Brahmanandam: నా జీవితంలో అదొక అందమైన అధ్యాయం!
నవ్వులు పంచే నటులు చాలా మందే. ఆ నవ్వుకి సైతం గిలిగింతలు పెట్టగల సమర్థుడు... బ్రహ్మానందం. తనదైన ముఖ కవళిక ఒక్కటి చాలు... ప్రేక్షకుడు కడుపుబ్బా నవ్వుకోవడానికి! ఒక్క పంచ్ చాలు... సన్నివేశం పండడానికి!
నవ్వులు పంచే నటులు చాలా మందే. ఆ నవ్వుకి సైతం గిలిగింతలు పెట్టగల సమర్థుడు... బ్రహ్మానందం. తనదైన ముఖ కవళిక ఒక్కటి చాలు... ప్రేక్షకుడు కడుపుబ్బా నవ్వుకోవడానికి! ఒక్క పంచ్ చాలు... సన్నివేశం పండడానికి! అధ్యాపక జీవితం నుంచి సినీ రంగంలోకి అడుగుపెట్టిన ఆయనలో నటుడే కాదు... మంచి చిత్రకారుడు, సాహిత్యాభిమానీ ఉన్నారు. నాస్తికత్వం... ఆస్తికత్వం మేళవింపుతో జీవితాన్ని చూసే అలవాటున్న బ్రహ్మానందం ఆ కోణంలోనే తన ఆత్మకథని రాశారు. ‘నేను... మీ బ్రహ్మానందమ్’ అంటూ! ఈ సందర్భంగా బ్రహ్మానందంతో ‘ఈనాడు సినిమా’ ప్రత్యేకంగా ముచ్చటించింది.
‘‘తరాన్ని గౌరవించడం నేర్చుకోవాలి. మనం ఉన్నప్పటి తరమే గొప్పదనుకుంటూ బతుకుతున్న మానవాళి ఎక్కువ. అది కాదు కావల్సింది, కాలం కొద్దీ మనం మారుతూ ఉండాలి. నూతనత్వాన్ని అంగీకరించాలి. నువ్వు ఆ పని చేయకపోయినా కాలం ఆగదు, మార్పు ఆగదు. ప్రపంచం అరచేతుల్లోకి వచ్చాక కూడా... ఈ మార్పులు కాదు, కూడదు అనుకోకూడదు. వాటితోపాటు మనం ప్రయాణం చేయాలి’’.
‘‘నేను చాలా గొప్పవాణ్ని, భయంకరమైన ప్రతిభ ఉంది కాబట్టే నేను ఇప్పటికీ ట్రెండింగ్లో ఉన్నానని అనుకోవడం అజ్ఞానం. వందల, వేల మంది నటులు ఒక చోట కలిసున్నప్పుడు ఒకొక్కరిపై ఒక్కోసారి సినిమా ఫోకస్ లైట్ పడుతుంటుంది. ఆ లైట్ పడిన కాసేపు నా అంతటివాడు మరొకడు లేడనిపించేలా తళుక్ తళుక్మని మెరిసిపోతుంటాడు. అప్పుడు చాలా మంది నేను నిజంగా గొప్పవాణ్ని అని భ్రమలో పడి బతుకుతుంటారు. నాపై కూడా ఫోకస్ లైట్ పడింది. అయితే ఆ లైట్ నాపై వేసి అతను టీ తాగడానికి వెళ్లాడేమో, కాసేపు ఎక్కువ సమయం ఉండిపోయింది. అంతే తప్ప నాకు ముందు కానీ, నా తర్వాత కానీ ప్రతిభావంతులు లేరని కాదు అర్థం. బ్రహ్మానందం అంటే ఖరీదైన వ్యవహారం, ఆయన పారితోషికం ఎక్కువ అనే అభిప్రాయాలతో కొత్తతరం ఉంది. నాకు ఇంత పేరు రావడానికి కారణమయ్యారు దర్శకులు. ఈ నా జీవితం వాళ్లకీ ఉపయోగపడాలి కదా. అందుకే కొత్తతరం దర్శకులకు అందుబాటులో ఉంటూ సినిమాలు చేస్తున్నా’’.
ఆత్మకథకి ‘నేను...’ అనే పేరు పెట్టడానికి కారణం?
