Karnataka: దయలేని పుత్రుడు

తండ్రిని ఇంట్లో నుంచి బయటకు నెడుతున్న తనయుడు

రామనగర, న్యూస్‌టుడే : ఇంటిని తనపేరుమీద రాయలేదనే అక్కసుతో ఓ తనయుడు తన తండ్రిని ఇంటి నుంచి గెంటేసిన సంఘటన రామనగరకు సమీపంలోని సింగ్రాబోవిలో కన్నీరు తెప్పించిన అంకం. ఆలస్యంగా వెలుగులోకి వచ్చిన ఈ సంఘటనను స్థానికులు వీడియో తీయడంతో వైరల్‌గా మారింది. ఆర్టీసీలో డ్రైవర్‌గా పనిచేసే కుమార్‌ అనే వ్యక్తి తన పేరుతో ఇంటిని రాయలేదనే కోపంతో తండ్రిని నిత్యం సతాయించాడు. ఇటీవల అనారోగ్యంతో మంచానపడిన తండ్రిని బలవంతంగా బయటకు నెట్టాడు. ఆ వ్యక్తి దుశ్చర్యను స్థానికులు వీడియో తీశారు. బయటకు నెట్టేసిన సంఘటనకు సంబంధించి స్థానిక పోలీసు స్టేషన్‌లో ఫిర్యాదు కూడా అందింది. పోలీసులు జోక్యం చేసుకుని తనయుడిని మందలించడంతో.. విధిలేక తిరిగి తండ్రిని ఇంట్లోకి రానిచ్చాడని తెలిసింది.