మిత్రమండలి కొత్త కార్యవర్గం ఎంపిక

సమావేశంలో మిత్ర మండలి ప్రతినిధులు

బ్రహ్మపుర నగరం, న్యూస్‌టుడే: బ్రహ్మపురలోని సుమారు 80 ఏళ్ల పురాతన ‘ఆంధ్ర విజ్ఞాన మిత్ర మండలి’ కొత్త కార్యవర్గం ఎంపిక సోమవారం రాత్రి జరిగింది. ఖస్పావీధిలో శ్రీవాసవీ కన్యకా పరమేశ్వరీ దేవస్థానం ఆవరణలోని మిత్ర మండలి పఠనాగారంలో పోలాకి శ్రీరామమూర్తి అధ్యక్షతన ఇది ఏర్పాటైంది. 2024-26 సంవత్సరాలకు మిత్ర మండలి నూతన అధ్యక్షునిగా ఎన్‌.సత్యనారాయణమూర్తి ఎంపికయ్యారు. ఉపాధ్యక్షునిగా ఆర్‌.శ్రీనివాస్‌, కార్యదర్శిగా కె.ఆనంద్‌ నరసింహ సుబుద్ధి, సంయుక్త కార్యదర్శిగా కానూరు గోపాలకృష్ణ, కోశాధికారిగా టి.శివప్రసాదరావు ఎంపికయ్యారు. నూతన కార్యవర్గాన్ని మిత్రమండలి ప్రతినిధులు అభినందించారు. సమావేశంలో తుర్లపాటి రాజేశ్వరి, పూడిపెద్ది సత్యనారాయణ (బాబు), కె.శివప్రసాద్‌ సుబుద్ధి, కె.కాశీవిశ్వనాథం సుబుద్ధి, జె.షణ్ముఖరావు, వి.బలరామరాజు, బి.శివప్రసాద్‌రావు తదితరులు పాల్గొని మాట్లాడారు.