ఇది నేను, నా జీవితం అని తెలియడంతోపాటు... అందులో తాత్వికత కూడా స్పురించాలన్న ఆలోచనతో పెట్టిన పేరే అది. నేనెవరిని అని తెలుసుకోవడం గురించే కదా రమణ మహర్షి చెప్పింది. నాదైన జీవితం నుంచి వచ్చింది కూడా కావడంతో నా ఆత్మకథకి ‘నేను...మీ బ్రహ్మానందమ్’ అని పేరు పెట్టా.
ఆత్మకథ రాయడానికి సరైన సమయం ఇదే అనిపించిందా? లేక ఇతరత్రా కారణాలేమైనా మిమ్మల్ని ప్రేరేపించాయా?
నేను సెల్ఫ్ ఎడిటింగ్ ఉన్న మనిషిని. నా గురించి నేను గొప్పగా ఆలోచించుకోవడం కంటే... నన్ను నేను పొగుడుకోవడంకంటే విమర్శించుకోవడమే ఎక్కువ. వచ్చి పది సినిమాలు చేయగానే ఆత్మకథ మొదలు పెట్టామనుకోండి. ఇతనికి ఏం ఆత్మ ఉందని, దానికి ఏం కథ ఉందని అప్పుడే మొదలుపెట్టాడని అనుకుంటారు. నటుడిగా ఇంత సుదీర్ఘమైన ప్రయాణం ఉన్నప్పుడే నా ప్రయాణంలోని అనుభవాల్ని చెప్పడానికి ఆస్కారం లభిస్తుంది. ఇది రాయడం మొదలుపెట్టాకే రెండేళ్లు సమయం తీసుకుంది. ప్రస్తుతం జరుగుతున్న విషయాలపై రాయడం కాదు కదా, ఇంచుమించు 70 ఏళ్లు వెనక్కి వెళ్లి రాయల్సి వచ్చింది.
ఆత్మకథలనగానే జీవితంలోని ఎత్తు పల్లాలు... వివాదాలు, సంచలనాలు గుర్తొస్తుంటాయి. మీరూ వాటిని స్పృశించారా?
నా ఆత్మకథ వైవిధ్యంగా ఉండాలనేది నా కోరిక. ఏదో ఒక సంచలన విషయాన్నో లేదంటే వివాదాన్నో స్పృశించి... దాంతో పుస్తకానికి ఓ భావోద్వేగాన్ని ఆపాదించి సొమ్ము చేసుకోవాలనే ఆలోచనతో రాసింది కాదు. దేవుడి దయవల్ల అన్ని రకాలుగా ఆనందంగా ఉన్నాను. నా ఈ జీవితం నుంచి తర్వాత తరం ఏం తెలుసుకుంటుంది? వాళ్లకి ఎలా ఉపయోగపడుతుందనే కోణంలోనే ఆలోచించి రాశా. నేనే గొప్పవాణ్ని అని కొంతమంది అనుకుంటారు. అదేమీ కాదు, అంతా ఆ దేవుడి దయ అని మరికొంతమంది అనుకుంటారు. మరి ఇందులో నా కోణం ఏది? నా కష్టం.. దానికి భగవంతుడి సాయం తోడైతేనే పరిపూర్ణమైన ప్రతిఫలం అని నమ్ముతాను. ఇలాంటి ఆలోచనలతోపాటు... మరెన్నో విషయాలు ఇందులో ఉంటాయి.
మీలోని తాత్విక ఆలోచనల ప్రభావమే ఈ పుస్తకంపై ఎక్కువ ఉన్నట్టుంది?
