Venkatesh: అది తెలిసుంటే.. అందరికీ చెప్పేవాణ్ని
‘‘సంక్రాంతి పండగ సందర్భంగా నా సినిమాలు చాలానే వచ్చాయి. కొన్ని ఆడాయి, కొన్ని ఆడలేదు. ఇది మరో సంక్రాంతి. ఈసారి నాలుగు సినిమాలు వస్తున్నాయి. అన్నీ బాగా ఆడతాయి’’ అన్నారు అగ్ర కథానాయకుడు వెంకటేశ్. ‘సైంధవ్’తో మరోసారి ఆయన సంక్రాంతి బరిలో నిలిచారు. వెంకీ కెరీర్లో ఇదొక మైలురాయిలాంటి 75వ చిత్రం.
‘‘సంక్రాంతి పండగ సందర్భంగా నా సినిమాలు చాలానే వచ్చాయి. కొన్ని ఆడాయి, కొన్ని ఆడలేదు. ఇది మరో సంక్రాంతి. ఈసారి నాలుగు సినిమాలు వస్తున్నాయి. అన్నీ బాగా ఆడతాయి’’ అన్నారు అగ్ర కథానాయకుడు వెంకటేశ్. ‘సైంధవ్’తో మరోసారి ఆయన సంక్రాంతి బరిలో నిలిచారు. వెంకీ కెరీర్లో ఇదొక మైలురాయిలాంటి 75వ చిత్రం. సంక్రాంతి పండగని పురస్కరించుకుని ఈ చిత్రం శనివారం ప్రేక్షకుల ముందుకొస్తోంది. ఈ సందర్భంగా వెంకటేశ్ గురువారం హైదరాబాద్లో విలేకర్లతో ముచ్చటించారు. ‘ఒక్కసారి నవ్వండి... అది మీపై ఎంతో ప్రభావం చూపిస్తుంది’ అంటూ ఎప్పట్లాగే అందరినీ నవ్విస్తూ ఆయన చెప్పిన విషయాలివీ...
‘సైంధవ్’ మీకు 75వ సినిమా. ఈ విషయానికి మీరు ఏ మేరకు ప్రాధాన్యం ఇచ్చారు?
బయట నుంచి చూసేవాళ్లకే ఆ లెక్కలు తప్ప, నేనెప్పుడూ సినిమాల్ని అలా చూడను. సంఖ్య అనేది నాకు మాత్రమే ప్రత్యేకం కాదు కదా. ప్రతి ఒక్కరి కెరీర్లోనూ అది సాధారణమే. అందుకే ఇది 50, ఇది 75 అని మైలురాళ్లతో ముడిపెట్టి నేనెప్పుడూ సినిమాలు చేయలేదు. 75 మాత్రమే కాదు కదా, ఇంకా చాలా దూరం ప్రయాణించాలి. అలా ప్రవాహంలా పనిచేసుకుంటూ వచ్చానంతే.
ఈసారి యాక్షన్ కథతో సినిమా చేయాలని ముందే అనుకున్నారా, లేక సహజంగానే ఈ సినిమాకి అలాంటి కథ కుదిరిందా?
సహజంగా కుదిరిందే. ఈ దశలో ఇలాంటి కథ చేయాలని నేనెప్పుడూ ప్రణాళికలు వేసుకోలేదు. ‘బొబ్బిలిరాజా’ చిత్రీకరణ సమయంలో గాయాలు తగిలితే, ఆ సినిమా తర్వాత నుంచి కొన్నాళ్లపాటు మహిళలకి నచ్చేలా కుటుంబ కథలు చేశా. మళ్లీ కొన్నాళ్ల తర్వాత యాక్షన్ కథలు చేశా. అంతే తప్ప కథలు ఎప్పుడూ మన నియంత్రణలో ఉండవు. నమ్మకంతో పని చేయడానికి సిద్ధంగా ఉంటే, ఆ సమయంలో మంచిది ఏదో ఒకటి వస్తుంది. అది వచ్చినప్పుడు మన ప్రయత్నలోపం లేకుండా శక్తినంతా ధారబోయాలి.
శైలేశ్ కథ చెప్పాక... మీరెలాంటి మార్పుల్ని సూచించారు?
నేనెప్పుడూ ఓ సహాయ దర్శకుడిలా మెలుగుతా. స్క్రిప్ట్ పరంగా చర్చించుకుంటూ, నాకు తోచినవి చెబుతూ మెరుగులు దిద్దుకుంటూ పనిచేస్తుంటాం. అంతిమంగా దర్శకత్వం అనేది తన పని, నటించడం నా పని. ఒక్కసారి అన్నీ కుదిరాయంటే నా పనిని నేను ఆస్వాదిస్తూ ప్రయాణం చేస్తుంటా.
