీవల అంగీకరించిన విషయం తెలిసిందే.  ఈ క్రమంలో ఇక్కడ చేపట్టిన తాత్కాలిక నిర్మాణాలు కూల్చివేసినట్లు శుక్రవారం ఒక ప్రకటనలో పేర్కొంది. దీంతోపాటు పాంగాంగ్‌ సరస్సు ఉత్తర, దక్షిణ రేవులు, గల్వాన్‌ లోయ మినహా మిగతా నాలుగు ప్రాంతాల నుంచి ఇరుపక్షాల దళాలు వెనుదిరిగాయి. మరోవైపు డెప్సాంగ్‌, హాట్ స్ప్రింగ్స్‌లో ప్రతిష్టంభన ఇంకా కొనసాగుతోంది.

ఏడాదిగా వివాదం..

తూర్పు లద్దాఖ్‌లో గతేడాది మే నుంచి ఇరు దేశాల మధ్య ఉద్రిక్తతలు చెలరేగి, వాస్తవాధీన రేఖ వెంబడి భారీగా సైన్యాలను మొహరించిన సంగతి తెలిసిందే.  ఈ వివాదాన్ని పరిష్కరించుకునేందుకు ఇద్దరి మధ్య గతంలో పలుమార్లు సైనిక, దౌత్యపరమైన చర్చలు జరిగాయి. తాజాగా జులై 31న మరోసారి సమావేశమయ్యారు. ఈ సందర్భంగా తీసుకున్న నిర్ణయాలను అమలు చేయడం మొదలుపెట్టారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని