ఇప్పటికీ.. మారలేదు

ఎలన్‌ మస్క్‌, జెఫ్‌ బెజోస్‌, వారెన్‌ బఫెట్‌.. టాప్‌ బిలియనీర్లు. వ్యాపారంలో దూసుకెళ్లాలనుకునే చాలామంది యువతకు స్ఫూర్తిప్రదాతలు. వీళ్ల నుంచి మనం గ్రహించాల్సిన ఓ విషయం ఏంటో తెలుసా? అరకొర సంపాదన నుంచి అపర కుబేరులుగా మారినా.. వీళ్లు కొన్ని అలవాట్లు ఇప్పటికీ మార్చుకోలేదు. ఏంటవి అంటే...?

వారెన్‌ బఫెట్‌

* రెండు గంటలు ఒంటరిగా గడుపుతారు. ఆలోచించడం.. ముఖ్య నిర్ణయాలు తీసుకోవడం.. పెట్టుబడుల ఆరాలు.. అన్నీ ఈ సమయంలోనేనట.

* అతి ముఖ్యమైనవి, ముఖ్యమైనవి, వాయిదా వేయదగ్గవి.. అని రోజువారీ పనులు విభజించుకొని ఆ ప్రకారం చేస్తారు.

* రోజుకి కనీసం వంద పేజీలైనా చదువుతారు.

జెఫ్‌ బెజోస్‌

* ఉదయం ఐదింటికే నిద్ర లేస్తారు. ఎనిమిది గంటలు తప్పనిసరిగా నిద్రపోతారు.

* ముప్ఫై నిమిషాలు పత్రికలు, పుస్తకాలు చదువుతారు.

* స్వల్పకాలిక, దీర్ఘకాలిక లక్ష్యాలు రోజుకోసారి రివ్యూ చేసుకుంటారు.

* తన ఉద్యోగుల్లో రోజుకొకరితోనైనా మాట్లాడతారు. ఈమెయిల్స్‌కి సమాధానమిస్తారు.

ఎలన్‌ మస్క్‌

* ఉదయం ఏడింటికి నిద్ర లేస్తారు.

* రోజుని కొన్ని భాగాలుగా విభజించుకొని ఎప్పడేం చేయాలో పక్కాగా అదే చేస్తారు.

* ఐదేళ్ల తర్వాత ఎలా ఉండాలి అనే ప్రణాళికను రోజుకోసారి రివ్యూ చేస్తారట.

* నిద్రపోయే ముందు పుస్తక పఠనం తప్పనిసరి.