ఈ సినిమాకి ముందు చాలా రోజులపాటు కథలు విన్నారు. ‘సైంధవ్’ ఎలా సెట్ అయ్యింది?
అదంతా కూడా ప్రయాణంలో భాగమే. సమయం అనేది మన చేతుల్లో ఉండదు. కొన్నిసార్లు అప్పటికప్పుడు సినిమా కుదురుతుంది, కొన్నిసార్లేమో ఏడాది ఖాళీగా కూర్చున్నా కథలేమీ రావు. అందుకే ఏడాదికి ఇన్ని సినిమాలు చేయాలనే లెక్కల్ని నేనెప్పుడూ వేసుకోలేదు. ఒక సినిమా ఎన్నో రకాలుగా సెట్ అవుతూ ఉంటుంది. ఇక్కడి నుంచి వెళుతున్నప్పుడే ఎవరో ఒకరు ఉన్నట్టుండి కథ చెబుతానని పిలవొచ్చు. ఆ సమయంలో నాకు వినాలనే ఆసక్తి కలగొచ్చు, విన్నాక బాగుందని ఓకే చేయొచ్చు. కొన్నిసార్లు నా దగ్గరికి వచ్చిన కథ కూడా మరొకరి దగ్గరికి వెళ్లొచ్చు. ఇవన్నీ జీవితంలో సంఘటనలు. శైలేశ్ ఓ కొత్త రకమైన కథతో వచ్చాడు. తను చెప్పగానే చేయాలనే ఆసక్తి కలిగింది. నిర్మాత వెంకట్ బోయనపల్లికి నాతో సినిమా చేయాలని ఎప్పట్నుంచో ఉందట. అలా అన్నీ ఈ సినిమాకి కుదిరాయి.
యాక్షన్ ప్రధానంగా సాగే కథలు ఇదివరకు చాలా చేశారు. వాటికీ, ‘సైంధవ్’కీ మధ్య మీరు గమనించిన వ్యత్యాసమేమిటి?
ఇది పూర్తి భిన్నం. చంద్రప్రస్థ అనే ఓ కల్పిత నగరం చుట్టూ సాగుతుంది. ఈ నేపథ్యమే నాకు కొత్త. కథాంశం, కొత్తతరం యాక్షన్, కూతురి సెంటిమెంట్... ఇలా చాలా ఆకర్షణలు ఉంటాయి. కథా గమనం, వేగం, కథ నుంచి ఎక్కడా బయటికి రాకుండా సినిమాని నడిపించిన తీరు...ఇవన్నీ కలిసొచ్చే విషయాలు. శైలేశ్ కొలను బలమైన భావోద్వేగాలతో పతాక సన్నివేశాల్ని డిజైన్ చేశాడు. చిన్న పిల్లలతో కలిసి నటించడం నాకు మొదట్నుంచీ అలవాటే. వాళ్లు నాతో సరదాగా ఉంటారు. బేబి సారా చాలా బాగా నటించింది. నవాజుద్దీన్ సిద్ధిఖీ, ఆర్య, శ్రద్ధా శ్రీనాథ్, రుహానీ, ఆండ్రియా... ఇలా
అందరి పాత్రలూ ఆస్వాదించేలా ఉంటాయి.
కథానాయకుడిగా మీదైన శైలిలో మీరు ప్రయాణం చేస్తుంటారు. బయట నుంచి వచ్చే అభిప్రాయాల్ని మీరు ఏ మేరకు పరిగణనలోకి తీసుకుంటుంటారు?
విస్మరించను కానీ, వాటిని ఎప్పుడు ఏ మేరకు స్వీకరించాలనేది మాత్రం నా చేతుల్లోనే ఉంటుంది. పది మంది పది రకాల అభిప్రాయాలు చెబుతుంటారు. వాటి గురించి ఆలోచించడం కంటే, చేస్తున్న పని విషయంలో నిజాయతీగా ఉండటం ముఖ్యం. ఒక అభిప్రాయం నన్ను నిరాశ పరిచేలా, నాపై ప్రతికూల ప్రభావం చూపించేలా ఉండకూడదు కదా? ఒకప్పుడు రీమేక్లు చేయవద్దని సలహా ఇచ్చేవాళ్లు. ‘పవిత్రబంధం’, ‘పెళ్ళి చేసుకుందాం’ తరహా సినిమాలు చేస్తున్నప్పుడు అందరూ షాక్ అయ్యారు. ఇది ఆడదని కానీ, ఇవే ఆడతాయని కానీ ఎవ్వరం చెప్పలేం. కొన్నిసార్లు ఎన్ని జాగ్రత్తలు తీసుకున్నా తప్పులు జరిగిపోతుంటాయి. మరి ఇది తప్పు, ఇది కాదు అని ఎలా చెప్పగలం?
