గుండెకు ‘కృత్రిమ’ సాయం

చాలారకాల గుండెజబ్బుల్లో తరచూ కనిపించే లక్షణం గుండెకు తగినంత రక్తం అందకపోవటం. కానీ దీన్ని గుర్తించాలంటే రక్తనాళంలోకి గొట్టాన్ని పంపించి (యాంజియోగ్రామ్‌) పరీక్షించాల్సి ఉంటుంది. దీనికి సమయమూ ఎక్కువ తీసుకుంటుంది. మరి కోత అవసరం లేకుండా గుర్తించగలిగితే? ఇందుకు కృత్రిమ మేధ ప్రత్యామ్నాయ పద్ధతిగా తోడ్పడగలదని తాజాగా బయటపడింది. గుండె స్కాన్‌ పరీక్షలను విశ్లేషించి.. రక్త సరఫరా తగ్గినప్పుడు కనిపించే లక్షణాలను గుర్తించేలా పరిశోధకులు కంప్యూటర్లకు శిక్షణ ఇచ్చారు. ఇవి చాలా కచ్చితంగా సమస్యను గుర్తించటం గమనార్హం. ఇలా గుండెపోటు, పక్షవాతం ముప్పులనూ అంచనా వేయగలిగాయి. గుండెకు తగినంత రక్తం అందటం లేదని ముందుగానే గుర్తిస్తే తగు చికిత్స చేసే అవకాశముంది. ఇందుకు తేలికైన, కోత అవసరం లేని కృత్రిమ మేధ పరిజ్ఞానం మున్ముందు బాగా ఉపయోగపడగలదని.. గుండెపోటు, పక్షవాతం నివారణకు తోడ్పడగలదని భావిస్తున్నారు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మరిన్ని

రుచులు

App