360 డిగ్రీల కోణంలో..

ఫొటోలు దిగకుండా యువతకి పూట గడవని కాలమిది. అందుకే ఫొటోగ్రఫీకి తెగ గిరాకీ. పెళ్లిళ్లు, పుట్టినరోజులు, వేడుకలను మధుర జ్ఞాపకాలుగా మార్చే ఈ ఛాయాచిత్రాలకు సంబంధించిన గ్యాడ్జెట్లు, యాక్సెసరీలకు డిమాండ్‌ ఎక్కువే. అయితే ఎంత ఖరీదైన కెమెరా, సెల్‌ఫోన్‌ వాడినా.. ఒక్కోసారి కొన్ని యాంగిల్స్‌ తీయడం వీడియోగ్రాఫర్లు, కెమెరామన్‌లకు అంత అనుకూలంగా ఉండదు. ట్రైపాడ్‌, మోనోపాడ్‌, టిల్ట్‌, స్లైడర్‌లాంటి వాటిని ఉపయోగించినా అనుకున్న కోణం రాదు. ఈ చిక్కులన్నింటికి చెక్‌ పెట్టేలా ఆధునిక టెక్నాలజీతో వచ్చింది The MIOPS 'CAP-SULE PRO' దీని ప్రత్యేకత ఏంటంటే.. ఈ టిల్ట్‌ యాక్సెసరీకి బిగించిన కెమెరా, స్మార్ట్‌ఫోన్‌ని 360 డిగ్రీల కోణంలో ఎటు కావాలంటే.. అటు తిప్పుకోవచ్చు. ఈ స్లైడర్‌ని ఎటు నుంచి ఎటైనా వంచుకొని బిగించుకోవచ్చు. మరెందుకు ఆలస్యం? ఈ పరికరాన్ని నచ్చిన నెచ్చెలికో.. స్నేహితుడికో కానుకగా ఇవ్వండి.