పవన్‌కల్యాణ్‌కు మద్దతుగా వరుణ్‌తేజ్‌ ప్రచారం

నేడు పిఠాపురం నియోజకవర్గంలో పర్యటన

గొల్లప్రోలు, న్యూస్‌టుడే: జనసేనాని పవన్‌కల్యాణ్‌కు మద్దతుగా సినీహీరో కొణిదెల వరుణ్‌తేజ్‌ శనివారం పిఠాపురం నియోజవర్గంలో ఎన్నికల ప్రచారంలో పాల్గొంటారని జనసేన జాతీయ మీడియా అధికార ప్రతినిధి వేములపాటి అజయ్‌కుమార్‌ తెలిపారు. కాకినాడ జిల్లా చేబ్రోలులోని పవన్‌కల్యాణ్‌ నివాసంలో శుక్రవారం విలేకరుల సమావేశం నిర్వహించారు. ఈ సందర్భంగా వరుణ్‌తేజ్‌ ప్రచారానికి సంబంధించి రోడ్‌షో, సభలు జరిగే ప్రాంతాల వివరాలు వెల్లడించారు. గొల్లప్రోలు మండలం తాటిపర్తిలో మధ్యాహ్నం 3.30 గంటలకు రోడ్‌షో ప్రారంభమై వన్నెపూడి మీదుగా సాగుతుందన్నారు. కొడవలి, చెందుర్తి, దుర్గాడ గ్రామాల్లో సభలు నిర్వహిస్తారని తెలిపారు.