Kajal: ‘సత్యభామ’ చేసినందుకు గర్వంగా ఉంది: కాజల్ అగర్వాల్‌

ఇంటర్నెట్‌ డెస్క్‌: కాజల్‌ ప్రధాన పాత్రలో తెరకెక్కిన సినిమా ‘సత్యభామ’ (Sathyabhama Movie). సుమన్‌ చిక్కాల దర్శకత్వం వహించిన ఈ చిత్రం జాన్‌ 7న ప్రేక్షకుల ముందుకురానుంది. తాజాగా ఈ చిత్రబృందం ప్రెస్‌మీట్‌లో సినిమా విశేషాలు పంచుకుంది. 

ఇందులో మీరు ‘కర్తవ్యం’లో విజయశాంతిలా ఉంటారా?

కాజల్‌: ఆమెతో పోల్చడమే నాకు గౌరవంగా ఉంది. నేను ఇప్పటివరకు ఇలాంటి పాత్రలు చేయలేదు. ఈ పాత్రను సవాలుతో స్వీకరించాను.

‘సత్యభామ’ (Satyabhama) చేయడానికి కారణమేంటి?

కాజల్‌: స్టోరీ చాలా నచ్చింది. కథ వినగానే కొత్తగా అనిపించింది. అందుకే వెంటనే ఓకే చేశాను. ఇలాంటి సినిమా చేసినందుకు గర్వంగా ఉంది.

ఈ సినిమా కోసం ఏమైనా శిక్షణ తీసుకున్నారా?

కాజల్‌: ఇది ఓ బాధ్యతగా తీసుకున్నా. చాలా ప్రిపేర్‌ అయ్యాను. స్టంట్స్‌ నేర్చుకున్నా. 

తల్లి అయ్యాక చేసిన మొదటి సినిమా కదా.. ఎలా అనిపించింది?

కాజల్‌: ఛాలెంజింగ్‌గా అనిపించింది. నటన అంటే నాకు ఇష్టం. దానికి ప్రాధ్యాన్యమిస్తాను. అందుకే కష్టపడ్డాను. ఇలాంటి సినిమా చేయడం అదృష్టంగా భావిస్తున్నా. కష్టపడితే సాధ్యం కానిదంటూ ఏదీ ఉండదని నేను నమ్ముతాను.

ఈ కథకు కాజల్‌ను ఎంచుకోవడానికి కారణం?

సుమన్‌ చిక్కాల: ఈ కథకు కాజల్ మాత్రమే న్యాయం చేయగలరనిపించింది. ఇందులో యాక్షన్‌తో పాటు ఎమోషన్‌ కూడా ఉంటుంది.

ఈ సినిమా తర్వాత ప్రేమకథా చిత్రాల్లో అవకాశం వస్తే చేస్తారా?

కాజల్‌: చేస్తాను. ఎప్పుడూ ఒకేతరహా చిత్రాల్లో నటించాలని రూల్స్‌ ఏం లేవు కదా.

పెళ్లి తర్వాత కథల ఎంపికలో హద్దులు పెట్టుకున్నారా?

కాజల్‌: ఎలాంటి హద్దులు పెట్టుకోలేదు. సినిమా అంటే నాకు ఇష్టం. పెళ్లి తర్వాత ఏ విషయంలోనూ మార్పు రాలేదు. 

ఇప్పటివరకు తారక్‌, పవన్‌ కల్యాణ్‌, రామ్‌చరణ్‌ పోలీస్‌లుగా నటించారు. వీళ్లలో ఎవరిని స్ఫూర్తిగా తీసుకున్నారు?

కాజల్‌: ఒకరిని ఎంచుకోవడం కష్టం. వాళ్లందరూ పోలీసులుగా అద్భుతంగా నటించారు. నేను ఈ పాత్ర చేశాకే ఇలాంటివి చేయడం ఎంత కష్టమో అర్థమైంది.

ఈ సినిమా చేసేటప్పుడు గాయలు అయ్యాయా?

కాజల్‌: లేదు. యాక్షన్‌ కొరియోగ్రాఫర్లు చాలా జాగ్రత్తగా నేర్పించారు.

మొదటి సినిమానే క్రైమ్‌ థ్రిల్లర్ చేయడానికి కారణం? 

సుమన్‌ చిక్కాల: కావాలనేం చేయలేదు. అలా కుదిరిందంతే. 

ఈ సినిమా కోసం రీసెర్చ్‌ చేశారా?

కాజల్‌: మా టీమ్ అంతా ఎంతో రీసెర్చ్‌ చేసింది. చాలా హోంవర్క్‌ చేశాం.