బరువు తగ్గట్లేదా?

ఫిట్‌  హిట్‌

ఏళ్ల కొద్దీ చెమటోడుస్తున్నా.. క్రమం తప్పకుండా కసరత్తులు చేస్తున్నా.. కొద్దిమందిలో బరువు  కరగదు. ఒంట్లో కొవ్వు తరగదు. ఎందుకిలా అంటే..

* స్వీట్లు, జంక్‌ఫుడ్, కొవ్వులు అధికంగా ఉన్న ఆహారం తీసుకుంటూ ఎంత బాగా వ్యాయామం చేసినా పెద్దగా ప్రయోజనం ఉండదు. ఫైబర్‌ ఎక్కువగా, కేలరీలు తక్కువగా ఉన్న ఆహారం తీసుకుంటుండాలి.

* కంటి నిండా నిద్ర లేకుండా అధిక కసరత్తులు చేస్తుంటే.. బరువు తగ్గడం మాటలా ఉంచితే.. శరీరంలోని జీవ గడియారం అస్తవ్యస్తమవుతుంది. కొత్త రోగాల బారిన పడొచ్చు. మంచి వ్యాయామం చేసినప్పుడు తగినంత నిద్ర తప్పనిసరి.

* అధికంగా నీరు తీసుకుంటూ శరీరం హైడ్రేటెడ్‌గా ఉన్నప్పుడే చేసిన వ్యాయామం ఒంట పడుతుంది. నిపుణుల సూచనలకు అనుగుణంగా వర్కవుట్స్‌ తర్వాత మంచినీరు తీసుకుంటుండాలి.

* నడక, పరుగుతోపాటు బరువు తగ్గడానికి ప్రత్యేకంగా ‘స్ట్రెంగ్త్‌’ వ్యాయామాలు చేస్తేనే ఒంట్లో పేరుకుపోయిన కొవ్వు కరుగుతుంది. బర్పీ, లాంజెస్, స్క్వాట్, మౌంటెయిన్‌ క్లైంబర్‌లాంటి వాటికి అధిక ప్రాధాన్యం ఇవ్వాలి.