Maheshbabu: దుబాయ్‌లో కథా చర్చలా?

మహేష్‌బాబు కొత్త సినిమాపై దృష్టి పెట్టే సమయం ఇది. ‘సర్కారు వారి పాట’ని పూర్తి చేసిన ఆయన సెలవుల కోసం దుబాయ్‌ వెళ్లారు. సహజంగానే చేస్తున్న సినిమా పూర్తి కాగానే అలా విదేశాలకి వెళ్లడం మహేష్‌కి ఎప్పట్నుంచో ఉన్న అలవాటు. అందులో భాగంగానే కుటుంబంతో కలిసి దుబాయ్‌ వెళ్లారు. ‘ఆర్‌ఆర్‌ఆర్‌’ విజయాన్ని ఆస్వాదిస్తున్న అగ్ర దర్శకుడు రాజమౌళి కూడా అదే రోజున దుబాయ్‌కి పయనం కావడం చర్చనీయాంశంగా మారింది. మహేష్‌ - రాజమౌళి కలయికలోనే తదుపరి సినిమా రూపొందనున్న విషయం తెలిసిందే. ఈ ప్రాజెక్ట్‌ కథా చర్చలకి దుబాయ్‌ వేదిక కావొచ్చనేది పరిశ్రమ వర్గాల అంచనా.