తాత్వికత, వేదాంతం అని రకరకాల అభిప్రాయాలు వస్తుంటాయి. నా దృష్టిలో వేదాంతం అనేది, నిజం అనేది వేర్వేరు కాదు. ‘అతను రాత్రి 1 గంట వరకూ మాతోనే కూర్చున్నాడు. సరదాగా మాట్లాడుకున్నాం. ఉన్నట్టుండి ఇంటికి పయనమయ్యాడు. వద్దురా ఈ సమయంలో అన్నా వినలేదు. ప్రమాదం జరిగింది, పోయాడు’ అంటాం. ఇక్కడ అతను రాత్రి 1 గంట వరకూ ఉండటం నిజం, సరదాగా మాట్లాడటం నిజం. ప్రమాదంలో చనిపోవడమూ నిజమే. చివర్లో ఆ ఘటనకి వేదాంతం అద్ది ‘అతని కర్మ అలా ఉంది. అతనికి మృత్యువు అలా దగ్గరైంది, లేకపోతే అప్పటిదాకా మాతో ఉండటం ఏమిటి? వద్దన్నా వినకుండా వెళ్లడమేమిటి’ అంటూ ఉంటాం. మరిక్కడ వేదాంతం ఉందా? నిజం ఉందా? రెండూ కలిసే ఉంటాయి. వేదాంతం కావల్సినవాళ్లు దాన్ని తీసుకుంటారు. నిజం తీసుకోవల్సినవాడు నిజాన్ని తీసుకుంటాడు. నాస్తికుడిగా ఉండాలనుకున్నప్పుడు అలాగే ఉంటాడు. తాను ఆస్తికత్వాన్ని నమ్ముతాననుకుంటే అలానే మాట్లాడతాడు. అందరూ మనుషులే అనే భావనే ఈ పుస్తకంలో ఉంటుంది. అదెక్కువ, ఇది తక్కువ అని కాకుండా నా జీవితంలో ఏది ఉంటే అది రాశా. అందుకే నా పుస్తకంలో అన్నీ ఉండవు, అంతా ఉంటుందని చెబుతున్నా.
ఈ పుస్తకం రాస్తున్నప్పుడు వ్యక్తిగతంగా మిమ్మల్ని ఎక్కువ ప్రభావితం చేసిన అంశాలేమిటి?
ధనవంతుడు ఎవడో... పేదవాడు ఎవడో తెలియని వయసు ఒకటి ఉంటుంది. అదే... బాల్యం. పక్కనోడికి ఉన్నాయి, నాకు లేవు... తను మంచి డ్రెస్ వేసుకున్నాడు, నాకు లేదనే తారతమ్యాల గురించి పూర్తిగా స్పృహ లేని దశ ఒకటి ఉంటుంది. నా జీవితంలో అదొక అందమైన అధ్యాయం. దాన్ని నేను చాలా ఇష్టపడతాను. ఆ ఘట్టాన్ని మరోసారి గుర్తు చేసుకున్నప్పుడు... అది అక్షరబద్ధమైనప్పుడు తెలియని అనుభూతి కలిగింది.
మీ జీవితం ఆధారంగా మరికొన్ని పుస్తకాలు కూడా వస్తున్నాయని తెలిసింది? ఆ వివరాలు చెబుతారా?
బ్రహ్మానందం ఫొటో బయోగ్రఫీ అని ఒక పుస్తకం వస్తుంది. సంజయ్ కిశోర్ రాస్తున్నారు. అందులో నేను వేసిన బొమ్మలు, చిత్రలేఖనం అభిరుచి ప్రస్తావన కూడా ఉంటుంది. నా సినిమా జీవితానికి సంబంధించిన విశ్లేషణని ఓ పుస్తకంగా రాస్తున్నారు శ్రీకాంత్ కుమార్. ఏ ఏ సినిమాల్లో ఎలా నటించాననే విషయాలు అందులో ఉంటాయి. ఇక వివాదాలు అంటున్నారు కదా, పేర్లు ఉచ్ఛరించకుండా అది కూడా అందరికీ ఉపయోగపడేలా అందమైన రీతిలో ఓ పుస్తకం రాద్దామనే ఆలోచన ఉంది. అందులో చిన్నప్పుడు పడిన అవమానాలు మొదలుకొని నాపైన అభిమానం, పొగడ్తలు, తెగడ్తలు అన్నీ ఉంటాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఎవరినీ కించపరచడం మా ఉద్దేశం కాదు.. ‘డబుల్ ఇస్మార్ట్’ పాటపై మణిశర్మ క్లారిటీ
‘డబుల్ ఇస్మార్ట్’ పాట వివాదంపై సంగీత దర్శకుడు మణిశర్మ క్లారిటీ ఇచ్చారు. అందులో వాడిన లిరిక్స్ ఎవరినీ కించపరచడం కోసం కాదన్నారు. -
ధనుష్ చేయాలనుకున్న పాత్రలో నేను నటించా!
