కడవలతో ఒడిసి పట్టాలి

పొదుపు, మదుపు, సంపాదన.. మంత్రాలు పటించే యువతకు అపర కుబేరుడు వారెన్‌ బఫెట్‌ పరిచయం అక్కర్లేదు. షేర్‌మార్కెట్‌లో పెట్టుబడులతోనే కోట్లకు పడగలెత్తారాయన. పలు సందర్భాల్లో ఆయన చెప్పిన విలువైన అనుభవ పాఠాలివి.

* నిజాయతీ అనేది వెలకట్టలేని బహుమానం. దీన్ని చౌకబారు వ్యక్తుల నుంచి ఆశించలేం.
* అవకాశాలు అరుదుగా వస్తుంటాయి. అవి బంగారు వర్షాన్ని కురిపించినప్పుడు చెంబులతో కాదు.. కడవలతో ఒడిసిపట్టాలి.
* ప్రపంచలో గొప్ప విజేతల విజయ రహస్యం ఏంటంటే.. వాళ్లు ఇష్టపడ్డ పనినే చేస్తుంటారు.
* విజయవంతమైన వ్యక్తులు, అత్యంత విజయవంతమైన వాళ్ల మధ్య తేడా ఒక్కటే. అత్యంత విజయవంతమైన వాళ్ల డిక్షనరీలో ‘నో’ అనే పదానికి తావుండదు.
* ప్రపంచంలో అత్యంత గొప్పదైన పెట్టుబడి మనమీద మనకు నమ్మకం, ఆత్మవిశ్వాసం.
* జీవితాంతం కూడబెట్టుకున్న కీర్తిసౌధాలు కూలిపోవడానికి ఐదు నిమిషాలు చాలు. ఇది గుర్తున్నన్నాళ్లూ తప్పు చేయాలనే ఆలోచనే
నీ ఊహల్లోకి రాదు.
* అసాధారణమైన ఫలితాలు దక్కాలంటే ప్రతి పనినీ అసాధారణంగా చేయాల్సిన పని లేదు.