Bheemadevarapally Branch: సందేశమిచ్చే భీమదేవరపల్లి బ్రాంచి

అంజి వల్గుమాన్‌, రాజవ్వ, సుధాకర్‌ రెడ్డి, అభిరామ్‌, రూప శ్రీనివాస్‌ తదితరులు ప్రధాన పాత్రల్లో నటించిన చిత్రం ‘భీమదేవరపల్లి బ్రాంచి’ (Bheemadevarapally Branch). రమేష్‌ చెప్పాల దర్శకుడు. బత్తిని కీర్తిలత గౌడ్‌, నరేందర్‌ చెట్లపల్లి సంయుక్తంగా నిర్మించారు. ప్రొఫెసర్‌ నాగేశ్వరరావు, జేడీ లక్ష్మీనారాయణ కీలక పాత్రలు పోషించారు. ఈ చిత్ర టీజర్‌ను తెలంగాణ మంత్రి కేటీఆర్‌ గురువారం విడుదల చేశారు. అనంతరం ఆయన మాట్లాడుతూ.. ‘‘టీజర్‌ చాలా బాగుంది. మంచి సందేశం ఉన్న చిత్రమని అర్థమవుతోంది. పూర్తి సినిమాను తప్పక చూస్తా’’ అన్నారు. ‘‘దర్శకుడు రమేష్‌ ఓ మంచి సందేశాన్ని వినోదాత్మకంగా ప్రేక్షకులకు నచ్చేలా చెప్పే ప్రయత్నం చేశారు. అది అందరికీ నచ్చుతుందని నమ్ముతున్నా. నిర్మాణాంతర పనులు జరుగుతున్నాయి. త్వరలో విడుదల తేదీ ప్రకటిస్తాం’’ అన్నారు నిర్మాత కీర్తి లత గౌడ్‌. ఈ సినిమాకి సంగీతం: చరణ్‌ అర్జున్‌, ఛాయాగ్రహణం: కె.చిట్టిబాబు.