కల్యాణ్‌రామ్‌ సినిమా... ‘ఎమిగోస్‌’?

మైత్రీ మూవీ మేకర్స్‌ పతాకంపై కల్యాణ్‌రామ్‌ కథానాయకుడిగా ఓ చిత్రం తెరకెక్కుతోంది. రాజేంద్ర దర్శకుడిగా పరిచయం అవుతున్నారు. నవీన్‌ యెర్నేని, యలమంచిలి రవిశంకర్‌ నిర్మాతలు. కల్యాణ్‌రామ్‌ కథానాయకుడిగా నటిస్తున్న 19వ సినిమా ఇది. దీనికి ‘ఎమిగోస్‌’ అనే పేరుని పరిశీలిస్తున్నట్టు సమాచారం. ‘ఎమిగోస్‌’ అంటే తెలుగులో స్నేహితులు అని అర్థం. ఈ చిత్రంలో కల్యాణ్‌రామ్‌ మూడు పాత్రల్లో కనిపిస్తారని ప్రచారం సాగుతోంది. మరి మూడు పాత్రలా లేక, రెండు పాత్రలా అనేది తెలియాలంటే మరికొంతకాలం ఆగాల్సిందే. కథానాయిక ఎంపికపై కూడా కసరత్తు చేస్తోంది చిత్రబృందం.