venkatesh: పల్లెటూరి కథలో వెంకీ!

విజయవంతమైన కలయికలో సినిమాకి రంగం సిద్ధమైంది. అగ్ర కథానాయకుడు వెంకటేశ్‌తో... అనిల్‌ రావిపూడి ఓ సినిమా చేయనున్నారు. ఈ కలయికలో సినిమా కోసం కథ దాదాపుగా సిద్ధమైంది. కుటుంబం, పల్లెటూరి నేపథ్యాల్ని మేళవించిన ఓ కథని సిద్ధం చేసినట్టు సమాచారం. పట్టణంతోనూ ఈ కథ ముడిపడి ఉంటుందని తెలిసింది. ఈ వేసవిలోపే సినిమాని పట్టాలెక్కించేందుకు ప్రయత్నాలు జరుగుతున్నాయి. ‘ఎఫ్‌ 3’ తర్వాత అనిల్‌ రావిపూడి దర్శకత్వంలో... వెంకటేశ్‌ చేస్తున్న చిత్రమిదే. దిల్‌రాజు నిర్మించనున్నారు. మరికొన్ని రోజుల్లో ఈ సినిమాపై మరింత స్పష్టత వచ్చే అవకాశాలున్నాయి. ఇటీవల  ‘భగవంత్‌ కేసరి’తో ఘన విజయాన్ని సొంతం చేసుకున్నారు అనిల్‌ రావిపూడి.