‘‘నేను హీరోనా? లేక విలన్గా కనిపిస్తానా అనే విషయాల్ని పక్కనపెడితే... నటన పరంగా ‘రాయన్’ నా కెరీర్లో గుర్తుండిపోయే చిత్రం అవుతుంది’’ అంటున్నారు సందీప్కిషన్. -
ఆ షాక్ నుంచి బయటకు రావడానికి మూడు రోజులు పట్టింది: కృష్ణవంశీ
ఈటీవీ ‘నా ఉచ్ఛ్వాసం కవనం’ కార్యక్రమానికి దర్శకుడు కృష్ణవంశీ అతిథిగా హాజరయ్యారు. సిరివెన్నెల సీతారామశాస్త్రితో ఉన్న అనుబంధాన్ని గుర్తుచేసుకొని భావోద్వేగానికి గురయ్యారు. -
పవన్ కల్యాణ్పై ప్రశ్న.. ఇలాంటివి అడగొద్దన్న నిహారిక
తన సమర్పణలో రానున్న ‘కమిటీ కుర్రాళ్లు’ సినిమా ప్రచారంలో బిజీగా ఉన్నారు నిహారిక. తాజాగా పాల్గొన్న ఓ ఇంటర్వ్యూలో పవన్ కల్యాణ్ గురించి ప్రత్యేకంగా మాట్లాడారు. -
‘నిన్నెవరన్నా సినిమా తీయమని బతిమలాడారా’ అంటూ తిట్టారు: కృష్ణవంశీ
క్రియేటివ్ డైరెక్టర్ కృష్ణ వంశీ (Krishna Vamsi) ఈటీవీ ‘నా ఉచ్ఛ్వాసం కవనం’ (Naa Uchvasanam Kavanam) ద్వారా తాను తండ్రిగా భావించే సిరివెన్నెల సీతారామశాస్త్రికి సంబంధించిన ఎన్నో అనుభవాలనుపంచుకున్నారు. -
యాస్కీన్ పాత్ర ‘కల్కి: పార్ట్-2’లో అదిరిపోతుంది: కమల్హాసన్
Kalki 2898 AD: కల్కిలో యాస్కీన్ పాత్ర గురించి కమల్హాసన్ తన అభిప్రాయాన్ని పంచుకున్నారు. -
నా ఫ్లాప్లు వాళ్లు ఎంజాయ్ చేస్తున్నారు: స్టార్ హీరో
ఇండస్ట్రీలో ఒకరిపై ఒకరు బురద జల్లుకోవడం సాధారణమైపోయిందని స్టార్ హీరో అక్షయ్ కుమార్ విచారం వ్యక్తం చేశారు -
ఆఫీస్ బాయ్ అనుకొని టీ తీసుకురమ్మన్నారు..: కృష్ణవంశీ
గేయ రచయిత సిరివెన్నెల సీతారామశాస్త్రి (sirivennela sitarama sastry) ని చాలా ఎక్కువగా అనుసరించే వాడినని దర్శకుడు కృష్ణవంశీ (Krishna vamsi) అన్నారు. ఆయనతో ఉన్న అనుబంధాన్ని పంచుకున్నారు. -
అందుకే ‘భారతీయుడు’ సీక్వెల్ రెండు భాగాలు: శంకర్
‘భారతీయుడు 2’ ఈ నెల 12న విడుదల కానుంది. ఈ సందర్భంగా హైదరాబాద్లో నిర్వహించిన ప్రెస్మీట్లో టీమ్ పాల్గొని, సందడి చేసింది. -
‘కల్కి’లో కృష్ణుడిగా మహేశ్బాబు: నాగ్ అశ్విన్ సమాధానమేంటంటే?
‘కల్కి 2898 ఏడీ’ దర్శకుడు నాగ్ అశ్విన్ మీడియాతో ముచ్చటించారు. ఆ సినిమా గురించి పలు ఆసక్తికర విశేషాలు పంచుకున్నారు. -
ప్రభాస్ పాత్రపై ఫ్యాన్స్ అసంతృప్తి: అశ్వనీదత్ సమాధానమేంటంటే?
