చనిపోయాక ఏమవుతుంది?

ఒక వ్యాపారవేత్త కోట్లు సంపాదించాడు. తన ప్రాణం పోతే ఆ ధనాన్ని కూడా విడిచి పోవాల్సిందేనా అనుకుంటే బాధేసింది. చనిపోయాక ఏమవుతుందో.. డబ్బునెలా తీసుకెళ్లాలో.. చెబితే గొప్ప కానుక ఇస్తానంటూ ప్రకటించాడు. ఒక జ్ఞాని వచ్చి, ‘నువ్వు విదేశాలకు వెళ్లినపుడు ఈ డబ్బును ఖర్చుపెడుతున్నావా?’ అనడిగాడు. ‘మన నోట్లు విదేశాల్లో చెల్లవు గనుక ఆయా దేశాలకు అనుకూలంగా మార్చుకుని వినియోగిస్తున్నాను’ అన్నాడు వ్యాపారవేత్త. ‘కదా! మరణానంతరం నీ సంపాదన నీతో రావాలంటే ముందుగా నువ్వు వెళ్లాలనుకున్న లోకాన్ని నిర్ధారించుకుని, దానికి తగిన విధంగా ధనాన్ని మ ర్చుకోవాలి. నరకానికి వెళ్లాలనుకుంటే నీ డబ్బును వ్యసనాలూ, చెడుకర్మలకు ఉపయోగించి పాపంగా మార్చుకో! స్వర్గానికి వెళ్లాలంటే ఆ ధనాన్ని ద నధర్మాలు, ధార్మిక కార్యాలకు ఖర్చుచేసి పుణ్యంగా మార్చుకో’ అన్నాడు. ధనికుడికి జ్ఞానోదయమై తన సొమ్మంతా తీసుకోమన్నాడు. కానీ జ్ఞాని కష్టపడకు డా ఉచితంగా వచ్చేదేదీ తీసుకోనన్నాడు. ధనికుడు ఆ సంపదను పుణ్యకార్యాలకు వినియోగించి సద్గతులు పొందాడు. ‘మనం సంపాది చింది మరణానంతరం వెంట తీసుకెళ్లొచ్చు’ అంటూ వివేకానందుడు చెప్పిన కథ ఇది.

అయ్యగారి శ్రీనివాసరావు