ఆదిలాబాద్‌లో కాల్పుల కలకలం

ఆదిలాబాద్‌ (నేరవిభాగం): ఆదిలాబాద్‌లో కాల్పులు కలకలం రేపాయి. ఈ ఘటన పట్టణంలోని తాటిగూడలో చోటుచేసుకుంది. పాతకక్షలతో ఇరు వర్గాల మధ్య జరిగిన ఘర్షణ కాల్పులకు దారితీసింది. ఎంఐఎం జిల్లా అధ్యక్షుడు ఫరూక్‌ అహ్మద్‌.. ప్రత్యర్థి వర్గానికి చెందిన ఇద్దరిపై కాల్పులు జరపడంతో పాటు మరొకరిపై తల్వార్‌తో దాడి చేశారు. కాల్పుల ఘటనలో జమీర్‌, మోతేషాన్‌ గాయపడ్డారు. తల్వార్‌తో జరిపిన దాడిలో మన్నన్‌కు గాయాలయ్యాయి. క్షతగాత్రులను ఆదిలాబాద్‌ రిమ్స్‌కు తరలించారు. ప్రస్తుతం వారి పరిస్థితి నిలకడగా ఉంది. పోలీసులు ఘటనాస్థలానికి చేరుకుని విచారణ చేపట్టారు. కాల్పులు జరిపిన ఫరూక్‌ ప్రస్తుతం పరారీలో ఉన్నట్లు తెలుస్తోంది.