Disha Case: ‘నేను చెప్పలేను.. నాకు తెలియదు..’

ప్రధానాంశాలు

Disha Case: ‘నేను చెప్పలేను.. నాకు తెలియదు..’

ఈనాడు, హైదరాబాద్‌: చటాన్‌పల్లి ఎన్‌కౌంటర్‌పై జస్టిస్‌ సిర్పుర్కర్‌ నేతృత్వంలోని త్రిసభ్య కమిషన్‌ మంగళవారం ఇన్‌స్పెక్టర్‌ నర్సింహారెడ్డిని విచారించింది. పోలీస్‌ అధికారి వద్ద ఉన్న ఆయుధాన్ని లాక్కోవడం సులభంగా సాధ్యమవుతుందా? ఆయుధాన్ని వినియోగించడం తెలియని వ్యక్తి అంత సులువుగా అన్‌లాక్‌ చేయగలడా? లాంటి పలు ప్రశ్నలడిగారు. పలు సందర్భాల్లో నర్సింహారెడ్డి ‘నేను చెప్పలేను.. నాకు తెలియదు..’ అంటూ బదులిచ్చారు. ఈ క్రమంలో నర్సింహారెడ్డిని కమిషన్‌ బుధవారమూ విచారించనుంది. బుధవారం విచారణకు వచ్చేటప్పుడు లోడ్‌ చేసిన 9 ఎంఎం పిస్టల్‌ను పౌచ్‌లో ధరించి రావాలని కమిషన్‌ ఆదేశించింది.

ముందే నిర్ధారణకొచ్చాం..: అంతకుముందు షాద్‌నగర్‌ అప్పటి ఏసీపీ సురేందర్‌ విచారణ కొనసాగింది. ‘దిశ’ను అత్యాచారం చేసి హత్య చేసినట్లు నిందితుల నుంచి వాంగ్మూలం సేకరించకముందా? లేక తరువాత నిర్ధారణకు వచ్చారా..? అని కమిషన్‌ ప్రశ్నించింది. లభించిన ఆధారాలను బట్టి నిందితుల వాంగ్మూలాల నమోదుకు ముందే నిర్ధారణకు వచ్చామని ఆయన బదులిచ్చారు. అయిదురోజుల విచారణ అనంతరం ఏసీపీ విచారణ మంగళవారం ముగిసింది.

Advertisement


Tags :

ప్రధానాంశాలు

జిల్లా వార్తలు

దేవతార్చన


మరిన్ని