Parliament: సైకిల్‌పై పార్లమెంట్‌కు రాహుల్‌, విపక్ష ఎంపీలు

తాజా వార్తలు

Updated : 03/08/2021 13:44 IST

Parliament: సైకిల్‌పై పార్లమెంట్‌కు రాహుల్‌, విపక్ష ఎంపీలు

దిల్లీ: దేశంలో ఇంధన ధరల పెంపునకు నిరసనగా కాంగ్రెస్‌ అగ్రనేత రాహుల్‌గాంధీ నేతృత్వంలో విపక్షాలు మంగళవారం ‘సైకిల్‌ ర్యాలీ’ చేపట్టాయి. రాహుల్ సహా ప్రతిపక్ష ఎంపీలు సైకిల్‌ తొక్కుకుంటూ పార్లమెంట్‌ సమావేశాలకు వచ్చారు. అంతకుముందు కాన్‌స్టిట్యూషన్‌ క్లబ్‌లో వీరంతా అల్పాహార విందు సమావేశం నిర్వహించిన విషయం తెలిసిందే. తృణమూల్‌ కాంగ్రెస్‌, శివసేన, సమాజ్‌వాదీ పార్టీ, ఆర్జేడీ.. ఇలా 14 ప్రతిపక్ష పార్టీలకు చెందిన నేతలు ఈ భేటీలో పాల్గొన్నారు. ప్రభుత్వంపై విరుచుకుపడే ఉమ్మడి వ్యూహాన్ని రచించేలా వారితో రాహుల్‌ సమాలోచనలు జరిపారు. ఈ సందర్భంగా రాహుల్‌ మాట్లాడుతూ.. విపక్షాలు ఐకమత్యంగా ఉండాలని, అప్పుడే మన గళాన్ని స్పష్టంగా వినిపించగలమని పిలుపునిచ్చారు. అనంతరం కాన్‌స్టిట్యూషన్‌ క్లబ్‌ నుంచి రాహుల్‌, ఇతర నేతలు సైకిల్‌ ర్యాలీ చేపట్టారు. 

ఇటీవల సాగు చట్టాలకు నిరసనగా రాహుల్‌ గాంధీ పార్లమెంట్‌కు ట్రాక్టర్‌పై వచ్చిన విషయం తెలిసిందే. రైతులకు వ్యతిరేకంగా తీసుకొచ్చిన నూతన వ్యవసాయ చట్టాలను వెంటనే రద్దు చేయాలని డిమాండ్‌ చేసిన రాహుల్.. తన నివాసం నుంచి స్వయంగా ట్రాక్టర్‌ నడుపుతూ పార్లమెంట్‌కు వచ్చారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని