మాంచానమ్మ జాతర ప్రారంభం

కూనవరం, న్యూస్‌టుడే: పెదార్కూరు  ఆదివాసుల ఇలవేల్పు అయిన మాంచానమ్మ జాతర గురువారం ఘనంగా ప్రారంభమైంది. ఉదయం అమ్మవారిని అలంకరించిన తరవాత జాతర ప్రారంభించారు. పూజారి రామారావు ఆధ్వర్యంలో భక్తులు అమ్మ వారి ప్రతిమలతో శబరి నదిలో పుణ్య స్నానాలు ఆచరించి గద్దెపైకి చేర్చారు. జాతర మూడు రోజులపాటు జరుగుతుందని రామారావు చెప్పారు. పలు గ్రామాలు, పట్టణాల్లో ఉన్న ఉద్యోగులు జాతరకు తరలివచ్చారు.

బాబాకు ప్రత్యేక పూజలు

మోతుగూడెం, న్యూస్‌టుడే: మోతుగూడెం సద్గురు ప్రసన్న సాయిబాబా మందిరంలో గురువారం ప్రత్యేక పూజలు నిర్వహించారు. అర్చకులు నెమలి శ్రీనివాసరావు ఆధ్వర్యంలో బాబాకు ప్రత్యేక హారతి, పంచామృతాభిషేకాలు విశేష పూజలు జరిపించారు. స్థానికుడు దారబాబు దంపతులు బాబా అన్నదాన సత్రంలో మధ్యాహ్నం భక్తులకు అన్నసమారాధన ఏర్పాటు చేశారు.