చీరోచిత విన్యాసాలు
చీర కడితే ఒయ్యారంగా నడవాలి. ఎప్పటికప్పుడు సవరించుకుంటూ జాగ్రత్త పడాలి. కానీ హరియాణా అమ్మాయి పరుల్ అరోరా ఉంది చూశారూ! చీరతోనే అమాంతం గాల్లో పల్టీలు కొడుతుంది. విన్యాసాలతో కళ్లార్పకుండా చేస్తుంది. ఈ సాహసాలతోనే తనిప్పుడు...
ముంబయి: చీర కడితే ఒయ్యారంగా నడవాలి. ఎప్పటికప్పుడు సవరించుకుంటూ జాగ్రత్త పడాలి. కానీ హరియాణా అమ్మాయి పరుల్ అరోరా ఉంది చూశారూ! చీరతోనే అమాంతం గాల్లో పల్టీలు కొడుతుంది. విన్యాసాలతో కళ్లార్పకుండా చేస్తుంది. ఈ సాహసాలతోనే తనిప్పుడు ఆన్లైన్ సంచలనంగా మారింది. పరుల్ ఓ జిమ్నాస్ట్. సాధారణంగా జిమ్నాస్ట్లు ట్రాక్లోకి దిగేముందు సౌకర్యంగా ఉండేందుకు ఒంటికి అతుక్కుపోయే ట్రాక్ దుస్తులు ధరిస్తారు. కానీ దీనికి భిన్నంగా.. నిపుణుల మాటల్లో చెప్పాలంటే పరుల్ ప్రమాదకర విన్యాసాలు చేస్తోంది. అలాగని తను ఆషామాషీ అమ్మాయేం కాదు. జాతీయస్థాయిలో పదుల సంఖ్యలో బంగారు పతకాలు గెల్చుకున్న జిమ్నాస్ట్. ప్రస్తుతం చీర కట్టి.. ఫ్రంట్ ప్లిప్, బ్యాక్ఫ్లిప్, కార్ట్వీల్స్ విన్యాసాలు చేస్తూ సామాజిక మాధ్యమాల్లో హల్చల్ చేస్తోంది.
‘చీరతో ప్రమాదకరమైన విన్యాసాలు’ అని ఇన్స్టాగ్రామ్లో హ్యాష్ట్యాగ్తో ట్రెండింగ్లో ఉంటోంది. ‘మగువకి మరింత అందం తెచ్చే చీర అంటే నాకెంతో ఇష్టం. అలాగే నాకు ఇంత గుర్తింపు తీసుకొచ్చిన జిమ్నాస్టిక్స్ అన్నా. ఈ రెండింటిపై మమకారం చాటుకోవడానికే ఇలా చేస్తోన్నా’ అంటోంది తను. ఈ వీడియో, ఫొటోల్ని లక్షలమంది వీక్షించారు. చీరకట్టులో పరుల్ చేస్తున్న విన్యాసాల పట్ల బాలీవుడ్ నటీమణులు విద్యాబాలన్, రవీనా టాండన్ సైతం మనసు పారేసుకున్నారు. ఆమెపై ప్రశంసల వర్షం కురిపిస్తూ సామాజిక మాధ్యమాల వేదికగా పోస్టులు పెడుతున్నారు.
ఇదీ చదవండి
ఇండస్ట్రీలో నాకు పోటీ ఎవరో ఇన్నాళ్లకు తెలిసింది
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
క్రికెట్.. బేస్బాల్ గేమ్లా మారిపోతోంది: పంజాబ్ కెప్టెన్
-
అందాల పోటీల్లో తొలిసారి.. 60 ఏళ్ల ‘భామ’కు కిరీటం
-
అభిమానుల ప్రేమను పొందడం సులభం కాదు: సమంత
-
మా పార్టీ పుట్టుక సంచలనం.. దారి పొడవునా రాజీలేని రణం: కేటీఆర్
-
కిందపడేసి, మోకాలితో అదిమిపెట్టి.. అమెరికాలో పోలీసుల కర్కశత్వం
-
సునీల్ నరైన్కు థ్యాంక్స్.. శశాంక్ ఓ అద్భుతం: బెయిర్స్టో