వివాదాలకు దూరంగా ఇంత సుదీర్ఘమైన ప్రయాణం చేశారు. ఇదెలా సాధ్యమైంది?
నిజంగా అది తెలిసుంటే అందరికీ చెప్పేవాణ్ని (నవ్వుతూ). చిన్నప్పటి నుంచీ ఎవరికీ అసౌకర్యం కలిగించకూడదనే ఓ మనస్తత్వం నాది. స్కూల్, కాలేజీలో కూడా ఇలాగే ఉండేవాడిని. ఇప్పుడూ అంతే.
మీరూ, నాని కలిసి సినిమా చేస్తారనే ఓ ప్రచారం సాగుతోంది నిజమేనా?
అన్నీ చేసేద్దాం (నవ్వుతూ).
తదుపరి మీరు చేయనున్న సినిమా వివరాలేమిటి? ‘స్వామి వివేకానంద’ బయోపిక్ ఎంతవరకు వచ్చింది?
రెండు మూడు కథలు ఉన్నాయి. ఇంకా వాటిపై నిర్ణయం తీసుకోలేదు. ‘స్వామి వివేకానంద’ స్క్రిప్ట్ ఒక స్థాయి వరకూ వచ్చింది కానీ, ముందుకు కదల్లేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఓటీటీలోకి హారర్ థ్రిల్లర్.. స్ట్రీమింగ్ ఎప్పుడంటే
మాధవన్ నెగెటివ్ షేడ్స్లో నటించిన ‘షైతాన్’ ఓటీటీలోకి రానుంది. -
నిర్మాతలే కావాలని రూమర్స్ సృష్టించేవారు.. : సోనాలి బింద్రే
ఇప్పటితో పోలిస్తే తాను ఇండస్ట్రీకి వచ్చిన తొలినాళ్లలో పరిస్థితులు భిన్నంగా ఉండేవని నటి సోనాలి బింద్రే అన్నారు. -
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?
sabari movie review in telugu: వరలక్ష్మీ శరత్కుమార్, గణేశ్ వెంట్రామన్ కీలక పాత్రల్లో నటించిన ‘శబరి’ మెప్పించిందా? -
రివ్యూ: ప్రసన్నవదనం.. సుహాస్ ఖాతాలో హిట్ పడిందా?
సుహాస్ కీలక పాత్రలో ఫేస్ బ్లైండ్నెస్ కాన్సెప్ట్తో రూపొందిన థ్రిల్లర్ మూవీ ఎలా ఉంది. -
సెట్లోకి అప్పుడే!
‘ఆర్ఆర్ఆర్’ చిత్రంతో అంతర్జాతీయ స్థాయిలో గుర్తింపు తెచ్చుకున్నారు దర్శకుడు ఎస్.ఎస్.రాజమౌళి. ఆయన తదుపరి సినిమా మహేశ్బాబుతో చేయనున్న సంగతి తెలిసిందే. దీన్ని కె.ఎల్.నారాయణ నిర్మిస్తున్నారు. -
లెక్కలు సరిచేసే రక్షకుడు
పవన్ కల్యాణ్ కథానాయకుడిగా నటిస్తున్న చిత్రాల్లో ‘హరి హర వీరమల్లు’ ఒకటి. క్రిష్ జాగర్లమూడి దర్శకత్వంలో పట్టాలెక్కిన ఈ పాన్ ఇండియా సినిమా కొన్నేళ్లుగా చిత్రీకరణ దశలోనే ఉంది. -
‘కుబేర’లో నాగ్ ఇలా!
