RK Roja: మంత్రి రోజా విందు రాజకీయాలు

పుత్తూరు: వైకాపా అధిష్ఠానం ఇప్పటివరకు నగరి అభ్యర్థిని తేల్చలేదు. మంత్రి రోజాకు సీటు ఇస్తే తాము పనిచేసే ప్రసక్తి లేదని అసమ్మతి వర్గం తేల్చి చెబుతోంది. మంత్రి రోజా.. ఎన్ని విమర్శలు వచ్చినా విందు రాజకీయాలు చేస్తున్నారు. ఇటీవల ఉపాధ్యాయినులకు తాయిళాల ఎర వేశారు. ఈ కార్యక్రమానికి రాకుంటే చర్యలు తీసుకుంటామని డీఈవో పేరిట వాట్సప్‌ సందేశాలు పంపడం చర్చనీయాంశమైంది. మంగళవారం పుత్తూరు మండలం సిరుగురాజుపాళెం పంచాయతీ పరిధిలోని మామిడి తోపులో ప్రతి పంచాయతీ నుంచి 150 మందిని పిలిచి విందు ఏర్పాటు చేశారు. ఆపై పంచె, షర్టు బిట్లు, టవళ్లు పంపిణీ చేశారు.