Pegausus: ‘పెగాసస్‌’తో దద్దరిల్లిన పార్లమెంట్‌

తాజా వార్తలు

Published : 20/07/2021 11:28 IST

Pegausus: ‘పెగాసస్‌’తో దద్దరిల్లిన పార్లమెంట్‌

ప్రతిపక్షాల ఆందోళనలతో వాయిదా పడిన ఉభయసభలు

దిల్లీ: పార్లమెంట్‌ వర్షాకాల సమావేశాలను ‘పెగాసస్‌’ వ్యవహారం కుదిపేస్తోంది.  హ్యాకింగ్‌పై చర్చ జరపాలంటూ ప్రతిపక్షాలు పట్టుబట్టాయి. ఆందోళనలకు దిగాయి. దీంతో కొద్ది నిమిషాలకే ఉభయ సభలు మధ్యాహ్నానికి వాయిదా పడ్డాయి. 

ఉదయం 11 గంటలకు లోక్‌సభ ప్రారంభం కాగానే.. ప్రతిపక్షాలు ‘పెగాసస్‌’ అంశాన్ని లేవనెత్తాయి. హ్యాకింగ్‌ వ్యవహారంపై చర్చ జరపాలంటూ పట్టుబట్టాయి. విపక్ష ఎంపీలు సీట్ల నుంచి బయటకు వచ్చి నినాదాలు చేశారు. సభను కొనసాగించేందుకు సహకరించాలని స్పీకర్‌ ఓం బిర్లా ప్రతిపక్ష సభ్యులను కోరారు. అయిన్పటికీ వారు వెనక్కి తగ్గకపోవడంతో నాలుగు నిమిషాలకే సభ వాయిదా పడింది. లోక్‌సభను మధ్యాహ్నం 2 గంటలకు వాయిదా వేస్తున్నట్లు స్పీకర్‌ ప్రకటించారు.

అటు రాజ్యసభలోనూ ఇదే గందరగోళం నెలకొంది. ఆందోళనల నడుమే ఛైర్మన్‌ వెంకయ్యనాయుడు ప్రశ్నోత్తరాల గంటలను ప్రారంభించారు. అయితే దాన్ని ప్రతిపక్ష సభ్యులు అడ్డుకునే ప్రయత్నం చేశారు. ప్రభుత్వానికి వ్యతిరేకంగా నినాదాలు చేశారు. దీంతో ఛైర్మన్‌ సభను మధ్యాహ్నం 12 గంటలకు వాయిదా వేశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని