వడ్డీ పెరిగితే సాధారణం.. అసలూ కలిస్తే చక్రం!

జనరల్‌ స్టడీస్‌  అరిథ్‌మెటిక్‌

అందరి ఆర్థిక జీవితాల్లో పొదుపులు, పెట్టుబడులు, అప్పులు సర్వసాధారణం. అయితే వాటి ప్రభావాలు, ఫలితాలను అర్థం చేసుకోవాలంటే అంకగణితంలోని వడ్డీల లెక్కలపై అవగాహన ఉండాలి. దాని వల్ల పొదుపులతో అధిక ప్రయోజనాలు పొందడం, రుణ నిర్వహణ, సరైన పెట్టుబడుల ఎంపికలు సాధ్యమవుతాయి. ఈ విధమైన అవగాహన, సామర్థ్యాలను అభ్యర్థుల్లో అంచనా వేయడానికి పోటీ పరీక్షల్లో సాధారణ వడ్డీ, చక్రవడ్డీలపై ప్రశ్నలు అడుగుతుంటారు. నిష్పత్తులు, శాతాలు మొదలైన ప్రాథమిక గణిత భావనలపై పట్టు పెంచుకుంటే వాటికి సమాధానాలను తేలిగ్గా గుర్తించవచ్చు. దాంతోపాటు ఆ రెండు రకాల వడ్డీల మధ్య సంబంధాన్ని అర్థం చేసుకోవచ్చు.