తోయండి.. ఇది జగన్‌మొండి

న్యూస్‌టుడే, ఉరవకొండ: వైకాపా ఐదేళ్ల నిర్లక్ష్య పాలన.. ఉరవకొండ ఆర్టీసీ డిపో అధికారుల వైఖరి కారణంగా తరచూ బస్సులు నడి రోడ్డుపై ఆగిపోతున్నాయి. కళ్యాణదుర్గం నుంచి ఉరవకొండకు వస్తున్న పల్లె వెలుగు బస్సు పట్టణంలోని ప్రధాన రహదారిపై డిపో సమీపంలో గేర్లు పడక ఆగిపోయింది. ఎంత ప్రయత్నించినా కదల్లేదు. అందులోని ప్రయాణికులు దిగి వెళ్లిపోయారు. దివ్యాంగులు నడుచుకుంటూ వెళ్లడానికి ఇబ్బంది పడ్డారు. ఆర్టీసీ మెకానిక్‌లు, స్థానికులు బస్సును డిపో వరకు తోసుకుంటూ వెళ్లారు. తరచూ బస్సులు మొరాయిస్తుండటంతో ప్రయాణికులు అధికారుల తీరుపై అసహనం, ఆగ్రహం వ్యక్తం చేస్తున్నారు.