‘కల్కి 2898 ఏడీ’తో మంచి విజయాన్ని అందుకున్నారు ప్రముఖ నిర్మాత అశ్వనీదత్. ఓ ఇంటర్వ్యూలో పాల్గొని పలు ఆసక్తికర విశేషాలు పంచుకున్నారు. -
‘జేమ్స్ బాండ్’ తరహా సినిమాలతో పాటు ఇలాంటివీ తీస్తాను.. ఫ్యూచర్ ప్రాజెక్ట్స్పై శంకర్ కామెంట్స్
‘భారతీయుడు 2’ ప్రమోషన్లో భాగంగా శంకర్ అభిమానులతో ముచ్చటించారు. వారి ప్రశ్నలకు ఆసక్తికర సమాధానాలు చెప్పారు. -
‘నేనున్నాను’ హిట్ కావడానికి అదే కారణం: నాగార్జున
గేయ రచయిత సిరివెన్నెల సీతారామశాస్త్రి అంటే తనకెంతో ఇష్టమని నాగార్జున అన్నారు. ఆయనతో ఉన్న అనుబంధాన్ని పంచుకున్నారు. -
‘కల్కి’ పార్ట్-2 రిలీజ్ ఎప్పుడంటే? ఆసక్తికర విషయాలు చెప్పిన అశ్వనీదత్
kalki part 2 release date: ప్రభాస్, నాగ్ అశ్విన్ కాంబినేషన్లో వచ్చిన ‘కల్కి 2898 ఏడీ’ సినిమా విజయపథంలో దూసుకుపోతోంది. ఈసందర్భంగా నిర్మాత అశ్వనీదత్ ఆసక్తికర విషయాలను పంచుకున్నారు. -
కావాలనే అప్పుడు రెమ్యూనరేషన్ పెంచాను: కమల్ హాసన్
‘భారతీయుడు’లో తాను భాగం కావాలని అనుకోలేదని కమల్ హాసన్ చెప్పారు. తాజాగా ‘భారతీయుడు 2’ మూవీ టీమ్ మీడియాతో ముచ్చటించింది. -
ఆయన్ని చూస్తే అసూయగా ఉండేది: నాగార్జున
గేయ రచయిత సిరివెన్నెల సీతారామశాస్త్రితో ఉన్న అనుబంధాన్ని అగ్ర కథానాయకుడు నాగార్జున గుర్తుచేసుకున్నారు. -
ప్రభాస్ అభిమానులు నన్ను క్షమించాలి: అమితాబ్ బచ్చన్
తాజాగా ‘కల్కి’ చిత్రబృందం ఓ ఇంటర్వ్యూలో పాల్గొంది. ఇందులో అమితాబ్ మాట్లాడుతూ ప్రభాస్ అభిమానులు తనని క్షమించాలని కోరారు. ఎందుకంటే.. -
నువ్వలా చేస్తే.. అమితాబ్ నేనూ చేస్తానన్నారు: ప్రభాస్
ప్రభాస్ హీరోగా తెరకెక్కిన సైన్స్ ఫిక్షన్ మూవీ ‘కల్కి 2898 ఏడీ’. ఈ సినిమా ప్రీ రిలీజ్ ఈవెంట్ ముంబయిలో జరిగింది. -
‘పుష్ప 2’ని తిరస్కరించారా?: విజయ్ సేతుపతి సమాధానమేంటంటే
విజయ్ సేతుపతి 50వ చిత్రం ‘మహారాజ’. ఈ నెల 14న విడుదలైంది. ‘థ్యాంక్ యూ మీట్’లో పాల్గొన్న సేతుపతికి ‘పుష్ప 2’పై ప్రశ్న ఎదురవగా స్పందించారు. -
‘కన్నప్ప’ను కృష్ణంరాజు ప్రభాస్తో చేద్దామనుకున్నారు.. కానీ: మోహన్బాబు
మంచు విష్ణు నటిస్తోన్న ‘కన్నప్ప’ టీజర్ తాజాగా విడుదలైంది. ఈసందర్భంగా మీడియాతో టీమ్ ముచ్చటించింది. -
నటుడిగా నేనెప్పుడూ ఫెయిల్ కాలేదు!
జయాపజయాలతో సంబంధం లేకుండా వైవిధ్యభరితమైన కథలతో ప్రయాణం చేస్తూ వస్తున్నారు కథానాయకుడు సుధీర్బాబు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఐఫోన్ ప్రియులకు గుడ్న్యూస్.. ధరలు తగ్గించిన యాపిల్
-
అది తినకపోతే షమీ బౌలింగ్ వేగం 15Kmphకు తగ్గుతుందట..!
-
ధరణి సమస్యలకు శాశ్వత పరిష్కారం చూపాలి: సీఎం రేవంత్రెడ్డి
-
కొత్తింటికి రాహుల్ గాంధీ.. ఆఫర్ చేసిన హౌస్ కమిటీ!
-
ఎల్ఆర్ఎస్ అమలుకు కొత్త జిల్లాల వారీగా ప్రత్యేక బృందాలు: డిప్యూటీ సీఎం భట్టి
-
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి