వినయంగా ఉండండి!

క్రీస్తు వాణి

ప్రభువు తాను చెప్పేవాటిని ముందుగా చేసి చూపేవాడు. రోమా సైనికులకు పట్టుబడే ముందు రాత్రి విందులో పాల్గొన్నాడు. ఆ సమయంలో ఓ పళ్లెంలో నీళ్లు పోసి శిష్యుల పాదాలు కడిగి, తుడవ సాగాడు. ఆయనలా చేస్తుంటే  శిష్యులకు ఇబ్బందిగా ఉంది. అందరి పాదాలతోపాటు.. తనను అప్పగించే శిష్యుడు యూదా పాదాలు కూడా కడిగాడు. ‘నేనేం చేశానో చూశారు కదా! ‘ప్రభూ, ప్రభూ!’ అంటున్న మీ పాదాల్ని ఎలా ప్రేమతో కడిగానో, మీరు కూడా ఒకరి పాదాలు ఒకరు కడగాలని నేర్పడానికే (లూకా 2:15) ఇలా చేశాను. ఎంత గొప్పవారైనా దర్పం లేకుండా నిరాడంబరంగా వ్యవహరించాలి. అధిపతి అయినా వినయంగా, పరిచారకునిలా (లూకా 22:26) ఉండాలి’ అంటూ కార్య రూపేణ వివరించాడు. పేతురును ఉద్దేశించి ‘నీకు నేను తెలియదని మూడుసార్లు అబద్ధం చెబుతావు’ అనగానే.. ‘ప్రభూ! నీ కోసం చనిపోవడానికైనా సిద్ధమే కానీ అలా చేయను’ అన్నాడతను. మిగిలిన శిష్యులు కూడా (మత్తే 26:34) అదే మాట చెప్పారు. ఈ ఘట్టం అంతా ‘ది హోలీ మాస్‌’గా స్థిరపడింది.

డా.ఆర్వీ దేవదాసు