నాగార్జున, ధనుష్ ప్రధాన పాత్రల్లో శేఖర్ కమ్ముల తెరకెక్కిస్తోన్న చిత్రం ‘కుబేర’. సునీల్ నారంగ్, పుస్కుర్ రామ్ మోహన్రావు నిర్మిస్తున్నారు. గురువారం ఈ చిత్రంలో నాగార్జునకు సంబంధించిన ఫస్ట్లుక్ వీడియోని విడుదల చేసింది చిత్రబృందం. -
మండు వేసవిలో హాయిగా నవ్వించే చిత్రం
‘‘పెళ్లి పేరుతో జరుగుతున్న మోసాల్ని అందరికీ తెలియజేయాలనే మంచి ఉద్దేశంతో తీసిన చిత్రం ‘ఆ.. ఒక్కటీ అడక్కు’. ఆద్యంతం వినోదాత్మకంగా ఉంటుంది’’ అన్నారు అల్లరి నరేశ్. ఆయన హీరోగా నటించిన ఈ సినిమాని మల్లి అంకం తెరకెక్కించారు. -
‘హౌస్ఫుల్ 5’.. ‘జాలీ ఎల్ఎల్బీ 3’
‘బడేమియా ఛోటేమియా’తో ఇటీవలే ప్రేక్షకులను పలకరించిన బాలీవుడ్ కథానాయకుడు అక్షయ్ కుమార్.. ప్రస్తుతం వరుస సినిమాలతో బిజీగా గడుపుతున్నారు. ఆయన ప్రధాన పాత్రలో నటిస్తున్న చిత్రం ‘హౌస్ఫుల్ 5’. -
ప్రభుదేవా షూటింగ్ షురూ
‘ముక్కాల ముక్కాబులా..’ ఇప్పటికీ సినీప్రేమికుల్ని అలరిస్తున్న గీతమిది. ఇందులో ప్రభుదేవా డ్యాన్స్, ఏఆర్. రెహమాన్ సంగీతం అభిమానులను ఉర్రూతలూగించాయి. ఇప్పుడు వీరిద్దరి కాంబినేషన్లో ‘ఏఆర్ఆర్పీడీ6(వర్కింగ్ టైటిల్)’ అనే సినిమా రూపొందుతున్నట్లు ఇటీవలే ప్రకటించింది చిత్రబృందం. -
రిపబ్లిక్ డేకి ‘లాహోర్ 1947’?
ప్రత్యేకమైన రోజున వారి చిత్రాల్ని విడుదల చేసేందుకు సన్నాహాలు చేసుకుంటున్నారు బాలీవుడ్ దర్శకనిర్మాతలు. ఇప్పుడదే పనిలో బిజీగా ఉంది ‘లాహోర్: 1947’ చిత్రబృందం. -
ఈటీవీ విన్లో ప్రణయ విలాసం
‘ప్రేమలు’ సినిమాలో తన నటనతో సినీప్రియులను మెప్పించింది మలయాళ కథానాయిక మమితా బైజు. ఆమె, అర్జున్ అశోకన్ జంటగా నటించిన చిత్రం ‘ప్రణయ విలాసం’. నిఖిల్ మురళి తెరకెక్కించారు. -
చాలా సన్నివేశాలు షాక్కు గురి చేస్తాయి
‘‘ప్రేక్షకుల్ని సీటు అంచున కూర్చోబెట్టే వినూత్నమైన కథతో రూపొందిన థ్రిల్లర్ చిత్రం ‘ప్రసన్న వదనం’. దీంట్లో చాలా సన్నివేశాలు షాక్కు గురి చేసేలా ఉంటాయి’’ అన్నారు సుహాస్. ఆయన హీరోగా నటించిన ఈ సినిమాని అర్జున్ వై.కె తెరకెక్కించారు. -
ఫొటోషూట్లో హొయలు.. వావ్ అనిపించేలా జాన్వీ.. కట్టిపడేసిన హెబ్బా
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
ఆ క్యారెక్టర్ ప్లే చేయాలంటే భయమేసింది: రాశీఖన్నా
తాను సవాలుగా స్వీకరించి నటించిన పాత్రల గురించి రాశీఖన్నా ఓ ఇంటర్వ్యూలో తెలిపారు. అవేంటంటే? -
అభిమాని బర్త్డే సెలబ్రేట్ చేసి.. ఖరీదైన గిఫ్ట్ ఇచ్చి.. వీడియో వైరల్
తన అభిమానికి జీవితంలో మరిచిపోలేని జ్ఞాపకాన్ని ఇచ్చారు బాలీవుడ్ నటుడు జాన్ అబ్రహం.
తాజా వార్తలు (Latest News)
-
హెచ్డీ రేవణ్ణ, ప్రజ్వల్పై కిడ్నాప్, అత్యాచారం కేసులు..
-
పిఠాపురంలో పవన్ విజయానికి కృషి చేస్తా: ముద్రగడ కుమార్తె క్రాంతి
-
ఓటీటీలోకి హారర్ థ్రిల్లర్.. స్ట్రీమింగ్ ఎప్పుడంటే
-
వివేకా హత్య కేసు.. సునీల్ యాదవ్, ఉదయ్కుమార్రెడ్డికి చుక్కెదురు
-
ఘోరం.. సెల్ఫోన్ టార్చ్లైట్ వెలుగులో ప్రసవం.. తల్లీబిడ్డ మృతి
-
ఉక్రెయిన్పై రష్యా ‘క్లోరోపిక్రిన్’ ప్రయోగం? ఏంటీ ఆయుధం?